واحد من الناس

2010-02-02T03:02:00.000-08:00

السياسة في مصر

حوارات المستقبل

المصري اليوم

كعادتها المصرى اليوم تقدم للقراء خدمة مهمة للمهتمين بمستقبل مصر الفترة القادمة من خلال عشرة لقاءات مع عشرة شخصيات مؤثرة من رؤساء احزاب الى مفكرين الي سياسيين الي ناشطين الى ناقدين للنظام في الفترة من 11 يناير 2010 الى 23 يناير 2010.
و هؤلاء العشر شخصيات في لقاءاتهم قدموا وجهة نظرهم المحضة بدون التطرق الى اضفاء قيمة الخبر علي ارائهم و اكتفوا بفكرة ان اللقاءات هي رؤيتهم للمستقبل، لا اعلم هل ذلك دورمحمود مسلم الذى اجرى اللقاءات العشر ام رغبة الشخصيات في عدم التورط في الفعل.
هذا يدفعنا الي سؤال أهم، هل كان محمود مسلم يسأل بدافع الصحفي الذي يريد معرفة ماذا بالمستقبل من احداث ؟ ام انه يتفحص رد فعل اشخاص معينيين بما سيفعلونه في المستقبل، في حالة حدوث امور محددة . و أيضا يدفعنا الحديث الي دور هذه اللقاءات في فرض اسم جمال مبارك كخطوة من خطوات الخطة الموضوعة لترشحه ، و التي نري كيف انها كانت تدور رحاها و نحن لم نكن في غفلة بقدر ما كان التكذيب من داخل الحزب عال الصوت .
ان اهتمامى بتحليل ما دار في اللقاءات العشر نابع من ايماني الشديد بالتحضير لما هو آت،والحرص على استشراف المستقبل و البحث عن أى وسيلة نستطيع بها العمل من الآن لتجنب أكثر الاضراربقدر الامكان، او العمل على جلب اكبر قدر من الاصلاح .
الا ان هناك عدة امور لم تجعل الاستفادة من اللقاءات تبلغ درجة كبيرة، وهي التي تتلخص في التالي
1 – الضيوف ليسوا على درجة واحدة من العمل السياسي فمنهم رؤساء الاحزاب ( محمود اباظة ورفعت السعيد و اسامة الغزالي حرب ) ومنهم عضو مجلس شعب (حمدين صباحي ومصطفى الفقي ) ومنهم اعضاء من لجان احزاب (حسام البدراوي ومحمد كمال) واكادميين (حسن نافعة) ، والنافذين (د.احمد كمال ابو المجد ) .
2 – اختيارات الشخصيات كان بها اقصاء وبالتالي لم تمثل جميع التيارات السياسية في مصر المؤثرة فتم استبعاد الاخوان المسلمين و الوسط والسلفين رغم ما يمثل هؤلاء الثلاث من تواجد على مستوى الشعبي والسياسي حتى لو بصورة غير مؤسسية مثل الوسط ، ثم نجد ان الناصرين بتنوعهم وتواجدهم غير ممثلين الا بأراء شخص واحد هو حمدين صباحي الذي يحسب انه عضو مجلس شعب ورئيس مقترح ترشحه ، اكثر من كونه ممثل للتيار الناصري ويتحدث عنه وعن ردود فعله ونظرتهم للمستقبل في مصر ، ثم لا نجد تمثيل للحركات المعارضة غير الرسمية وعلى رأسها كفاية وخططها للمستقبل، والاكتفاء بالدكتور حسن نافعة الاكاديمي التي لا تمثل وجهة نظره العمل في الشارع .
3 – ان اغلب اللقاءات كانت تسير – لا اعلم اهو مقصود ام صدفة – في بعث اليأس من وجود اي تغير خارج نطاق الحزب الوطني او سيادة الرئيس ، وهو امر اشبه بكونه توجه عام في كل الاسئلة وقيادة الحديث .
4 – لا تظهر في الحوارات اي روح مقاومة من محمود مسلم فأنه يسمع الايجابات ولا يرد معقبا او مشككا او ناقدا وضع معين بل يكتفي بالاستطراد اوالسؤال في طريق اخر، ولذا فنحن لا نعلم ما مصداقية ما يقوله الضيف وبالتالي سنعتبر صدق جميع الايجابات رغم تعارض بعض الايجابات واعتبار ان هذا على سبيل عدم الفهم والاخذ في الاعتبار حسن النية .
اولا : اهم القضايا التي طرحت وتفصيل الاجابات .
1 – مستقبل الانتخابات الرئاسية 2011 هي اولى القضايا التي طرحت ، والتي نجد اجماع مبدئي على غموضها ، ثم نجد ان الاجابات التفصيلية تسير في طريق ترشح مبارك اوابنه جمال في هذه الانتخابات ، ولكن اراء من نوعية " ان مقدمات التغير عام 2010 هي ما ستحدد نتيجة 2011 " تجعل الوضع غامض فعلا، ولكن من عموم الاجابات نجد بوضوح الاجماع الا القليل على فوز مبارك الاب اذا قرر الترشح .
2 – نجد ان القضية الثانية الأهم هى السيد جمال مبارك و ظهوره الواضح كمرشح محتمل للانتخابات و التى اجمعت الآراء على ان فرصته قوية فى حالة عدم ترشح والده لأي سبب او فراغ سياسي ناتج عن قضاء الله ، نتيجة الوضع الدستوري المعيب .
و هنا يظهر السؤال الذى طرحناه فى المقدمة هل طرح السؤال بهذه الكثافة في اللقاءات في هذا التوقيت له دور خفي في مراحل الخطة المرسومة لترشح جمال ؟ فنحن كنا نسمع منه و من والده و من حواريه انه لا يفكر فى الترشح ، و لكن بداية من السؤال مباشرة بهذا الاسلوب "لو كان مرشح الوطنى جمال مبارك هل سيكون توريثا" و تكرار السؤال علي العشرة ضيوف في تنويعات مضاف اليها دائما ميزة حميدة مثل "هل ممكن ان يرشح جمال مبارك نفسه كأول رئيس " مع الاخذ في الاعتبار التنوع حسب الضيف معارضا ام مواليا، وذلك لخدمة الهدف من هذه الخطوة .
و رغم كل ذلك فإن الاجابات اجمع أغلبها على أن الشكل في حالة ترشح جمال عن الحزب الوطنى سيكون توريثا ، ولكن اختلف المضمون بين مؤيد و معارض، مثلا كانت الاجابات مثل "المسألة مختلفة لانني ارى تركيبة الحزب و الخبرات التى اكتسبها خلال التسع سنوات الماضية جعلته احد الخيارات داخل الهيئة العليا ثم المؤتمر العام "وهذا كان جزء من رد د.حسام بدراوي وهو المشير مما لايدع مجال للشك عن مكانة جمال مبارك، وكانت المعارضة اجابتها قوية بالنسبة للمضمون كرد حمدين صباحي "انا اري ان ترشيح جمال مبارك به نوع من الاهانة الاخلاقية للمصريين " الا ان هناك من رفض مبدأ شخصنة الموضوع فى اسم جمال مثل رفعت السعيد الذى وضح ان "الموضوع هى انتخابات حرة بغض النظر عن الاشخاص"
3 - عند التحدث عن تعديل الدستور لم يكن الامر متروكا لتوضيح اراء الضيوف عموما فى الدستوربل كان الاقتصار علي المادتين 76 و 77 و هما ما اختلف الاجماع عنهما، فبالنسبة للمادة 76 الخاصة بشروط الترشح للرئاسة وصفت كمادة معيبة و هو الامر الذى اكد عليه الجميع و طالبوا بتغييرها ، وان اختلف وقت التغيير قبل انتخابات 2011 ام بعدها ؟ !! اما المادة 77 فهى اقترنت بالسيد جمال مبارك كاحد الاصلاحات التي سيقدمها مثلما عرضها مسلم في سؤال "هل لو ترشح السيد جمال مبارك على انه اول رئيس مدنى و سيغير المادة 77 سيكون مقبول ؟" و قد اجمع الجميع علي المطالبة بتغييرها ضمنيا او بوضوح مثلما اكد رفعت السعيد "نحن نرفض ان يظل الرئيس ابدا فنحن نعترض علي ذلك 25 سنة كفاية اوى"
4 - اما عن قضية التدخل الاجنبى فى اختيار الرئيس: فقد كان من اكثر اللقاءات اثارة للنقاش لأنه تحدث عن الموضوع بصراحة متناهية بدون لف ولا دوران الدكتور مصطفي الفقي في تصريحه المعدل " لا اعتقد انه سيأتى رئيس عليه فيتومن امريكا واسرائيل" و رغم انه امر مفروغ منه بل اكده كثير من المحللين و المفكرين بعد ذلك ، حتى باقى الضيوف حاموا حول نفس الرأي في أهمية قبول اسرائيل و أمريكا الرئيس المرتقب و هو امر فى غاية الوضوح نظرا لأهمية مصر سلبا و ايجابا لمصلحة الدولتين الا أن الاعتراض كان على عمق ذلك القبول أو الرفض و هو الامر الذى اثار حفيظة الكثيرين علي د. مصطفي حتي ان المتحدث باسم الرئاسة قد راجعه في ذلك دون ان ننسي ما علق به أ.حسنين هيكل عن ذلك و اتهامه للدكتور الفقى بأنه ضليع فى هذه النتيجة التي وصلنا إليها ...
و لكن تبقى كلمة لم تذكر في اللقاءات و لكن بالمشاهدات العامة ترى و هي أن النظام في امريكا قد صرح أكثر من مرة انه علي استعداد على التعامل مع أى طرف يحكم مصر بل اكثر من ذلك فإنه يمد جسورا من التعاون مع كل الأطراف فى مصر كما تفعل مع كل العالم، عدا القاعدة و معاونيها و الذين لا يتواجدون فى مصر بالصورة المكشوفة. وبالتالي فان اي تيار في مصر لا يوجد عليه فيتو امريكي صريح وهو الفيتو الاهم .
5 - الاخوان المسلمين : تراوحت اجابات الضيوف بين التأكيد علي ان الاخوان سيتركوا الساحة تماما في هذه الفترة أو عقد صفقة مع النظام لتمرير التوريث فى مقابل فوائد لهم أو حتى مجرد مساومات كما أكد رفعت السعيد .
ثانيا : استنتاجات عامة
عندما تقرأ العشرة لقاءات مرة واحدة بالتوالى ستجد ان هناك مجموعة من الاستنتاجات السريعة تظهر بدون أى تفكير عميق .
1- التأكيد علي نجاح الرئيس مبارك فى حالة ترشحه و هو الأمر الوارد جدا حدوثه،وذلك يظهرفي اجابات مثل "الرئيس قطع على نفسه عهد أنه سيظل يعمل لمصلحة مصر حتى آخر نفس"أو مثل " مادام نظامنا السياسي كما هو بنفوذه و ما يجري العمل به فأتوقع ان يرشح الرئيس مبارك نفسه" "طبعا الرئيس فى مصر هو الذى يقرر" ، "طبعا الرئيس مبارك" و اجابات اخرى نرى فيها ضمنيا اليأس عن أي تغيير خارج رأى و فكر الرئيس .
الا ان اجابة مثل "عدم حسم الرئيس الموضوع وانه يفكر كثير " التي اجاب بها د.أحمد أبو المجد لا تعطى الأمل بقدر ما تؤكد علي انه قرار متفرد به .
2- ظهر بوضوح وجود فريقين داخل الحزب الوطنى بل ان هناك رجال اقرب و رجال يديرون و رجال حول الرئيس و بينهم تنازع واختلافات تصل الى افساد خطط كلا من ناحية الآخر، ونجد ذلك في اجابات متناقضة داخل الحزب الوطنى والممثلين له من العشرة ضيوف وكانت اجابتهم المتناقضة مثل " قيادات الحزب اعلنت انه لا تعديل في الدستور الان " ونجد اجابة اخرى "ارى انه من الممكن تعديل المادة 76 في فترة مقبلة او المادة 77 ايضا " واجابة اخرى عن المادة 76 " كل مااستطيع قوله انها مادة سيئة وممن يتمنون تعديلها" وايضا " انا اقرب الى فكر الرئيس واقول انه يفكر ان يقود ثورة بيضاء ناعمة توظف المشاعر ...... وتشمل تعديلات دستورية ..... ومواد اخرى اوسع ...." أو ان يصرح احد القيادات بان " نحن نحمل على كاهلنا كل مافعله الحزب في الفترة السابقة " او "احتمال ان يكون هناك معركة داخل الحزب اذا حدث فراغ ولم يرشح الرئيس نفسه"
3- المعارضة في مصرمنقسمة بين فريقين او اكثر، وهذا ما نجح فيه النظام ، فنجد مسطلحات تطلق من فريق معارض على الاخر، مثل المعارضة المؤسسية كالاحزاب في مقابل المعارضة الفردية ، او المعارضة الرسمية في مقابل معارضة الشارع ، او المعارضة الحقيقية والمعارضة المستأنسة ، وكلها اوصاف تفتت القوى المطلوبة للمعارضة،وهذا صنيع النظام بذكاء واجج ذلك ليؤكد تفرق المعارضة، لينجح من النيل منها في اطار نظرية فرق تسد، وللاسف انطلت هذه الفكرة بين كافة فرق المعارضة والتي لا تدري ان نجاحها يكمن في التوافق على خطة ومرشح واحد، وان يدعم من كل القوى المعارضة بمختلف طوائفها . والغريب اعتراف قيادى لحزب كبير عريق بأن " الاحزاب ديكورات " .
4- اجمع الضيوف عدا ايمن نور على عدم وجود ظهور في الفترة القادمة له (ايمن نور) بل ان احد الضيوف قال " هو كان له شعبية اصلا" وهذا امر جعل السؤال عن البرادعي امرمفروض كبديل توافقي للمعارضة مرتقب رغم ان البرادعي لا يسعى اصلا الا لعمل تغير في المجتمع والدفع به في اطار الديمقراطية .
5- انتخبات مجلس الشعب القادم مع الشورى قبلها ستكون اولى جولات معارك التغير وهذا ما رتب له الحزب الوطني بتركيز كبير بعكس باقي الاحزاب الضعيفة فعليا ، والامل سيأتي من المستقلين او تكتلات المعارضة غير الرسمية ، ولكن من صالح الحزب ان تكون على نفس شكل التكوين لمجلس 2005 وهو ماسيسعى اليه بدون الدخول في رهانات او مغامرات او حتى تنازلات بغرض تحسين صورته ويبقى الاخوان كقوة متأهبة كالعادة بدون تداخل حقيقي .
6- اكثر الاستنتاجات غموضا والاكثر تضارب في الاراء التي طرحت ليس من ضيف الى ضيف ولكن في حديث الضيف نفسه ، هي امكانية حدوث تعديلات دستورية وهي التعديلات التي تتمحور حول المادتين 76 و 77 والتي من الارجح ان يتم تعديله اما طبقا لما صرح خلسه به اغلب الضيوف النافذين او اشاروا الى ان النقاش يدور حولها في عقل سيادةالريس ، والذي صرح احد المقربين اليه " اذا ابدى رايا عنده استعادا اكبر مما يظن الناس للعدول عنه ..."
7- لن يسمح باشراف قضائي وان ممكن ان يسمح باشراف مدني ووارد الاستعانة بمراقبين دوليين في انتخابات مجلس الشعب والشورى .
8- الاعلام الرسمي حائر بين اكثر من جهة وهذا يصب ايضا في اطار وجود القوتين المتصارعتين داخل مؤسسة الحزب .
9- رغم وجود تلك القوى فان اللقاءات اكدت على اي تغير ينبع اساسا من الرئيس ومستشاريه والذين يختلفون عن

المجموعتين المتصارعتين داخل الحزب

2009-05-12T03:54:00.000-07:00

افكار يوم اثنين غير عادي

اصبح موعد الورشة يوم الاثنين وليس الاربعاء

انا مين ....سحقا لكثرة التفاصيل

انت شاكلك كده اصغر مني .... " فوجئت من ذلك التعليق, من زمن لم اسمعه, من اكثر من ستة اشهر, وبالنسبة لي هذا زمن بالمقارنة الى كثرة سماعي له وتواليها , سته اشهر لم اسمعه في عرفي انا زمن

لا اناعاندي .... سنة -
لا تبقى اكبر -

رغم انه كان ثاني تعليق خاص بشخصي الا ان الاول كان اكثر تاثيرا : " انت محامي " نبئتني هذه التعليقات واخرى

سارويها لاحقا ان مازال خارجي مختلف عن داخلي , "لا لست محاميا " 000

رغم انني لم افرد قلوعي ولم اتحدث عني وعني وعني وعني او هكذا اعتقدت ……..رغم اصراري على ان اتغير واحساسي اني نجحت الا ان اللعنة مازالت بداخلي 0

لم احزن ولم اسعد ولم امر بحالات اكتئاب مثل الايام الخوالي 0

حتى في طريق عودتي سبني بالكلاكس ميكروباصيين , رغم اعتقادي ايضا ان سواقتي بريئة ولا احتاج للسب0

من انا ولماذا انا .؟؟

ايضا لم احزن ولم اسعد عندما سمعت تعليق "انت شاكلك كده كنت من اللي بيقعودوا على الصف الاول ودايما بيطلبوا الواجب"

ايضا لم اكن كذلك بل على العكس -

اصبحت اسمع نفس الحديث القديم بنفس النصائح, بنفس التصورات , ثم اكتم انفاسي على الصراخ " لأ انا مش كده" 0
لست متوترا الى حد الصراخ ولست مكتئبا الى حد العويل ولست اكيد سعيد الى حد الانتشاء , إلا ان الموضوع اراه سخيف , وهي اقوى كلمة احب ان استخدمها , سخيف , كلمة مليئة بكل نواقص الانسان المثقف , سخيف كلمة تعبر عن انتفاخ بالوني ليس له حقيقة سوى هواء, سخيف قاسية جدا اذا اطلقتها بين مجموعة ظرفاء وكأنك بها تعلن على احدهم حكم الاعدام, سخيف 0000

سحقا لكثرة التفاصيل في حياتي هي المخادعة لست انا

2009-05-08T16:06:00.000-07:00

بوستر جميل

هذا احد بوسترات فيلم الفرح, للمجموعة التي انتجت فيلم كباريه العام الماضي, واقعية جديدة لا يحتفى بها , واتوقع ان يكون الفيلم الفرح مثل فيلم كباريه , عرض واقعي درامي لحياة المهمشين من خلال يوم واحد ,حتى نشاهد الفيلم اعجبت بالبوستر واحببت ان اشارككم0

2009-05-08T15:40:00.000-07:00

السياسة في مصر

الثانية : ليس ديكتاتور ولا دفاعا عنه

اكيد لا احتفل بعيد ميلاده, ولا افضل حكمه نهائيا , ولا اتمنى ان يظل يحكمنا يوم واحد زيادة, ولكن انا ارى اننا جميعا

نعالج مرض ليس فيه ولذلك فكل مجهودتنا كانت تسير في اتجاه خاطئ0

وانا لا ادافع عن الرئيس حسني مبارك في عيد ميلاده الثاني والثمانين عندما اعلن انه ليس ديكتاتور حتى لو وضع اسمه في قائمة العشرين ديكتاتورا طبقا للقائمة التي اصدرتها .... في عام 2009 حيث اني كفرت بقوائم الغرب واسباب الغرب واولويات الغرب0

ان تعريف الديكتاتورية هو: شكل من أشكال الحكم تكون فيه السلطة مطلقة في يد فرد واحد (دكتاتور) وكلمة دكتاتورية

(dictate)أي يملي والمصدر dictation اي إملاء من الفعل
ان سيادته امكانياته لا تسمح بان تكون كل السلطة بيده, او ان يتحكم بالناس , وهناك مشاهد كثيرة في تاريخ حكمه او فترة نيابته تعلن ذلك بوضوح, ولن استطرد فيها . حتى في اختياره للوزراء , و نراجع طريقة تعامل سيادته مع المشاكل والمواقف وكيف يحافظ على الاستقرار, مقارنة بالاسبقين. وافكركم في بداية حكمه عندما اعلن قيام المؤتمر الاقتصادي لبحث مشكلة مصر الاقتصادية, اعلانا منه انه لا يملك حل ولا يملك رؤية للحل ويطالب الجميع بمناقشة ذلك, بعكس اخر مثلا كان يعتقد ان العصى السحرية يملكها بيمينه ويملك حق السمع والطاعة على الجميع , بامكانياته واخلاصه لهذا الوطن وحبه له 0

نعم لم يكن يملك رؤية وهذا اعتقادي الدائم , لم يملك توجه عام يحاول ان يفرضه على الوطن , حتى في المشاكل التي تعرض عليه ونري كيفية التعامل معها نجده يصمت ويصمت ثم قبل الانفجار ينزع فتيل الانفجار فقط, ثم يؤجل ( ويليس )على المشكلة 0

وهذه الطريقة نجدها في كل شئ حتى الحروب والمنازعات العسكرية , التي اغلبها لانها خارجة عن حكمه انفجرت سواء تدخل هو ام لا, واكبرتوضيح لسياسته نجدها في النكة المشهورة عن رد فعل الثلاث رؤساء عبدا الناصر والسادات ومبارك في اجتياح العراق للكويت, كانت النكتة ترصد ماذا يكون رد فعل الثلاث رؤساء في خبر اجتياح العراق للكويت , كان عبد الناصر بعد الاجتياح بساعة خطب خطبة جهورية عصماء في ميدان التحرير حشد فيها الشعب سب فيها الدين لصدام ثم ارسل فرقة خطفته وعين المشير (قبل 1967 طبعا ) لقيادة جيش العراق للانسحاب. وكان السادات ثاني يوم خطب في مجلس الشعب استهزء بصدام واتهمه بعدم اتباع تقاليد العيلة , ثم ارسل كتيبتين على خلف حدود السعودية الكويتية تهدده ثم يتفاوض معه لياخذ جزء من ابار بترول سيناء مقابل تركه للكويت. ام الرئيس مبارك .... اظن مافعله اكبر نكته ولكن وقتها وقبل الانتهاء من مهازل هذه الحرب كانت النكتة تقول ان الرئيس ارسل له رسالة تخبره انه خدعه وانه كان فاهم ان اتفاقية الدفاع المشترك بقيادة مصر والعراق قبل الحرب كان الغرض منه اسرائيل... وانه عليه حق عرب0

و الغريب انها كانت نكة قريبة جدا للذي حدث , فالرئيس بنفسه اعترف كثيرا انه ارسل العديد من الخطابات الشفهية والكتابية والمراسيل لصدام لكي ينحيه عن فعلته ولكن لم يستجب, ثم نجد ان سيادة الرئيس يرسل الجيش المصري تحت قيادة وترتيب مع الامريكان للدخول في حرب ضد العراق لتحرير الكويت , بعد تعليمات واتفاقيات منهم0
هذا هو سيادة الرئيس , ابيض يا ورد , واسالوا اسامة الباز كيف تم تثقيف سيادته سياسيا, ان التثقيف السياسي ليس معلومات وخطط واستراتيجات ولكنه رؤية , واهداف وامكانيات عقلية 0
رئيسنا المبجل ليس ديكتاتورا وهذه هي مشكلة المعارضة انها تحاول مقاومة مرض ليس فيه , فمثلا على مستوى الديمقراطية , الرئيس مبارك كانت ازهى عصور حرية حكمه في بداية الثمانينات, وانا في حل لنقل تصنيف اعضاء مجلس الشعب داخل المجلس وقتها, وانا في حل للتذكير عما كان يكتب الاستاذ مجدي حسين وقتها عن سيادته او ما كان يكتب ايمن نور العصفورة وحرية الصحافة اوعن اعداد الاحزاب وقتها , وحرية الاحزاب وقتها ونشاطاتها, وعلى فكرة كان حزب العمل حزب اسلامي اشتراكي قوي جدا له تواجده بالشارع. ولمن يريد االاستزادة يسأل الاستاذ مختار نوح عن تلك الفترة وكيف كان اداء المعارضة في المجلس او داخل النقابات.
لم يكن سيادته ديكتاتور00000000000
انا لا اقول ان المعارضة اخطئت وقتها فانا لا اتحدث عن خطايا المعارضة في مصر الان, ولكن انا اتحدث عن ان الرئيس مبارك ليس ديكتاتورا بالتاكيد لا يملك شئ يمليه علينا لكي نطيعه وننفذه, هل سمعنم عن نكتة تعيين الوزراء بالصدفة او تعيين وزراء بدون مسؤليات او وزارة , تكررت كثيرا في عصر سيادته0
طبعا ليس معنى انه ليس ديكتاتور انه رائع وجميل واطالب بحكمه او اجد ان فترة حكمه هي ارقى عصور الحرية والديمقارطية , لا طبعا ولكن انا ارى اننا كمعارضة وقعنا في شرك مقاومة ديكتاتور وهو مجرد موظف, موظف لا يملك رؤية, وقع فريسة الدائرة التي حوله والتي شكلت تفكيره , بدأ من اسامة الباز الذي اؤمن انه احد شراك الامريكان بمصر والذي اؤمن انه احد من اسس لدعائم التواجد الامريكي بالمنطقة ,نعم الرئيس وقع فريسة اختياره كنائب بدون طموحات ثم وقع فريسة فرعنة اي مسؤل من مرؤسيه ثم وقع فريسة مجموعة دوائر قريبة منه او قربها منه نظرا لامكنياته العقلية بانهم صلاح مصر, ونحن الذين تركنا الرئيس مبارك لمستشاريه بغض النظر عن تواجهاتهم ولم نقدم له معارضة تساعده على الحكم, وتركنا اخطائنا تصل اليه في التقارير لتوصمنا اننا موتورين وغير مخلصين, وكان ذلك في صالح الدوائر من حوله , وهذا لاعتقدنا اننا نتعامل مع شخص يحكم من خلال فكر شخصي ذاتي له رؤية اصلاحية شاملة , يريد ان ينفذها في البلد. وهو لم يكن ذلك , كان موظف يسال مستشاريه وله اولويات لم يكن من بينها ان يكون رئيس وعندما اصبح اعتقد ان الطريق هو ان تكون موظف فقط, وهذا ما حدث في مصر خلال حكمه , وهي نفس الطريقة التي يتخذ بها القرارات ظاننا منه انها لمصلحة البلد وان البلد مستهدفة والشعب ابن كلب والمعارضة خائنة , والتقارير كلها في صالح ذلك0
ثم توالت الاخفاقات ثم تراكمت المشاكل ثم فسد كل شئ ثم اصبح عمره كبيرا على ايجاد حلول او سماع احد واصبح ينتظر وينتظر وينتظر , ولا اعلم ماذا ينتظر , ان اغلب المناصب المهمة في هذ ا البلد لم تتغير من عشرة سنين او اكثر, اغلب المناصب التي تؤثر وليست المناصب التنفيذية فماذا ينتظر,

اذا رايتم في ذلك دفاع عنه فلا املك من الامر شئ هذا ماتوصلت اليه الان وهذه وجهة نظري الحالية , ممكن ان تتغير اذا نوقشت فيها ولكن الى هذ الوقت انا مؤمن انه ليس ديكاتور بل موظف كبير ليس له رؤية محددة في الحكم كنا كمعارض ممكن ان نستفيد بذلك لو كانت نياتنا مخلصة من البداية 0

2009-04-29T15:40:00.000-07:00

افكار يوم اربعاء غير عادي

الثانية : مش شايف الشخصية

"مش شايف الشخصية "

هي الجملة التي نطلقها عندما نحب ان ننقد عدم إحساسنا ببطل الرواية التي يكتبها احد زملائنا

في الورشة. ثم يعقب هو بالشرح انه فعل كذا من اجل كذا او احد التفسيرات التي توضح وجهة نظره, فنعقب "شخصية جميلة بالفعل وتستحق ولكن أين هذا في النص".

هذا هو اصل الرواية "الشخصية" وتفاعلها مع المجتمع المحيط بها آيا كان من خلال رؤيتها, ومن هذا المنظور او بمعنى

ادق من خلال هذا الشباك (الشخصية ورؤيتها ) على الكاتب او المبدع ان يقول كل ما يريده , فتفاعلاته مع باقي الأبطال سواء شخصيات أخرى او أمكنة, ومن خلال آليات الحكي سواء السرد او التذكر(الفلاشباك) او الحوار, وفي كيان جمالي إبداعي يعتمد على الاسلوب ومدى تقعده او بساطته وعلى براعة ذلك التكوين, وهيكلية الرواية وشكلها سواء كان راوي او عدة رواه او بطل يحكي عن نفسه او مجرد تنويعات على ذلك. .يتشكل قالب الرواية وهو ما يميزها عن الأشكال الأخرى من أساليب الفن الأدبي .
ولكن كل ذلك هي عناصر بنيوية وتبقى نكهة الكاتب والموضوع الذي يسعى لتوصيله ومدى حبكته او سطحيته وتعقد الأحداث وواقعيتها هو ما يعلو بالرواية ومؤلفها.
هذا الحوار دار في ذهني وانا افكر في ماذا يحعل الرواية جميلة؟ محاولا ان اضع قواعد لنفسي للحكم على الروايات التي اقرأها فانا وجدت نفسي اعجب بروايات مختلف عليها . واتابع روايات مختلفة التوجهات والمشارب,
فهناك عدة لم يعجيبوهم "عمارة يعقوبيان" لعلاء الاسواني برغم نجاحها في البيع وترجمتها الى اكثر من لغة , على حساب حبهم لرواية "واحة الغروب" لبهاء طاهر .
وانا من بداية قرائتي للرواية اعجبت مثلا برواية بلا تطفئ الشمس على حساب نادية, رغم ان امينة المكتبة لم تعجب بكلاهما واضافت : يابني انتي كبرت على كده " ووقتها كنت في عامي الدراسي الثاني في الكلية ؟؟؟؟؟
ثم وقعت في حيرة من امري عندما وجدت ان الاستقطاب على اشده بين باولوا كويلهو وماركيز ومن فيهم الاهلي ومن الزمالك في الرواية الاتينية . صعب ان تحدد قواعد للعبة , وصعب ايضا ان تستأثر بالحقيقة , وهذا هو الجميل في الموضوع ان الرواية عالم كبيييير .

2009-04-29T03:15:00.000-07:00

انور الهواري...... بدون انا

الفساد في كل شئ , ونحن ارتضينا بهذا الفساد , يا عمي انا انفسي فاسد, انا مفتاح مكتبي فجيبي وبروح وبسافر وآجي بالشهور. "وجرايدي ومجلاتي الشهرية بتجيلي بدون انقطاع بيميزانية اكبر من مرتبي كل شهر00
.هذ ماحدثنا انور الهواري في نادي نقابة الاطباء في احدى الليالي التي استضفناه بها

هذا كان انور الهواري الذي عرفته , اخواني سابقا, سوداوي التفكير, منظر درجة اولى (من نظرية وليس من منظر) , صعيدي اللهجة حريص عليها, فاهم جدا في الواقع المصري , قارئ نهم, حلو الحديث , متواضع (لا اعلم هل مازال ) , كوميدي النقد , منفعل الشرح
نعم يستحق – حتى لو باع المعارضة – ان يرأس تحرير - الاهرام الاقتصادي – وذلك ليس تملقا او رياء فدائرتي لن تتقاطع معه الامصادفة وبدون مصلحة.

ولكن هذا التقدير من الدولة , لرجل ذاع صيته بانه رئيس تحريراكبر جريدة مستقلة (المصري اليوم ) , ثم رئيس تحرير جريدة اكبر حزب معارض (الوفد) , ثم متهم بقضية نشر . بتعيينه بقرار صريح مباشر كرئيس تحرير الاهرام الاقتصادي التي يستحقها افقده (انورالهواري صدقه عندي .

جائز انه لايسعى الي مصدقيته عند عيال (شباب) المعارضة.

وجائز انه اقترب اكثر ففهم اكثر فقرر ان يقضيها بالطول والعرض مكتفيا بالسكون ثم طالب ثمننا له.وجائز ان الدولة بدأت صادقة في تنصيب جديرين عشم ابليس .

اذا كلفت الدولة الفاسدة الصادق بمسؤليات اساسية , هل تظنون ان الحداية تحدف كتاكيت انها طعامها اليومي

ولكن السؤال هل ظل انور على صدقه في رئاسته للاهرام الاقتصادي .
لنرى...
لم ارغب في عودة شراء الاهرام الاقتصادي - التي طالما اقتنيتها والى الان احتفظ بالنسخ القديمة تلك- بعد معرفتي بترأس انور لها , الا بعد عدة اعداد لكي تظهر بصماته عليها , ثم لم اقاوم , واشتريت ثاني او ثالث عدد تحت رئاسته, ومن هذا العدد بدأت بقرأت مقالته ومن هذا العدد شاهدت مصداقيته وهي تتهاوى , ولنرى ....

عندما باع انور الهواري وفقد مصداقيته اترمى ع الكوم وسيعاقب (هو) ومن معه من الله بكل خطوة نخطوها نحن الشباب تائهين بغض النظر عن ثلة الشباب الذي يلتفون حوله فنحن نراه اكبر وكنا عميان

يفتتح انور مقاله بتقديم لشخص مجهول لم يذكر حتى اسمه بالمقال الاول ولكن ليس مهم .. هذا ا لشخص سيقوم بتعليم القراء ما معنى موازنة, - جهد يحمد عليه – في طريق التوعية , ولكن بعد تقديم صغير لهذا الدكتور المقالة امضاء انور الهواري...ّ!!!!!!! لم اقهم كيف هذا
بغض النظر عن انور او كاتب المقالة
فانا لي اعتراضات على المقال نفسه , ففي اول التقديم ينبأنا الكاتب - ايا كان – كم نحن متخلفون ومقصرين بحق هذا البلد , ففي الوقت الذي نموت كل يوم باحد بنود مصارف موازنتنا الشهرية , يقوم الفرد بالدول المتقدمة بالاهتمام بالموازنة عن طريق متابعتها في التلفزيون على امسية جميلة مثل ماكان يحدث من قبل ايام حفلات الست ام كلثوم , وهذا وان حدث من المتخصصين , فلا يحدث من عوام الناس لانهم ليسوا مسؤلين عن الاطار التنفيذي السنوي للحكومة او الحزب الذي يحكم وكيف سيحكم ويفعل بالموازنة العامة , خصوصا انها في البلاد المتقدمة ليست مجرد كلمتين وبس بل بنود واتفاقيات من التعقييد ان يتابعها المواطنون, ولكن المواطنون الذين لا يعنيهم كثيرا بنود الموازنة لانهم هم الذي اتوا بهذه الحكومة وهم اختاروا تلك الحكومة بناء على مستوى معين من الرخاء او الفوائد او الترتيبات التي تعيشهم بصورة يرضون عنهاوهم يعلمون انهم اذا لم ينفذوا هذا المستوى فانهم سيسقطونهم اول انتخابات تمر بهم, ولذا فلا داعي بان تقوم متابعة سنوية على الموازنة وترك حرية للحركة الصرف.
الغريب ان مصر تستغل - هذا الشئ الجديد في موضوع الموزانة - لغة الارقام كاحد متنفسات للضغط على الشعب المصري, بصورة سلبية و الان اتوا بالاستاذ انور للمشاركة فيه, فلغة الارقام للسادة غير المتخصصين هي لعبة طريفة للتوهان واظهار ان الحكومة تفعل كل جهدها وازا مش مصدقين شايفين في كام مليار هنا وكام مليار هناك والدعم والقروض والبللي بللي باااه والموارد القليلة , وقد ايه الموضوع صعب واللي يفهم حاجة يجي يساعدنا, لكي تؤمن ان موضوع هذه الموازنة فيلم والرد عليه جزء اخر من الفيلم , جاوب على هذا السؤال, هل يستطيع مجلس الشعب بصورته الحالية ان يغير اي بند من بنود الموزانة والتي كتبت وفحصت ودرست واتفبركت داخل اروقت لجنة السياسات - الذي لا استبعد ان يكون الاستاذ انور ظهرت مواهبه وانضم الى قافلتها -
عزيزياستاذ انور بدلا من ملئ المجلة بمقالات اعضاء لحنة السياسات كمتنفذ جديد متخصص يخاطب المتخصصين في الاقتصاد وليس عامة الناس , ارجو ان تظهر الذي تعلمه عن تقدم جميع الدول من حولنا بصورة مهينة لنا , وتقدم دراسة مقارنة مع تركيا مثلا وموازانتها وميزانتيها في العشر سنين الفائتين وموازنة مصر في هذه العوام , وارجو ان تتحفنا بعد ذلك بدراسة متعمقة للاقتصاد الموازي الذي يعيش عليه المصريين فعلا , ارجو ان تتحفنا بدراسة متعمقة ايضا لموارد المواطن المصري وتعلمنا ايهم حلال وايهم حرام او مشروع وغير مشروع ( بلاش حرام ) وان كانت منتجة او خدمية وكم من المصريين يعيشون على المجالات الخدمية وكم يعيشوا على الانتاجية, ارجو ان تخبرنا مثلا تاثير تعدد السكان على المجتمع المصري واهمية هذا على الاقتصاد الموازي وعلى تحول مصر الى سوق استهلاكي , وسؤال بالتبعية لمذا يرفض سيادة الرئيس الزيادة السكانية وهي التي تجعلنا نعيش على بعض .ان العمالة البشرية التي تساعدنا على التحول الىسوق خدمي (نسبة الى ازدهار الاقتصاد وتحقيق معدلات نمو تصل الى 7.5
عن طريق الاستثمارت الخارجية في مجال الاتصالات والعقارات والأوف شور والخدمات )
اتمنى ان تقوم مجلة الاهرام الاقتصادي على توعية حقيقية للمتخصصين عن الاقتصاد الحقيقي للمصريين الموازي والاخر المنهوب ومدى تاثر ذلك على طبيعة المصريين عندما يتحولوا الى مجرد خدميين , كيف جدل طرفي الاستهلاك وصناعة الخدمات على مدار حكم مبارك

شخصية مصرية متدنية , أو ان هذا هو المطلوب؟؟؟؟؟

لهذه الخلاصة والاستنتاج النهائي ادعو عليك يا انور يا هواري

2009-04-29T02:58:00.000-07:00

Nestorius

يوسف زيدان

دافنشي كود

(عبدالحليم محمود (شارل جنيبير

نسطور

عبد الله........ ابن الله

أُم الاله........ أُم الابن ..... أُم المسيح

كنيسة الاسكندرية

السياسة والدين

التغير عند الاختلاف

الرجوع الى الحقيقة

(لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ)(المائدة: من الآية17)

( وَإِنْ لَمْ يَنْتَهُوا عَمَّا يَقُولُونَ لَيَمَسَّنَّ الَّذِينَ كَفَرُوا مِنْهُمْ عَذَابٌ أَلِيمٌ) (المائدة:73)

2009-04-28T10:40:00.000-07:00

شبابيك

لا احب التعليق على الاغاني
ولا احب ان اخوض في باطن الاغاني وافتكس قراءة جديدة للاغاني
ولكن لم استطع ان اكبح نفسي في قراءة جديدة لسماعي اغنية شبابيك محمد منير
الى كل محبوسة ورا الشبابيك وتحلم بفارس ضم الدنيا كلها في شبابيك عينيه

شبابيك

شبابيك الدنيا كلها شبابيك
والسهر والحكايا والحواديت كلها دايرة عليك
الكلام كان كان عليك واللي كان خايف عليك
انتهى من بين ايديك
دي عنيك شبابيك
الدنيا كلها شابيك

سرقت عمري من حزاني
سرقتوا لكن ماجاني
ولحد شاف فين مكاني ورا الشبابيك
دي عنيك شبابيك
الدنيا كلها شابيك

غيرت ياما كتير ياما كتير احوالي
وانا كنت عاشق
عاشق وكان يحلالي
احب بس يكون حلالي ورا الشبابيك

دي عنيك شبابيك
الدنيا كلها شابيك

انا بعت الدموع ..الدموع والعمر
طرحت جنايني في الربيع
في الربيع الصبر
وقلت انا عاشق
سقوني كتير المر ورا الشبابيك
دي عنيك شبابيك

الدنيا كلها شابيك

شبابيك الدنيا كلها شبابيك والسهر والحكايا والحواديت كلها دايرة عليك
الكلام كان كان عليك واللي كان خايف عليك انتهى من بين ايديك

2009-04-16T14:21:00.000-07:00

السياسة في مصر

لا املك من الامر شئ فعزازيل يفعلها معي كما فعلها مع الراهب هيبا . وكأن عزازيل يوسوس للمصريين ان يدونوا

نويت وان شاء الله ان تستمر نيتي بالخير ان اكتب دورية ثالثة عن السياسة في مصر , بدون مقدمات او توريات ساكتب هذه الدورية لانقل افكاري عن السياسة في مصر من وجهة نظري وارجو ان الا تكون تضيعة لوقت غيري بعد ان تستهلك وقتي

الاولى : دور شطرنج

نحن نعيش في دور شطرنج كبير , وللاسف خوفي شديد من ان نكون عاقدين تركيزنا كله على الحصان وفي آخر الدور نجد ان الملك قد مات

كنت مؤمنا ان الرئيس سئ واولوياته غير اولويات الشعب او انه فاسد للثمالة ولم يشبع, او انه حتى خائن او امتدادا للخيانة

ولكن وجدت ان الموضوع اكبر منه جدا جدا , والذي يحدث في سطح مصر لعب عيال لألهائنا بالحصان قبل موت الملك

عندما نجد ان المصريين الان ضد ( ان اتحدث عن المصريين الشعب الناس احنا اهلنا ) العرب وكارهين لهم والمسملين... وضد المقاومة

انا اتحدث عن المصريين (اللي كانوا يفهموها وهي طايرة وثوابتهم واضحة وصريحة) لا يسعون الان الى ان يرتزقوا

عندما يتحول المصريين الى هذا الشكل فأن الموضوع اكبر من رئيس دولة فاسدة او سئ او ديكتاتور

الذي يحدث للمصريين جريمة متممة لكل ما يحدث من تراجع للملسمين والعرب, لان مصر اكبر الثغور واذا تحول هؤلاء المرابطون الى اكلة ومستهلكين اشبه بالحيوانات غريزي التفكير والهوا فبذلك يكون قد تم المراد

من لا يريد ان يرابط عليه بالرحيل فهنا بلد المرابطين حتى وإن وهنت

2009-04-15T17:20:00.000-07:00

التفكير خارج الصندوق

الاولى : إدمان العمل

"انا ممكن اقعد اشتغل 20 ساعة , بس نسكافيه كل ساعتين ابقى زي الفل"

جملة صعقتني وانا جالس بالكافيه اشرب عصير البرتقال مع السلاطة مستمتعا بالتغير الجديد في حياتي. ايقنت بدون التفات صدورها (الجملة) من شابة في اواسط الثلاثين او على اعتاب الاربعين غير متزوجة.
احد أسباب الهروب الى العمل او ادمانه ان تكون خالي الروح, وخواء الروح احد اسبابه الا تمر بتجربة الزوا ج حتى لو فشلت, طبعا انا اتحدث عن عوام الناس, العادين الرائعين من الناس وليس المختلفين المتطرفين.
لا يعنيني ان يكون السبب عدم الزواج او عدم السعادة عموما او هوس بالعمل او اعراض ديكتاتورية مبكرة او قصور ترغب في جبره.
ادمان العمل ليس الزيداة في العمل نتيجة طموحك الزائد مثلا, او رغبتك في اثبات وجودك , الادمان ليس مجرد المزيد من الشئ وانما هو "فقدان السيطرة على شئ للدرجة التي بها يضر بنواحي اخرى في الحياة "
تختلف أسباب ذلك الإدمان مع ثبات أعراضه فمثلا اذا كان نابع من " هوس الكمال " والاحتياج للسيطرة وان يتم العمل بكل دقة حتى التفاصيل والإيمان ان الأمور لن تسير الا بهذا الشكل وتدخله الشخصي والسيطرة التامة . وأكيد أن هذه المحاولات للسيطرة التامة تنتهي دائما الى فقدان السيطرة الكاملة "
وأكيد أن أعظم مثال على ذلك تجربة الرئيس عبدالناصر وتتطور إدارته لمصر الى استعمال التقارير والعمل 20 ساعة يوميا وهذه المحاولة للسيطرة أنتجت 67 .
وفي نماذج اخرى للإدمان نجد أن المدمن ماهو الا مساعد او سكرتير من كونه لمسيطر اكبر اومدمن آخر, ولكن وقوعه تحت امرة النموذج الاول وعدم التفريط في عدم رضائه وتملقا يجعله يفعل الشئ نفسه, هذا اذا زاد على ذلك الإعجاب بين المساعد(ة) والرئيس, وساعتها تنحصر انتاجيته بتهيئة الامور للرئيس ومساعدته في ادمانه.
وهناك نموذج اخر يتمثل في الرغبة في المكوث في مكان العمل وليس القيام بأي أعمال, مجرد المكوث في محيط العمل لكي يعطي انطباع داخلي انه يعمل حتى وان كان العمل اجتماعات او مجرد تنظيم أوراق او مراجعة ايملات , او تأجيل العمل الى ما بعد الانتهاء من المواعيد الرسمية لان بيئة العمل واهميته الممنوحة له من العمل تشبع ذاتيته وتحسسه بكيانه.
ادمان العمل ليس موضوع جديد ولكن رفضه هو المطلوب, لان الادمان نابع من نقص او احتياج متطرف لابد من اشباعه.
اشباع الاحتياج المتطرف نتيجته غير محمودة , وهناك الكثير من الدراسات على ذلك في كل البلاد المهتمة بالادارة والتخطيط , وعلى من يريد الاستزادة ان يبحث في المكتبات والانترنت على ذلك. وعلى النقيض فالذي يستطيع ان يفوض ويدير الاعمال بصورة عادلة وسطية والحرص على عدم التدخل في كل شئ , والثقة في الاخرين سواء مساعدين او زملاء او مرؤوسين هو المطلوب وهو المنتج اكثر.
والمدمنون للعمل او الفاقدون لاي اهتمام اخر في الحياة ولا يجد نفسه ولا يحس بقيمتها الا في الاوامر والترهيب والسيطرة ة ودواليب العمل مرضى نفسيين . ينضم اليهم العابد لمديره والذي يجعل رئيسه محور الكون ولا يتنفس هواء الا الخارج من رئتي مديره او رئيسه .
والمجتمعات لا تبنى على اكتاف مرضى نفسيين مهما اعجبنا بهم, فانهم ممكن ان يقوموا بثورات (اتقلابات )او ينشئوا إدارات جديدة وينجحوا لفترة معينة , انما الحياة لا تريدهم وادوارهم غير مطلوبة لمن يريد النهضة وتنمية مستدامة . وان الاشخاص الذين رفضو ذلك الادمان حققوا نتائج مرتفعة في شعورهم بسلام داخلي وتمتعهم بصحة بدنية وعقلية جيدة.كما أعربوا عن رضاهم عن عائلاتهم وهو ما ينعكس على علاقتهم الجيدة بزوجاتهم أو أزواجهم وأطفالهم, وبالتالي مجتمعهم, وهؤلاء هم ما نسميهم مواطنون صالحون او نعطيهم مصطلح انسان .

2009-04-11T05:24:00.000-07:00

افكار يوم اربعاء غير عادي

الاولى : رجييييييييييييييم

اول مرة امارس طقس الرجيم, حاولت من قبل ان اخفض وزني عن طريق التدريب في جمانزيوم ونجحت مرحليا , ولكن زاد وزني اكثر بعدها ( انا لا اكره زيادة وزني بل افتخر بها خصوصا بعد ان شاهدت افلام حسام ابو الفتوح واعتبرت ان الكرش خصوصا مفخرة وامر غاية في الجاذبية ولكن ..... "اظن سيكون لنا عودة في اسباب محاولاتي لانقاص وزني") , حاولت مرة اخرى ان امثل اني لا آكل بشراهة واقلل من كميات الاكل فزاد وزني اكثر واكثر (انا بحب شكل حسام وبعتبروا قدوة وهو لابس الشورت الازرق وداير من غير تي شيرت وكرشو طالع كده نص متر قدامه شكله كده زي محمد على والسلاطين الكبار, بس اعمل ايه حكم القوي... ) اعترفت لنفسي بدون مواربة انني احب الاكل واحب ان ادلع نفسي ولااحرمها من شئ تحبه واعتبرت ان للاكل سبع فوائد , منهم لا كلهم " التمتع بقدرة جنسية عالية" (برضو متأثرا بحسام ابو الفتوح ربنا يهديه كمان وكمان" ) كنت امتع نفسي بالاكل بجميع اطيافه وانواعه ونكهاته واذواقه بشراهة تكسبني خدر غريب يسرح في كل جسمي. كنت احب احساس التخمة وهو يسري في اوصالي بعد وجبة كباب وكفته ونيفة وطرب من الرفاعي, او حلة مكرونة اسباجيتي بالصلصة والكبدة من صناعة امي لا يضاهيها اعتى انواع المخدرات, او بيتزا حجم عائلي من سبارو اووووووووووووهههههه, واكيد.. البامية عند تركها اول يوم والاتيان عليها ثاني او ثالث يوم مع طبق ارزمتين والكمالة مع جراية عيش طازة يحدث بعدها ارتخاء للعضلات (فقط) مع انغماس العقل في أحلام يقظة وردية كثيفة تجبرك وتنسيك ما ستحلم به من كوابيس عندما تنام, ما رايكم في سندوتشين من هاردز احدهما سوبر بيج ستار مع اكبر قطعة برجر ومعه كوردن بلو( انا لا احب الكومبو لان الاختلاط غير مرغوب ثانيا لان ذلك يفقد طعم الاكل الرئيسي) , اي متعة اخرى ممكن ان يحصل عليها المرء بعد ذلك. كل هذا جزء من كل, وامثلة قليلة من اصناف طالما انتشيت بها.
ولكن ...لكن هنا لا يعقبها ندم او ألم نتيجة البدء في الرجيم, فبالرغم من انني في ثاني يوم فقط الا ان عدم وجود صداع مزمن وصفائي الذهني مع لطافة في الروح(وليس في العقل) تجعلني متفائل نوعا ما , وحريص عليه.
لكن بالفعل اجمل ما اكتشفته في الرجيم كطقس ( كفاية ان بقى عاندي طقس جديد , فانا احب فكرة ان يكون عاندي طقوس كما علمنا الدكتور عبدالوهاب المسيري, كون الطقوس دفاع طبيعي للاستهلاكية التي ابغضها ) هو الانصياع بحد ذاته والتدريب على قول لا التي تنضج النفس, اكثر من الاغراق في نعم.
تجربتي الاولى للرجيم علمتني نوع جديد من قول لا.

هذه الافكار راودتني وانا ادخل الحمام في ورشة الكتابة بتكرار مريب امارس حقي الطبيعي كانسان نظرا لشربي الكثير من الماء كما نصحت.

لم اعد انني ساتحدث كل مرة عن الورشة او شئ حدث في الورشة , ولكن اليكم الشعور المثير

تخيلوا انكم (وانتم المفتونون مثلي بالشخصيات اكثرمن الاحداث , وتحليلها ) لديكم فجأة ليس فقط 11 شخصية (هم اعضاء ورشة الكتابة) بل ضعفهم

بعض هؤلاء يكتب عن نفسه... ان الكتابة عن الذات تجربة بها قدر من التطهر .. وعندما تتلى تلك التجربة في مجموعة يكون الطقس اشبه بعلاج نفسي

لدي كل يوم اربعاء لقاء مع شخصيات كثيرة بعضها حي وبعضها في طور الولادة بعضها مكتمل التكوين وآخر مبتسر, صراع الافكار يجعل من طقس حضور الورشة شئ رائع........ لا ليس رائع , اظن انه شئ يغنيني عن وجبة العشاء

2009-04-10T17:17:00.000-07:00

ما احلى الرجوع اليها
قررت ان ارجع الى طقس الكتابة, يمكن زهق او رتابة او محاولة لعمل شئ افضل من الانتظار او فعل شئ يشحذ روحي التي افتقد بشدة انطلاقها منذ فترة... ياه اكره الانتظار ... (بعدين نحكي في الموضوع ده ) .... لذا قررت الرجوع بطريقة اخرى , اولا نويت ان اكتب بالللغة العربية بقدر المستطاع وبقدر معرفتي ايضا, ثانيا قررت ان اكتب دوريا في الاغلب سيصدر ما اكتبه يوم الخميس مساء او فجر يوم الجمعة(قال حد فارق معاه يعني ) ثالثا ساكتب للتأريخ بغض النظر من سيقرأ او يقرأ بالفعل, رابعا ساكتب درويتين عدا اذا انعم الله عليا بمتفرقات.
الدورية الاولى : سلسلة مستوحاة من ورشة الكتابة التي احضرها في مكتبة كتب خان بأسم " افكار يوم اربعاء غير عادي "
الدورية الثانية : سلسلة التفكير خارج الصندوق وهي السلسلة التي قدمت اليها في مقال سابق ولم اكمل بعدها والان نويت ان ابدأ دعوة للتفكير خارج الصندوق. تحت اسم " خارج الصندوق اكثر رحابة "
الجميل انني اعرف لماذا ساكتب , ولكن ارجو ان تراجعوا مقالة خارج الصندوق قبل البداية .
لا اتوقع جمع غفير من المتابعين ولكن اعد من يقرأ ان اكون اكثر اخلاصا من قبل وان امتع بقدر ما املك من قدرة بالنسبة للسلسلة الاولى واكون اكثر تجددا في السلسلة الثانية .
ادعو لي ان اواظب , هذا كل ما اتمناه

2008-10-30T15:00:00.000-07:00

خارج الصندوق
بدل ما احكي واتكلم واقول واعيد ومن الاخر ...........امل البلد دي اننا نفكر خارج الصندوق

لان كل حاجة مرصودة وكل التكتيكات معروفة العواقب وكل الخطط مدروسة, والقيم المنهارة علينا اعادة بنائها بالتفكير خارج الصندوق.
يعني مثلا قبل ما نعمل قانون للتحرش بعد قانون خدش الحياء وقانون الاغتصاب , نفعل قانوين في غاية الاهمية, وكمان نجعل لتفسير ذلك القانونين اهمية في توسيع القواعد الشارحة لتقييد ارتكاب تلك الافعال.

القانونين هم قانون 269 مكرر من قانون العقوبات "يعاقب بالحبس مدة لا تزيد على شهر كل من وجد في طريق عام او مطروق يحرض المارة على الفسق باشارات او افعال ."
يعني التلفت والاشارات والطرقعة باللبان والتصرفات غير الاخلاقية المنفلة المكشوفة والتلامس في المشي والمشي بطريقة ملفتة ولبس الهدوم المفتوحة المبينة للهدوم الداخلية او الملتصقة كاملة في اماكن مستفزة مثيرة للغرائز, لاب
ان يكرز عليها القانون قبل ان يصدر قانون التحرش الجنسي, بل علينا ان نعترف ان قانون التحرش الجنسي منقوصا اذا لم يشتمل على تفعيل هذا القانون معه .
المادة الثانية المهمة هي 278 من قانون العقوبات " كل من فعل علانية فعلا فاضحا مخلا بالخياء يعاقب بالحبس مدة لا تزيد على سنة او بغرامة لا تتجاوز 300 جنيها." هذه المادة ايضا علينا التوسع في تفعيلها وعلينا ان نركز الا يصدر قانون التحرش الا معها ايضا بتفسيرتها التي تلزم في النهاية بوضع حد ادني للنفلات الاخلاقي في الملابس في الشارع , (ده حتى الرقصات ليهم حد ادني للزي ) .
طبعا انا عارف ان تطبيقه صعب بس في نفس الوقت لو حصل لوحدة الهدوم الداخلية لها مكشوفة (سواء اللي فوق او اللي تحت ) عمدا وتم التحرش بها لا بد ان يراعى ذلك في القانون , والا يصدر القانون في صيغة قد لا تحقق العدالة المطلوبة من القوانين .

معلش لو صدمت حد بالمقالة دي بس الحقيقة انا بفكر خارج الصندوق
يعني انا ضد المتحرشين جدا جدا جدا , بس في نفس الوقت انا ضد كمان ان البنات والسيدات يمشوا في الشارع في عرض للملابس الداخلية وبعدين نقول الله اصل الشباب انحدرت اخلاقه , لو عايزين العدل اللي املفروض اننا كلنا نسعى اليه , فلازم نقول ان الملابس الملتصقة وظهور الملابس الداخلية والحركات السيئة السمعة والتصرفات الخادشة للحياء كلها لا بد ان يسن قانون (الحقيقة هو مسنون بس لازم نفعله) ايضا لكي نطبق العدل با اهل العدل ,

2008-10-30T13:43:00.000-07:00

(الخلاط بين الدين والسياسة (الحزب الوطني
ماسبش حاجة الحزب الوطني وماعملهاش الله..... (زي خيري شلبي كده)0000

في فرق كبير اوي بين فكرة السياسة المستقاة من الدين ايا كان, والسياسة الاسلامية , والتي هي اساس مهم في التشريع الاسلامي اصوله ممتدة عبر التشريع كله وليس محددة في نصوص بل في اكثر من موضع ولاكثر من مبدء, و فكرة خلط الدين بالسياسة كما يؤديها الحزب الوطني بقوة واقتدار, وثالث القرناء الحكم الديني الثيوقراطي كالحكم في ايران و الحكم المسيحي في القرون الوسطى. مش وقتوا خالص اني اتكلم عن النوعييين التانينن لان مكن برضو اعملهم مقالات منفصلة........ بس كلوا كوم والخلاط اللي اسمه الحزب الوطني ده كوم تاني.
الحزب بعمل حاجة ظريفة اوي....لما لقوا ان الاخوان المسلمين في طريق دعوتهم الناس بتثق فيهم (بغض النظر هل هم استغلوا ذلك في السياسة او ربنا اكرمهم ...والطبيعي انوي يحصل .. المهم ..) وبتديهم اصوانهم في الانتخابات وعلشان يدارو على ضعفهم وانهم قد كده مش قادرين على قوتهم خصوصا في القرى والنجوع والبلاد الطيبة, اللي ناسها عاندهم خلط كبير بين حياتهم الاجتماعية والاساس الديني فيه والحياة السياسية , تفتق ذهنهم عن فكرين غراب جدا ( غراب اسود على دماغهم) اول هذه الافكار قال بما ان المصريين بيحبوا الاسلام والعبادة ومهما حصل التدين في حياتهم شيئ اساسي طب بلاش الاسلام من وجهة نظر الاخوان..... احنا ندي فرصة للسلفيينن (الوهابيين) علشان يشاركوهم في التعبير عن الاسلام ونشجهعم جدا للشغل وكلدهخياخد من اتباع الاخوان ... والفكرة المبتكرة دي كلها فوايد للحزب والرئاسة ... عدوا معايا بقى

اولا : السلفيين او الوهابيين زي ماحنا شايفين في السعودية مالهمش دعوة بالانتخابات او بالحكم او مين يحكم او مايحكمش , وحتى لو ليهم ماعندهمش مانع يكونوا قطيع غنم يورثوا جيل بعد جيل ومن اخ الى اخ الى ابن الى اخ....مادام الدين مقام والامير يحكم بشرع الله مافيش مشاكل ومدام ربنا مدينا على قد نيتنا... فطز في الديمقراطية خصوصا انها سيئة السمعة وشاكلها كده غير شرعية , والشورى تقام بين اهل الحل والعقد... وكفى الله المسلمين شر الاحزاب والحكم...

ثانيا : السلفيين او الوهابيين ضد فكرة الخروج على الحاكم اصلا , ولا يؤمنوا بالمظاهرات واهي فرصة نضرب يها المصريين ببعض ونخلي في اعتراضات جمة على المظاهرات , ونخليهم ننسى فكرة مشروعية الجهر بالسؤال لمن ظلم.

ثالثا السلفيين عبدة لظاهرالدين ولجوهر ايماني متصل بالتفاصيل وسهل جدا شغل المجتمع الوهابي , بفتاوي لامور في الدين تقام علها الموائد والنقاشات والساعات النقاشية للدوار في دوامات من الفراغ غير المنتج, وغض الطرف عن صلاح او فساد عموم المجتمع و الانشغال عن ذلك بما لا يصل الى التاثير وتهديد الجالس فوق العرش.

رابعا : السلفين اصلان مستانسيين وتحت السيطرة ومنكسرين اليومين دول لاتهامهم بالارهاب ازا فكروا مجرد تفكير بالتحدث لا العمل بالسياسة .

خامسا السلفيين او الوهابين يضمنوا كفالة لبعضهم البعض و زكواتهم تذهب الى فقرائهم فيزيح ذلك فوق كاهل الحكومة اي تقصير ممكن اتجاه شريحة من المجتمع .

شفتوا بقى النظام بيفكر ازاي ...
كفاية كده علشان اروح للنقطة التانية

تفتق ذهن خلااااااطط الحزب الوطني انهم هم كمان يشتغلوا بالدين ويرشحوا شيوخ منهم (يا أما يشتروهم او يشغلوهم او يقنعوهم ازاي ماعرفش) المهم انهم يكونوا في داخل الحزب الوطني, ويعملوالجنة الللشؤون الدينية لكي يسيطروا على توغل الاخوان , تخيلوا , .
طبعا ذلك التوغل من قبل الحزب الوطني ليس اكيد عن قناعة انما عن تقليد اعمي للاخوان.... فبيتبرعوا مثل الاخوان , ويشاهدوا يصلوا في المساجد مثلهم, ويشاركوا في المناسبات الدينية باسم الرب مثل الاخوان , قال احنا ناقصيين , وبعدين يتهموا الاخوان انهم هم اللي بيخلطوا بين الدين والسياسة , لو كان الاخوان فيهم وليس كلهم عن قناعة قرب منهم ساعات بيخلط بين السياسة والدين بالطريقة دي , ( اكيد اللي يعرفني مؤمن اني مش اخوان نهائي واكيد ماحدش حايزايد عليا ), فاكيد ان الحزب الوطني بافعاله دي خلااااااااااااط مولينكس .

وده طبعا بدون الاعتبار لاي مصالح لمصر وللهوية المصرية , طز في مصر واللي في مصر المهم البقاء ع الكرسي,
طز في الدين اصلان ايا كان مادام ده حايخليني قاعد ومتبت ,,,,

طبعا ماحدش حايكون مقتنع ان الحزب مشغل الخلاط ده علشان الاسلام اكيد, او علشان الدين, لان الاصل غلاب والطبع بيغلب التطبع واصل الحزب وممارساته مش كده نهائي.

بس خلينا نجاوب على سؤال افتراضي انا زعلان ليه,
اولا وهو االسلام الوسطي ذو الجذور المصرية المتفتحة على الاخرسئ ولا علشان الاخوان المسلمين هم من يدعون اليه, وبعدين الاسلام الوسطي بقى بغض النظر عن مين اللي بيدعموا وبينشروا في مصر اصلان كائن بقوة وجود الازهر يعني وسطية المصريين في التعامل مالهاش دعوة بوسطية الاخوان بل على العكس السلسة الذهبية الافعاني عبده رضا البنا الغزالي ..(يارب تدوم دايما) ليس لها صلة بالاخوان بقدر مالها صلة بالازهر فلماذا لم يتفتق ذهن جهابزة الحزب في التركيز على تقوية الازهر بدلا من الوهابية.
الغباء المتاصل ... ان الفكر الاسلامي الوسطي المصري كان احد دعائم وعوامل الاتزان في مصر والاستقرار لان دائما ماكان يرحب بالاخر وان يكون محتويا له, ولذا فهذ الفكر الوسطي اهم وافيد لمصر من الفكر البدوي الوهابي المعتمد على توحد القبيلة كلها تحت راية واحدة وان القيبلة كلها تعتمد اساس ديني وشرعي واحد .......

حاقول ايه
والكلام كتير اوي ,,,,,,,

2008-10-30T12:34:00.000-07:00

يعمر بيت خيري شلبي بالعكس

مش قادر اقول بالتصريح اللهي يخ,,,,, اصلي بجد بحبه وميت فيه بعدين ربنا خربه أو صلحه هو أكيد مش حايكتب أكتر ماكتب وخرب بيه بيوتنا كلنا.

كلام خيري لما تقراء مش ممكن تحس الا أن الدنيا حواليك تحولت الى مايكتب, وان كان مايكتبه في قرية فانت ستتحول الى قاعد على مصاطب ولغة الحديث والحوار بل المواضيع ستتحول الى شي اخر غير اللي انت عايشه من سنين, ولو كتب عن وسط البلد حاتسمع صوت السريحة من الشبابيك وتحس الن الدنيا زحمة والناس قريبة من بعض ويمكن تمد ايدك تسلم على اللي جنبك تبط في الحيط , ولو اتنقل بيك في الرواية بين اكتر من مكان قول على نفسك السلام, حاتخلص الرواية وأنت منهك انهاك من سافر عدة ليالي بين البلدان والنجوع والقاهرة او الاسكندرية او البخيرة والصعيد الجواني واللي مش جواني, حاتكبر معاه في السن او حاتصغر وحاتقابل عصر الملك وحاتحب جمال معاه رغم تحفظك عليه وحاتكره السادات ومبارك حتى لو ما صرحش وحاتشتغل اكيد صحفي او طالب او سريح الى ان تصل الى عضو مجلس شعب , ويا سلام لو دخلت السجن معاه او انضربت علقة سخنة في شارع او غرزة, علشان كده دايما الرواية وانت بتقراها تحس ان الدنيا ضلمة وصعب تقراها الصبح – انا حاولت كتير – بس استمتعت اكتر بالليل- ,
كل ده ربنا مايخربش بيته علشانه، انما كلامه عن الحشيش والغرز .... ده كوم تاني
اييييييييييه ده , ماشفتش واحد بيتكلم عن الحشيش بالحب ده والتحشيش زيه كده , لدرجة انو بيقلب كل الحاجات الوحشة اللي ممكن الواحد يواجهها الى محسنات بديعية ووالى امور لزوم التعمير والتزبيط والروقان , حتى نوعيات الناس, من الرئيس الى الوزير وانت نازل كانوا بيحششوا , وكأن الحشيش ده فعل عادي طبيعي زي دخول الحمام - وهو في حد مش بيدخل الحمام رجال او ستات كبار او صغار - فعل التحشيش لا يحلى الا في الغرز واجهل رواية او قصة وده حدود معرفتي بنهر كتابات خيري شلبي لا يخلوا من فعل الشرب او مشهد الغرزة مهما كانت قصته او روايته ومسرح احداثها او موضوعها , انا سااعت بخاف يتكلم عن فترة قريش والفتوح الاسلامية في مصر لانه اكيد كان حايوصف ازاي قريش لما اتفقوا على سيدنا محمد كانوا بيحششوا وازاي حلاوة الحشيش ساعتها وانهم لولا التعميرة كانت جامدة والليلة كانت مشعللة ماكانوش لهفتهم وعميتهم عن روئيا سيدنا محمد وهو خارج من منزله مهاجرا.
بجد كلامه عن الغرز والحشيش كثيف جدا وبوصف شديد التميز والرقي, وده الجمال في الموضوع والحاجة اللي بتدفعك دفعا لمعرفة ليه كل ده. ,,,,, اصل الموضوع بالطريقة دي اصبح يغوي بجد, الحقيقة بعد فترة كده اكتشفت حاجة غريبة جدا, ان الغرز هي في وقت من الاوقات كانت الاعلام البديل والمتنفس الصريح الخالي من الرقابة على امور لا تطرح بهذا الوضوح او الشفايفية , وان الغرز حتى وان كان كثافة ما يحكيه خيري شلبي مشكوك فيها الا انها تظل عالم سفلي غير حقير بالمرة لنوعيات من البشر تتسم بمصريتها واقرب ماتكون لولاد البلد الجدعان , طبعا حقيقة الغرز امر مشكوك فيه لان خيري شلبي دائما يرى مصر في الغرزة وما بها من تناقضات ودراما متوهجة, ولذا فتصرفات الحشاشين مع بعضهم بهذا النبل ليست في الغرز ولكنها في مصر بعد ان ترفع عن كاهلها التدني الحضاري بالحشيش.

الغرزة والقهوة ليسا متناقضين تماما وبل هم اقرب الى الاخوة , وخيري شلبي يتعامل مع القهوة بطريقة مختلفة ينتفي معاها الجلوس بغرض الشرب او فعل المزاج , فهو ممكن ينتظر واحد على القهوة , او يلعب كوتشينة على القهوة , او يتحدث في العمل على القهوة , انما شرب المزاج او تعلية الدماغ او الكيف مهما كان طريقته ففي الغرزة.

القهاوي الان كالغرز اكثرها اصبح للشرب وليس للعب الكوتشينة او الالتقاء للعمل او مع الاصدقاء , لان زادت عليها الشيشة بانوعها او بالاحرى بنوعيها , فانا اتحدث عن القهوة مش الكافيه شوب, المهم ان وجود الشيشة والمعسل في القهاوي جعلها تتشبه بالغرز مع وجود الاختلاف الطبيعي لطبيعة الهدف من الانصتال والاستكييف , اي فعل الكييف مدفوعا برغبة , في مقولات اخرى يستبدل فعل التكييف بالتأمل , لان القهوة وليست الغرزة بها مساحة من التوحد بناء على رغبتك تقطعها انت باختيارك, تجتمع ايضا مع الغرزة في وجود اصنافا من البشر متعددة تتجمع في محيط ضيق للتكامل والتعاون , القهوة اصبحت الملاذ الطبيعي للناس , رخيصة وبتكييف ومابتصتلش ولا يبتقبض عليهم فيها .

يمكن يجي يوم واتكلم عن القهوة منفردة بس عاندي كم معرفي مكتوب عنها سارجع اليه قبل الخوض في تجربة الكتابة عن القهاوي وازعم اني سافيد, استكمالا لما كتبه كبارنا في هذا المجال كالجبرتي وجمال الغيطاني واخرون لابد للرجوع عليهم قبل الكتابة.

2008-07-25T05:12:00.000-07:00

قانون المرور نظرة بدون تطرف
من يعرفني جيدا يعلم انني في مشاكل مع ادارة المرور وبسبب وجيه رااهم صائبين فيه, ورغم ذلك لا اجدني مقتنع بتغير هذا الوضع لسبب ما في نفسي. ولكن جد جديد اجد به ضغط غير طبيعي لم اعهده. يأتيني هذا الضغط من والدي واصدقائي ومعارفي بسبب ان قانون املرور المغلظ في نواح عدة على وشك الصدور, ثم توالت المقالات في كل الجرائد ضاغطة اكثر علئ بسبب قانون المرور الجديدز
قانون المرور الجديد (مرفق تبسيط له) يعتبر مثال حي وواضح لعلاقة الدولة بالمواطنين, او بمعنى ادق توصيف لحالة انعدام الثقة بين النظام الحاكم الان والمواطنين. فمن وقت نشر القانون بجريدة المصري اليوم - وهذ اصبح اساسي ومن ضمن مراحل اصدار القوانين – ( ان يسرب نص القانون الى المصري اليوم ثم تعلن الوزارة المختصة عدم مسؤليتها او معرفتها به – ثم تبدا الاقلام في الهجوم عليه وامتصاص صدمة اصداره, ثم ينتقل الى الوزارة المعنية لترسله الى مجلسي الشورى والشعب, ثم يصدر ) هذا ما حدث في في اكثر من قانون , الضريبة العقارية , والبث وغيرها.
المهم ان بعد نشر المصري اليوم للقانون بدأ المواطنين يتحدثون عن قانون الجباية وعن عدم شرعية القوانين الغلظة في الحبس ةكيف سيتم التطبيق, وور شرطي المرور, وامين الشرطة المرتشي الذي بدوره سيغتني اكثر,وان الدولة الظالمة تفعل ذلك في المواطنين, وهذا بطبيعة الحال تأكيد لأزمة الثقة بين المواطنين والنظام.
ولكن ورغم انني اكثر الاطراف فعليا تضررا اجدني افكر هل فعلا الدولة جابية, فانا ارى وجهة نظر اخشى ان تكون هي ما رأت الدولة تطبيقه , وذلك متمثل في اهم البنود التي ثارت المواطنين هي حقيبة الاسعاف والمثلث المتحرك. وما آتار خوفي ان الدولة مجبرة سنت تلك القوانين بهذه العغلاظة كما فعلت من قبل في سن قوانين الحزام والطفاية وتلك الاهتمامت التي يجدها المواطن بسيطة, وهي الخاصة بعوامل الامان في السيارة, وحقيقة الامر ان الدولة مجبرة على ذلك لانها بدأت في تطبيق معايير سلامة دولية هي ليست ناشئتها, وهذا مايجعل وقع القانون على المواطنين سلبي, ولكن من يتتبع الطرق الدولية التي انشئتها الدولة في الاونة الاخيرة مراعية بها المعايير الدولية, تجعلنا نتوقف قليلا متفكرين في جدية القوانين الجديدة وهل هي فعلا قوانين جباية ام الدولة مجبرة على ان تنفتح على المعايير الدولية في تطبيق القوانين.
وذلك نجده بوضوح اكثر في بقية القوانين التي غلظت بها العقوبة في حلالت المخالفة الصريحة مثل القيادة العكطسية او اعاقة الطريق, او الركن في نهر الطريق ومخالفة القواعد الاساسية للمرور, ولم اجد في هذه القوانين جباية او تحامل وتغليظ العقوبة هنا لها مدلولها بعد ان صار الطريق بدون حرمة .
ويبقى هنا لكن واحدة متعلقة بالحبس, لان على المواطنين الا يتنازلوا عن فصل الحبس لقضايا المرور عن الحبس الجنائي, لان هذا الاختلاط بين المحابيس جنائيا بقضايا سرقة او مخدرات او نشل, غير محمود العواقب, ولا نتخيل تأثيره السلبي على المخالفين حتى ولو كانوا مجرد شباب متهور.

2008-07-18T15:39:00.001-07:00

العيب في الضي

وأن سألوك الناس عن ضي جوه عيونك مابيلمعش
ماتخبيش
قولوهم العيب مش فيا
ده العيب في الضي
وأنا مش عاشق ضلمه ولا زعلت الضي
مسير الضي لوحده حايلمع
ومسير الضحك حايطلع
ما بيجرحش ولا يأزيش
وأن ماقدرتش تضحك مادمعش.......ولا تبكيش
وأن مافضلش معاك غير قلبك
أوعى تخاف
......................مش حاتموت
حاتعيش

دي اغنية احمد زكي من فيلم هيستريا

مش تأليفي اكيد

2008-07-18T15:36:00.000-07:00

حسن وعمرالشريف
حد شاف حسن ومرقص, سيبوكوا من الفيلم كله, ومن القصة الدعائية ووجهة نظر الجكومة والشعب ووجهة نظر المثقفين في الاختلاف بين المسيحين والمسلمين في مصر( انا مش فاهم المفروض نكون ايه مكن واحد لونه احمر وقليل وواحدد لونه ابيض وكتير ) الطبيعي بين سلوك البشر احاسيس الاختلاف والتميوز( ان اكاتبها كده علشان انان عايزها تتنطق كده مش تمييز) يعني الطبيعي في شقة واحدة لما تلاق يالناس ملها قرع او حلقين شعرهم زيور ماتلاقيش مشط, الا لو جيه واحد وابتدا يستخدم الامشاط فاكيد حيواجه مشكلة ان المشط ممكن يضيع او مايكونش ليه قيمة . وده مالوش دعوة ان احاسيس القرغ اتجاهه سيئة لان انا باقول قرع باختيارهم مش مجبرين, الحقيقة انهم لو كانوا مجبرين يقى اكيد حايعلموا المختلف عنهم بصورة سيئة وحايعتبروا احسن منهم ويحقدوا عليه ويقسو عليه, انما طبعا اللي شايف نفسه احسن من التاني مش حيلاقي اي مشاكل في التعامل مع المختلف معاه لانه حايحس انه اقل منه ويرفق به. يووووووووووه انا ماكنتش عايز اتكلم عن القضية اللي في الفيلم)
ولا كنت عايز اتكلم الاخراج اللي انا باعتبره عادي مش وحش ومش جبار ولا ابداع غير طبيعي يعني مثلا ممكن ياخد, 70% يالله او الحقيقة 65% لاننا لازم نراعي ان القصر مكتوبة كويس اوي ويوسف معاطي ابرع في حبك القصة, وده شئ يحسبله بس هو عموما بيكتب حلو , حتى لو صنفنا ان الفيلم هو فيلم دعائي مسرحي الاداء وتحريك الممثلين. الحدوتة فيها فانتازيا كتير وصدف ودي حاجة اكيد مطلوبة لانك في الاخر ده نص لعادل امام اللي بيبدع هو و الفريق اللي معاه في حتة الدعاية للافكار عن طريق الكوميديا علشان توصل الافكار بسرعة, اكيد اكثر لاافكار مش حاتيجي على هوا المتزمتين من المسلكمين الحقيقة ولا على هوا الاقل التزام وده امر واقع الفيلم في النهاية جيه يكحلها عاماهه, واللي حايقف جنب الفيلم المسلمين اسما وعايزنها تخرب, الحقيقة ماعرفش رد فعل المسيحين, واللي حايروح الفيلم الخلايجة, والفضولين اللي عايزين يشوفوا الفتنة الطائفية فيديو , والمثقفين اللي عايزين يعرفوا ازاي يتعالج الفيلم. الحقيقة الفيلم فيه لمحة جراءة على المستوى الفكري, رغم انوا ماعرضش ان الفتن الطائفية في مصر بشقيها خارجي وبتلعب على عوامل خارجية تساعد بعض مغالي الداخل في التأجيج, والنكادة انهم بعد مالقوش مصريين مسلمين مغالين ابتدوا يصدروا افكار مغالية , ماعرضش دور الخارج رغم انه حقيقة واقعة وماعرضش ان احداث الفتنةالطائفية في مصر بتتأثر بمن يكون البابا ورؤيته عن المسيحين في مصر, اهي بلدهم والمسلمين مغتصبين لها ام شقي المصؤيين اصلهم قبطي وبعضهم اصبح مسلم والاخر ظل مسيحي الا من ندر من القبائل العربية التي استوطتنت بمصر واخذت طباع الاقباط, بهذه الصورة الاخيرة نحن عنصر واحد واحد احمر والاتني ابيض, انما فصيل اصله مسلم واحتل بلد مسيحين ولازم يتم اجلاء فهذا هو اساس الفتنة في العمق, وهي دي فكرة البابا الحالي حتى لو ماكنتش دلوقت او لا يصرح بها بل يعمل عليها فقط وقبل ان يعترض معترض نرجع لاحداث السبعينات والقولة المشهورة للسادات "الزم ديرك" انا عايز الناس تعرف ليه السادات قالوا كده .؟؟
يووووووه تاني انا كاتب الموضوع ده اصلان علشان مين....؟؟؟؟؟؟؟؟؟
علشان القنبلة التحفية الخطيرة اللي خسارة في البلد دي فعلا وحقه انو يمثل بره وفعلا حقه انو مايرجعش يمثل هنا انا باتكلم طبعا عن عمر الشريف
ايه عمر الشريف ده
ممثل غير طبيعي وسراق للكاميرا بصورة ملفتة, ده غير كده فعلا بيمثل احسن من عادل امام (انا اصلان مش باحب تمثيل عادل امام) بس فعلا ده غير طبيعي ونفسي اشوفله افلام دولقتي كاملة (انا دول عمري باحب تمثيل عمر الشريف) بس دلوقتي احب اشوفوا تاني وتالت نضةج غير عادي وتمثيل عميق وسلس بصورة غير طبيعية يا جداعان انا اصلان كاتب كل ده علشان اقول احنا محتاجين عمر الشريف يمثل في مصر افلام تمس الحياة في مصر اكتر واكتر ......

2008-05-07T07:27:00.000-07:00

(الموعلمة)
طبعا المفروض ان الكلمة تتكتب بطريقة تانية من غير واو واحط عليها ضمة, بس انا قاصد علشان ماحدش يجي في دماغه معلمة يعني مذكر معلم اللي بنشوفه في القهوة او في السوق مثلا... يعني مش اللي بنشوفه في المدرسة.
طبعا انا المفروض اكتب الصح بغض النظر عن الناس حاتفتكر ايه,,, بس الحقيقة انا مارضتيش اخلي فيه اي افكار مرتبكة عن الشخصية اللي حاتكلم عليها,,,
لان الدكتورة منار الشوربجي دكتور السياسة والاقتصاد في الجامعة الامريكية اخر واحدة تقدر ترتبك بينها وبين المعلمات , الدكتورة كلاس جدا ورقيقة جدا جدا وحاجة كده مش موجودة,
انا عادة مش من الناس اللي بتتقبل ان يكون لها معلم, مش كبر ولا غرور انما قناعتي بالجيل القديم او اللي اكبر مني قناعة مجروحة لاسباب مالناش دعوة بيها دلوقتي. علشان كده انا اساتذتي وموعلميني قليلين, بس الحقيقة رغم انهم قليلين بس ماحدش يقدر يقول عليهم تلت التلاتة كام. افكار وعلم وشخصية ,
وفحياتي ماليش معلمات او قدوات نسائية, يمكن علشان طبيعتي كولد وكمان هم مش كتير اوي . الا الام الروحية اللي شملاني بكل شي رغم اننا مش بنتواجد كتير مع بعض, امي الروحية دي حاجة تانية خالص وكانت كل مساحة التقدير للنساء في حياتي ملياها, واكيد حاتفضل كده على طول, بس دي امي الروحية,دكتورة منار بقى دي اللي حاجة تانية.
يعني انا كتير باسمع مثلا عن العلاقات الامريكية والسياسة الامريكية بس لما تسمع من الدكتورة منار دي حاجة تانية خالص, يعني مهما حاولت اني افهم خصوصا لما رجعت من امريكا واتعاملت مع الناس هناك وحبيت اعيش في دور الواحد اللي فاهم حاجة وحضرت مؤتمرات , وقريت كتب عن امريكا واللي لازي منه,وبقيت بقى اقعد مع اي حد واعيش في دور الواد اللي فاهم, والواد اللي ممكن يحلل ليه امريكا وازاي وبتعمل كده ليه, الحقيقة اني كنت فاهم ونقلت فعلا افكار كويسة للناس اللي حواليه, ورحت للدكتورة منار اتناقش معاها (واخدين بالكوا اتناقش معاها ) يعني راس براس بقى, روحت للدكتورة, وطلعت كل اللي عاندي من كلام قال يعني فاهم بقى, وقال يعني بافهم, وبعد ماخلصت كل حاجة راحت الدكتورة بكل هدوء, قالتي لا الموضوع مش كده الموضوع واحد اتنين تلاتة, بس اللي بسطتني انها زودت المعرفة اللي عاندي كتير , يعني كبرت دماغي درجات ,زودت المعرفة بطريقة سلسة جدا , وهي دي احسن طريقة في التعليم, هات كل اللي عاندك وبعدين ازودك انا درجة زيادة,
انا مش حاتكلم كتير عن امثلةحصلت مع الدكتورة قبل كده , بس انا حانقل اخر درس اتعلمته من الدكتورة, لاني لو نقلت الدروس اللي فاتت حاتكلم كتير خصوصا انها دروس سياسية خاصة بطريقة معرفتي عن المجتمع والسياسة الامريكة,
انما اخر درس انا اتعلمته من دكتورة ماكنش مباشر ليا لوحدي انما منقول من جرنان المصري اليوم عدد يوم الاربعاء 23 \4 بخصوص الرئيس القادم لامريكا, الحقيقة ان المقالة كانت بتعقد مقارنة بين كارتر واوباما , بس انا ماهمنيش المقارنة بقدر ماهمني جملة قالتها القت الضوء عن موضوع مهم اوي في الانتخابات والرئاسة في امريكا ..
"الامل ليس في الواقع في اوباما نفسه وانما في الحركة السياسية الداعمة لترشيحه. فهي اكثر تقدمية منه وهي اذا ماظلت حية, القادرة على دفعه عند فوزه لاتخاذ مواقف اكثر ايجابية." بغض النظر عن الانتخابات وبغض النظر عن مين اللي حايكسب الانتخابات بس اللي الدرس الجديد اللي انا اتعلمته ان فيه حاجة اسمها حركات سياسية داعمة , وهي دي اللي بتأثر في التوجهات الامريكية عموما , خلينا فاهمين ان فيه فرق بين الحركات واللوبي, يعني الحركات الامريكية حاجة واللوبيهات حاجة تانية,يعني شعار اوباما بخصوص التغير مش مجرد شعار ده حركة في المجتمع الامريكي كله ومن واجبنا (طبعا بعد مافات الاوان) اننا نشتغل عليها.
الدرس التاني ان فيه امل احنا مش شايفنه والدكتورة منار بتوضح لنا ازاي الامل احنا حاسينه بش مش عارفين ازاي نمسكه بادينا ......
مدرسة يا دكتور منار اكاديمة كاملة مش مدرسة بس .

2008-04-18T16:30:00.000-07:00

إن لم احبك أنا

إن لم احبك أنا أنا لا أكون إنسان

عشقك قيود الهوا وغرامك السجان

يا ضحكتي وبلواي اتسللي جواي

شقي عروقي ادخلي ولا تسأليني ازاي

أنا صمتي ماهوش خوف أنا صدري كالبركان

وان كان هواكي خطيئة ومحبتك عصيان

حاصرخ لاخر المدى واعلنها ليكي ألان

إن لم احبك أنا أنا لا أكون إنسان

دي اغنية يحي غنام

اكيد ان ماعرفش اقول الكلام ده

2008-04-18T15:44:00.000-07:00

الشخصية القوية

في كتب الطب النفسي وتحليل الشخصيات الاكاديمية مافيش حاجة اسمها شخصية قوية,....... ماحدش يتصدم, وخلينا نتلكم بهدوء يمكن نوصل لتغير شئ مهم في ركن مهجور من وعيننا وفي عقلنا الباطن نقدربيه نتعايش مع واقع اكثر وضوحا واقل الما.
طبعا واحنا في مرحلة الصبا وبعديها المراهقة وبداية الشباب وقبل الانصياع للامر الواقع والمسارعة في ايجاد البدائل والتكييف مع واقعنا, بيكون شاغلنا هل شخصيتنا قوية ولا ضعيفة وهذا ابسط الاسئلة التي تدور في عقولنا, ولكن قلة مننا التي تفكر في السؤال بطريقة اكثر عمقا وتسال نفسها اهناك شخصية قوية وشخصية اخرى,
وطبعا ياما اتمنينا اننا نكون زي صالح سليم وادراته للنادي الاهلي وازاي كان شخصيته قوية, ده حتى لما واحد غلط في الللعب ضربوا بالقلم وطرده من الملعب يااااااااااه دي شخصية قوية فعلا ده مشا كللامه على كل الناس, ولا سمعنا ويمكن قرينا عن عبدالناصر الشخصية الكارزمية وازاي هو زعيم حياني كان بيقف ادام الغرب وكل الدول وازاي كانت انتصاراته ضد الدول القوية دي وقد ايه كان شخصية قوية , بس هل عبدالناصر وصالح سليم فعلا شخصية قوية ؟؟ ولو كانوا يبقى الواحد يكون زيهم كده حايبقى شخصيته قوية؟ محدش ينكر ان صالح سليم كان اداري كويس , وعبدالناصر كان قائد ملهم و محبوب , بس مين ينكر كمان ان صالح سليم بتصرفه (بتاع ضرب اللاعب بالالم ) والا ادارته للنادي الاهلي من لندن كان غلطان ومتكبر جدا؟ وعبدالناصر لما حط الاف في السجن ولما تسبب في الهزيمة والنكسة كان اجدر به فعلا ان يترك موقعه, وهنا يثار تساؤل هل الشخصية القوية هل هي الشخصية المتكبرة مثلا والتي لا ترضي بمناقشتها, او التي لا تغلط ابدا مثلا؟ وهل بكده تكون الشخصية القوية شخصية محبوبة وهل الشخصية القوية ده صفة ومرادف للشخصية الناجحة؟
انا راي مش كده ولما قريت في الشخصيات ونفسيات الناس بقدر علمي مالقيتش في الكتب الاكاديمية تعريف للشخصية القوية, الحقيقة كمان مالقيتش ذكر للكلمة اصلان . لقيت شخصية كارزيمية وهي اللي ليها حضور امام الناس وتاثير سلبي او ايجابي عليهم, بس في نفس الوقت ممكن نفس الشخصية دي مايكونش ليها راي او مياكونش لها توجه معين وكمان ممكن ماتكونش ناجحة وممكن للناس ماتتعاملش معاها على اساس انها شخصية ناضجة ؟ بس ماحدش ينكر تواجدها الذي يفرض نفسه على المكان, ويمكن ده للي يوصف به عبدالناصر مثلا, رغم ان كان عانده مميزات تانية خلته يكون محبوب اكتر بس ماحدش ينكر ان حضور شخصية عبدالناصر له تاثير مهم على نجاجه وسط الناس, بس كمان الحقيقة ان اكتر الفهلوية والنصابين والحلنجية - خصوصا - ليهم النمط ده من الشخصية, انا مش باقول ان عبدالناصرحلنجي او نصاب انما باقول ان اكيد النصاب عنده حضور وكارزمية تساعده على اتقان النصبة.واكيد اي بلطجي يقدر يفرض رايه على قرية بحالها لما يكون صايع وقليل الادب بس اكيد ماينفعش نعتبر ان شيخ المنصر بيكون شخصية قوية بس علشان هو بيفرض رايه على الناس, انا فعلا وانا متجند كان معايا واحد من الصعيد كان شيخ منصر بجدوكان بيتاجر في المخدرات في قريته وكان عليه اكتر من تار وكان ليه عصابة بتفرض الاتاوات وكده يعني ,واكتر من كده انوا كان متعلم ومعاه ليسانس شريعة, الحقيقة لا الليسانس فرق في تكوين شخصيته ولا اضاف لحياته ولا العلم ولا الثقافة فرقت معاه وكان مش بيتفاهم مع حد والناس كانت بتخاف منه طبعا بس في نفس الوقت ماحدش كان بيتعامل معاه الا صبيانه واللي في تعامل بينهم , ممكن يكون هو راضي بكده علشان يفرض نموذج معين لشخصيته كده, بس في نفس الوقت لم يكن ابدا محبوبا ,ولما قربت منه لغرض اني افهمه لقيت عايش في خوف غير عادي لدرجة ان حصل تشوه معين في شخصيته خليته بالتفكير العدواني ده.....
انا جايب النماذج المتطرفة دي علشان اوضح ان فكرتنا عن الشخصية القوية اللي ليها حضور وبتفرض رايها ده مفهوم خاطء.
طبهعا في نوع من الشخصيات دائما بيسعى لتحمل المسؤولية وبالتالي طرح نفسه على اي مجموعة على انه الزعيم او الرئيس او كبير الشلة ,انما ده بيستوجب الكتير من التضحيات في المقابل ده , و وفي اغلب الاوقات الظروف هي اللي بتساعده, يعني مثلا بيكون هو الاغنى اللي دايما اللعب باحدث الالعاب بيكون عانده في البيت فبالتالي بيكون له مقدار اكبر, او مثلا بيكون جرئ وبتاع خناقات وبالتالي بيكون هو اللي في الشلة واللي بيتعملوا حساب , وعرضا بيتقال عليه هو اللي شخصيته قوية لان الظروف دي ساعدته ان يكون ليه مقام وبالتالي بتزود ثقته بنفسه وطعا النجاح بيولد نجاح وبيكون هو بعد فترة خصوصا لو استمرة الظروف لفترة طويلة مساعده لان اصلا من النادر ان الظروف تثبت في حياة اي شاب او مراهق فبالتالي ثقته دي بتساعده وبتديلوا جرءة انو ممكن كمان لما يواجه نوع معين من المشاكل انه بحلها .
اذا اكيد موضوع الشخصيات ده محتاج تفسير اولي وكفياة ان فكرة الشخصية القةوية دي طلعت اسطورة شعبية حتى ابطالنا الشعبية ماكنش بيتوصفوا انهم ذوي شخصاية قوية ...ممكن يتوضفوا انهم مثلا اذكياء او طيببن او فنانين وكان بيسقط عليهم دائما صفات قوة الشخصية وكارزميتها ,
انا عن نفسي بعد ماتعبت كتير في اني اسال نفسي السؤال ده عن الشخصية القوية وماهيتها او الشخصية المحبوبة اكتر
لقيت ان الاختيارت هي التي تحدد نمط شخصياتك , يعني عايز نجاح لازم تدفع اخلاص ووقت علشان تنمية النجاح ده في اي مجال , لو عايز تمتاز بالزعامة والقيادة لازم تتحمل مسؤليات اكتر من اي حد تاني ولازم تمتاز بالجراءة المدروسة ولازم يبقى عاندك رؤية يعني احساس بانك رايح فين وجاي منين وانت فين دلوقت , ولازم كمان تعرف تدير الامكانيات اللي حواليكي من ضمنهم الناس,
ولو عايز تكون مثلا مصلح بغض النظر فأيه فلازم تتحمل مسؤلية المعرفة اللي لازم تاخدها من كل منبع ,
ولو كنت عايز تبقى المحبوب في الشلة فلازم تتحمل انك تكون يا بهلول الشلة او تكون الناصح الامين اللي لازم تتحمل اسرار صحابك ومشاكلهم وان تكون معاهم ايا كانت ظروفهم , وطبعا لازم كل ده يتعمل بحب مش بمصلحة ,
الخلاصة ان فكرة الشخصية القوية دي مش مهضومة , وان اي شخصية لازم يكون فيها تفصيلات كتير علشان تتوافق مع المطلوب منها يعني الخبرات والمعرفة ايا كان نوعها مش لازم معرفة ثقافية مطلوبة لاي نوع او نمط يختاره الانسان, حتى لو كل المطلوب ان تكون دون طوان الشلة لازم تشغل دماغط شوية باي اللي يعجب او مايعجبش البنات او ايه اللي ماشي اليومين دول في الموضة او المواضيع السطحية اللي بتعجب البنات ايا كان نوعها بس ده حايحط عليك قيود انك حاتحدد اولا نوع البنات اللي تكون عليهم جان او استحمل بقى حايتقال عليك ايه من الشلة ونظرتهم ليك حاتكون ازاي , .....
بغض النظر عن الامثلة والانماط فده اللي انا اقتنعت بيه.

2008-04-18T15:35:00.000-07:00

اشرف زكي وقانونه

الموضوع ده مش وقته اوي رغم انو اطرح على الساحة الفترة من اسبوعين بتصريح من نقيب الممثلين المنتخب من اعضاء مقابة الممثلين اشرف زكي, مهم اوي اننا ناكد على فكرة ان اشرف زكي منتخب, انا بالصدفة كنت متابع احداث فوزه بالانتخابات من النقيب السابق يوسف شعبان, ان افاكر ان يوسف شعبان لمح كده انو ليع علاقات بالريس وبالحزب الوطني, وساعتها كمان اشرف زكي كان واخد دور المعارض الأتي على كفوف الجماهير والممثلين المهضوم جقهم والذي لا يشعر بهم احد لانهم رغم عضويتهم بالنقابة الا انهم بسبب انهم غير مشهورين لا يعرهم اي اهتمام, ويعيشون عيشة صعبة ومهينة...
يعني اشرف كان يسبح عكس التيار العام في الدولة وساعتها تزامن ذلك مع خسارة مرشح الحزب والدولة في انتخابات الصحفيين ونقابة المحامين ايضا , وظهر وكانه اتجاه عام ضد الحزب والدولة.
واضح ان اشرف معتاد على خوض الحروب , وانا كمان لست عضوا ولست اسعى لان اكون , وعلاقتي بالسينما هي مع المنتج الاخير – اي الفلم في قاعة العرض- ونقده.,ولكن في ازمة النقابة مع الممثلين غير المصريين والذي صدر قرار باجماع - مهم اوي التاكيد على اجماع المجلس- المجلس عليه باقتصار التصريح لهم بالاشتراك في عمل واحد فقط, وجدت افكار كثيرة جدا و لقيت صعوبة جامدة جدا في اني اختار جانب او اكون راي , بس في نفس الوقت اتعلمت حاجات عن السينما عموما او بمعني اصح عن ادارة السينما, علشان كده انا كاتب هناافكار ممكن تكون نقط محددة مش مرسلة
- حقيقة السينما انها صناعة اكثر منها فن- رغم انها فن محترم جدا- ولكن اعتماد هذا الفن بالاصل على تذكرة السينما والموارد التي تاتي من الجمهور, بالاضافة الى المدخلات المطلوبة لعمل فيلم كامل وكم الموارد البشرية وراء العمل وامامه, جعلته صناعة تتحكم فيها الموارد المادية بشكل اساسي وتتحكم فيها القرارات المصيرية وتواجه احتكارات وتواجه تربيطات وعوامل هدم خارجية وداخلية تحتاج الى المواجهة. وده يمكن حاجة اساسية اتعلمتها من متابعة الازمة دي .
- كمان ان اقرب شكل فني للسينما لا يعتبر صناعة مثل السينما يعني مثلا المسرح ليس صناعة لان اي اتنين واقفين يتفرجوا عيك وانت بتقول كلمتين حلوين, او بتعيط عياطة تستاهل اصبح مسرح. يمكن المسلسلات حاجة قريبة من السينما وتعتبر صناعة رغم ان المسلسلات مفروضة الى حد كبير على الناس, وكمان ليها دور تاني في ملء فارغات التلفزيون اللي هو بالاساس وسيط لمواضيع اخرى غير فن المسلسلات, واللي كمان طغت عليه البرامج الحوارية كعامل جذب اكبر من المسلسلات,
- بما ان السينما صناعة وبما ان مصر متقدمة فعلا في المجال ده وبما ان المنافسين بيحاولوا يهزوا فعلاأخر عروش مصر , وبما ان النيات غير صافية وبما ان فلوس غسيل الاموال وجدت في السينما مجالا خصبا وبما ان الموضوع فيه بنات مش ولا بد , وبما ان حاجات كتير تانية , فانا مش شايف اي مانع ان المسؤل عن التمثيل بل اكتر من كده المسؤل عن السينما وصناعتها انهم يحمو اهم عامل في الصناعة دي اللي هو الممثل, ماهو لو صناعة وبتواجه تهديد لازم تتحمي او نواجه التحديات , طبعا بغض النظر عن صحة القرار اللي المفروض انو يحمي الصناعة دي.
- اتعلمت كمان اننا حناجر ومالناش في الديمقراطية وعايزنها ديكتاتورية ديكتاتورية علشان المسؤل عن الممثلين المنتخب من اعضاء نقابه اللي وجهة نظر المجلس المنتخب معاه بتؤيد اللي بيعمله اخد قرار ولما ماعجبناش رفعنا السكاكين وعايزين ندبح امه, ماهو حاجة من اتنين يا عايزنها ديمقراطية يعني الناس تختار اللي يديرلها امورها ونتحمل ان ممكن ياخد قرار مش مفهوم او مختلف عننا او حتى احنا شايفنه غلط, بس لازم نتحمل ده فترة رئاسته ونمشيه في نهاية الفترة , يا نقبل ان يجي واحد يقلنا انا بافهم احسن منكم وحاضحك عليكوا واجبلكوا اللي انتوا عايزنه وحاكلم الريس واخليه يعالجكوا ببلاش, وهو اللي حايعيني مش انتوا اللي حتختاروني, يا بش يا تش مالهاش تالت وفي كل الامور لازم نتحمل اختياراتنا علشان احنا ناس كبيرة .
- بصوا كمان اه الفن في مصر وكل ممثلين وغير ممثلين مابعتبروش النجاح الا في البلد دي, واه السينما بقت عامل جذب لناس زبالة واكتر من كده بقت طعم من نا ازبل علشان يوصولوا لناس اوسخ, واه اللي بيحصل بره ممكن يحصل في مصر , واه على مدار تاريخ السينما المصرية كان في اسهامات مهمة جدا جدا عاملها العرب, والشاميين بالزات, بس ده مايخليش الموضوع خرطبيطة او يخلي ده عامل زي ايد خنقة بتخنق اي قرار ممكن يكون انا باقول ممكن في صالح الممثلين المصريين والصناعة على عمومها.
- اتعلمت حاجة غريبة جدا من الموضوع ده , ان فيه مليشيات جامدة اوي بتقبض على مستوى عالي جدا في الصحافة مجهزة صحف تجريح وسب واتهامات للي حايقف جنب اي فلوس جاية من بره.
- اتعلمت حاجة ماكنتش مقتنع بيها نهائي الا وهي الاستثناءات, يعني انا طول عمري ماكنتش مقتنع اننا نحط قانون ونعمله استثناء, بس لما دخلت هندسة واتعاملت مع المكن والمعادن والعدد لقيت ان اي حاجة بنعملها لازم نعمل حسابنا في سماحية يعني توليرنس يعني مثلا قطر اماسورة 3 بوصة +_ .05% . وكا حاجة في هندسة كده , ده علشان مش بتتعمال مع مكن مابيفهمش, لا ده علشان انت بتتعامل مع بني أدم لازم تعرف ان حياته مرتبطة بعوامل كتير اوي اوي , وكمان حياته مختلفة عن اي فرد تاني مهما كانوا ليهم نفس الشخصيات حتى لو تؤم, علشان كده لازم نعمل حسابنا لما نتعامل مع بعض او لما نحط قوانين . المهم ان القانون اللي عمله اشرف حطلوا استثناءات , والحقيثقة لو مانكش عمل كده كنت اتمنيت انو يعمل كده لسبب مهم اوي , رغم ان السينما صناعة فهي برضو فن, ومعنى انها فن يعني ابداع , وانا مع ايمان ان الابداع لازم له استثناءات.
ياااااااااااهههههههه فعلا كتير اوي الكلام في الموضوع ده , بس معلش انا اصلي فكرت فيه كتير وكل اللي فكرت فيه ماكنش له علاقة بالقرار قد ماكان ليه علاقة بالعملية كلها وعلاقتها باللي احنا فيه ده .....

(المفروض احط صور للبنات العرب اللي عايزن يشتغلوا وكل مقوماتهم انهم عرايا زي مروي وغيرها بس الحقيقة ماحبيتش اخلي في صور مش كويسة على المدونة )

2008-04-11T00:56:00.000-07:00

استراحة مفيدة

في ظل ما يدور في مصر وتعليقاتي على الاحداث وتأثري بها وكتابتي عنها

هذه القصيدة اعتبرها استراحة قصيرة مفيدة وليست تضيعا للوقت

جاء السحاب بلا مطر
فاروق جويدة

مازال يركض بين اعماقي
جواد جامح
سجنوه يوما في دروب المستحيل
ما بين احلام الليالي
كان يجري كل يوما الف ميل
وتكسرت اقدامه الخضراء
وانشطرت خيوط الصبح في عينيه
واختنق الصهيل
من يومها
وقوافل الاحزان ترتع في ربوعي
والدماء الخضر في صمت تسيل
من يومها
والضوء يرحل عن عيوني
والنخيل الشامخ المقهور
في فزع يئن .. ولا يميل
مازالت الاشباح
تسكر من دماء النيل
فلتخبيريني كيف ياتي الصبح
والزمن الجميل
فانا وانت سحاباتان تحلقان
على ثرى وطن بخيل
من اين ياتي الحلم
والاشباح ترتع حولنا
وتغوص في دمنا
سهام البطش والقهر الطويل
من اين ياتي الصبح
والليل الكئيب على نزيف عيوننا
يهوى التسكع والرحيل
من اين يأتي الفجر
والجلاد في غرف الصغار
يعلم الاطفال من سيكون منهم قاتلا
ومن القتيل

لا تساليني الان عن زمن جميل
انا لا احب الحزن
لكن كل احزاني جراح
ارهقت قلبي العليل
ما بين حلم خانني
ضاعت اغاني الحب
وانطفات شموس العمر
وانتحر الاصيل

لكنه قدري
بان احيا على الاطلال
ارسم في سواد الليل
قنديلا وفجرا شاحبا
يتوكان على بقايا العمر
والجسد الهزيل

اني احبك
كلما تاهت خيوط الضوء عن عيني
ارى فيك الدليل

اني احبك
لا تكوني ليلة عذراء نامت في ضلوعي
ثم شردها الرحيل

اني احبك
لا تكوني مثل كل الناس عهدا زائفا
او نجمة ضلت وتبحث عن سبيل

داويت احزان القلوب
غرست في وجه الصحاري
الف بستان ظليل

والان جئتك خائفا
نفس الوجوه تعود مثل السوس
تنخر في عظام النيل
نفس الوجوه
تطل من خلف النوافذ
تنعق الغربان يرتفع العويل
نفس الوجوه
على الموائد تاكل الجسد النحيل
نفس الوجوه
تطل فوق الشاشة السوداء
تنشر سمها
ودماؤنا في نشوة الافراح
من فمها تسيل

نفس الوجوه
الان تقتحم العيون
كانها الكابوس في حلم ثقيل
نفس الوجوه
تعود كالجرذان تجري خلفنا
وامامنا الجلاد والليل الطويل

لا تساليني الان عن حلم جميل
انا لا الوم الصبح
ان ولى وودع ارضنا
فالصبح لا يرضى هوان العيش
في وطن ذليل
انا لا الوم النار ان هدأت
وصارت نخوة عرجاء
في جسد ذليل
انا لا الوم النهر
ان جفت شواطئه
واجدب رزعه
وتكسرت كالضوء في عينيه
اعناق النخيل
مادامت الاشباح تسكر
من دماء النيل
لا تساليني الان
عن زمن جميل

وده الحصان اللي انا مؤمن انو جوايه

2008-04-11T00:15:00.000-07:00

قيمة الاستهلاكية

"الدليل الحي على ما نؤمن به هو المكان الذي نشتري منه, وكيف نشتري, وماذا نشتري...ان التسوق الذي يدفع المتسوق الى اتخاذ قرارات اخلاقية ودينية قد يكون اقرب الى العبادة التي يطلبها الله, واذا اخذنا دورنا كعبيد لله بشكل جدي, فاننا نجد ان المتسوقين مجتمعين يشكلون جماعة قوية جدا"
هذه المقطوعة بتصرف من كتاب الصلوات التي اعتمدته كنيسة انجلترا للالف الثالث.
وهو مذكور في كتاب" السيطرة الصامتة " للمؤلفة "نورينا هيرتس" صدر في سلسلة "عالم المعرفة" , عدد فبراير 2007,
الكتاب ناقد للاستهلاكية الغربية, بصورتها المتوحشة, وسيطرة راس المال والشركات متعددة الجنسيات, الكتاب يتتطرق للبعد الاخلاقي وتدخل السياسة في شركات التجارة ويتحدث عن المقاطعة وفوائدها وماذا احدثت وما مدى قوتها , وعن تاثير وتأثر الاعلام بالتجارة والبيزينس ..... كتاب ممتع ودماغ ويستاهلفي الغالب حايكون ليا رجعهة في اني اتكلم عنه اكتر بعدين بس دلوقتي ,,,, اللي يلاقيه يلاقيه ويقراه

2008-04-03T15:22:00.000-07:00

(ساويرس ....دحلان وبينهما امريكا (2

اكتشفت بالاضافة ان جائتني تعليقات عن المقالة , بان لم اعط لدحلان حقه , وفقط ركزت على الباشا ساويرس, تقنيا (حلوة دي) نعم لاني اكتشفت ايضا ان المقالة زادت في توصيفي لسطحية سيادة الباشا ,
ولذا دعونا نتحدث عن دحلان . لنبدا بعلاقة دحلان بساويرس.... في نفس المقالة ذكر نجيب انه يعرف دحلان من 10 سنين , واذا استرجعنا ذاكرتنا سنجد ان من عشر سنين او حوالي العشر سنين, توفي ياسر عرفات واختير ابو مازن ومعه (قفة) اقصد دحلان لادارة القضية والشعب الفلسطيني , واموال منظمة التحرير!!!!! توقف للحظات ....... اموال منظمة التحرير؟؟؟؟ هل لمعت الفكرة؟؟؟ لسه مش كده...... 10 سنين ..اموال منطمة التحرير ....امريكا .....دعم .... ضمان....نجيب ...امركيا مرة اخرى...استثمارات في العراق.....استثمارات في مجال الاتصالات....شبكة المحمول في غزة والضفة...رعاية اسرائيل وتصاريح من الدولة العبرية.....اوراسكوم تليكوم...بيع اسهم في البورصة... .
بس كده !!

انا طبعا تفكيري لم يصل الى عبقرية ان افهم, الى ان جاءت لي معلومة من صحفي قبطي شاب اخبرتني بهذه المفاجئة, اموال منظمة التحرير تستثمر في اوراسكوم تليكوم, والمسؤل الاساسي عنها هو دحلان.

ليست مفاجئة بالصورة السيئة , عادي نجيب مستثمر شاطرو دحلان سياسي ثعلب و الاموال اموالهم وضمان امريكا اساسي وضمان اسرائيل تسهل ان يقوم نجيب باقامة شبكة المحمول في الاراضي الفلسطينية بشقيها المحتل , واللي امره مفروغ ان العرب مهما حاولوا لن يحصلوا عليه, ضمان من كل الاتجاهات ,...فعلا الامر مدروس ولا يشين على الاقل من ليس له قيم او نوازع تحريرية , ولكن الشفافية مطلوبة لكي يعرف الناس من دحلان ومن ساويرس, وما علاقتهما ببعض.
هذا الدحلان عندما كان مسؤلا في جهاز الامن في غزة كان يشي بالاستشهاديين واسرهم, هذا الدحلان جهلا او تعاطفا او خيانة او وجهة نظر كان منسقا امنيا مع العجو الاسرائيلي,( معلش هنا مافيش غموض او يمكن من مصر لغزة الامور تسير باختلاف, يعني لو واحد زار مبنى امن الدولة يوصف بالمخبر حتى يتضح العكس, امال لو نسق مع عدو يبقى ايه) اكذوبة الغموض لا تبرأ دحلان , بل تزيد الامور سطحية في التقييم.

هذا الدحلان وليس في الصحف الامريكية الموجهة انما على رؤس الاشهاد قال بوش "انه رجل امريكا في فلسطين", هنا الموقف يزداد وضوح, الا اذا اعتبرنا ان لبوش رجال يعملوا لصالح اي كخلوق الا امن وتأمين اسرائيل وتسوية حماس بالارض.

هذا دحلان وهذا ساويرس , واعمال نجيب مع مايكل منير تجعلنا نترقب,هل سيظهر دحلان جديد, في ظروف اقرب الى الى ما ألت اليه الحياة هناك ......اللهم استر

2008-04-02T13:38:00.000-07:00

ساويرس ....دحلان وبينهما امريكا

الاوقع ان نقول ساويرس دحلان وراعيهما امريكا, ولكن ليس رعاية امريكا هي التي لفتت نظري في مقالة رجل الاعمال الالمعي نجيب ساويرس يوم الاربعاء 19 مارس 2008 في جريدة المصري اليوم, فكل مواطن له الحق فيمن يتخذه خليلا او صديقا , او نديما او اخ في الرعاية, ولكن ما راعني في المقالة هو ضحالة فكر ورؤية ومعلومات اخونا المهندس نجيب, فالمقالة التي تكشف كم السطحية في رؤيته السياسية, جعلتني اعيد النظر في نجاحه المشهود في مجاله الاصلي البيزنس, وذكرتني ببداية نبوغه وصعوده عن طريق استثمار نقود والده – وهذا في حد ذاته ليس خطاْ- في قطاع التوكيلات والتجارة بعد ان كان مجال اعمال والده المقاولات ثم الاستثمار العقاري , التوكيلات رغم مابها من قيمة استهلاكية الا انها ليست مكروهة, ولكن تظل توكيلات ليست بالصناعة او الانتاج خصوصا عندما نعرف انها توكيلات شوكلاتة والكترونيات, وهذا ما يوضح اي رجل اعمال هو, تفاهة واستهلاكية , وماركتينج وعلاقات عامة , و من تلك الى رخصة المحمول الاولى التي حصل عليها بعد كلام عن ضغط من الكنيسة لكي ينعم احد رعاياها بذلك البيزنس ولكي تسكت الحكومة الالسن حول اضهاد مزعوم, المهم من بيزنس التوكيلات الى تدخل في السياسة واراء مستفزة سطحية تنم عن ثقافة ضحلة في المجال السياسي, تظهر بين حينا واخر على صفحات الجرائد والمواقع ,او تظهر في اماكن تواجده ومن يناصرهم, يوزع فيها عدم فهمه ووأرائه السياسية النيرة, وانا هنا لست متجنيا او مغالي ولكن الامر واضح جدا وجلي لمن يحلل خطابه ولقائته, ولكن الذي يحدث انه لا يوجد من يفعل ذلك.
دعونا بعد هذه المقدمة العنيفة (الحقيقة لو ماكنتش اتكلمت بالطريقة دي ماكنش حاينفع اني اتكلم في الموضوع ده بادب واحترام, الراجل اصلوا خرف اوي وانا ماستحملتش )
قبل ان ابدا في
ينتصف المقال في مدح استهلاكي دعائي من نوع اشرف الشرفاء واحسن المحسنين والناس كلها شاهدة بكده – قاصدا دحلان – ثم يبدأ في نشر أرائه المراد بها مقالي :" تفاقمت المشكلة الفلسطينية تحت حكم حماس " ياباشا مازاد على معاناة الشعب الفلسطيني (طبعا هو يقصد غزة .. واعتقد انه لا يعلم ان فلسطين الان ممنقسمة الحكم وادارة الاراضي بين قطاع غزة التي تحكمها حماس وهو مايريد ان يفهمنا اياه وبين الضفة الغربية والتي تسيطر عليها السلطة الفلسطينية, عادي عادي عدوها التقيل لسه بره) هو عزل اسرائيل لغزة تماما لتمثل ضغطا على اهلها ليقفدوا الثقة حماس, وهي الفكرة التي اتفق عليها الجميع حتى الامريكان انفسهم, ففي لقاء مع ممثل وزارة الخارجية الامريكية في العاصمة واشنطن صرح بان "على الفلسطنين ان يتحملوا اختياراتهم, بغض النظر عن تطبيق الديمقراطية, ونحن نعتبر حماس منظمة ارهابية" اي سطحية تفكير الباشا السياسية لم تصل اليها هذه الفكرة, ام ان هذا هو رايه الشخصي المبني على انتمائاته وثقافته وهذا ما يصل بنا الى منعطف أخر ... من هذا النجيب لكي يخبرنا برأيه في حماس , انا لا اصادرعليه ان يقول رأيه, ولكن قدرا من المعرفة مطلوب اذا اردت ان تترك توكيلاتك وتنشغل بما ليس لك.
المهم ان الباشا بعد ان اخبرنا برأيه في حماس, اضاف راي عله يوضح مجال عمله الجديد( اخاف اوي لو فعلا دخل المجال الجديد لان وحوشه لا بيفرق معاهم لا مسيحي ولا مسلم ولا قريب او بعيد ولا شبابيك لندن ولا بلكونات ايطاليا...) اضاف الباشا رايه في صواريخ حماس التي تطلقها على مستعمرات الاراضي المحتل, وقال عنها انها بدائية, طبعا هو لم يدرس صناعة الصواريخ, الحقيقة انه لم يربل سمع عن تلك الصواريخ او قرأ او "قالولوا...", السؤال الذي يطرح نفسه من اين معرفته بالصواريخ؟ ارجو فعلا ان لا يدخل هذا المجال- لو لم يدخله فعلا- ولا يدلوا بدلوه , خصوصا ان اسرائيل نفسها ماكانت تتدخل بالصورة المشينة بهذه العدوانية الا لو كانت الصواريخ التي ليست بدائية تؤثر في استقرار اسرائيل.
ثم يظهر لنا دموعه في مشهد تراجيدي خارق عندما يؤنب الاقتتال بين الاخوة في العراق بين حماس وفتح اقصد الاخوة في فلسطين, - التبس عليا الاخوة في فلسطين والاخوة في العراق – فهنا يبكينا الباشا عن الاقتتال الذي حدث وطبعا هو لا يعرف سببه ودور صديقه الصدوق دحلان في ذلك الاقتتال وهناك في العراق يشارك تحت حماية الراعية الاولى له في اقامة المشاريع والبيزنيس والاتصالات, ويصف ذلك بالبعد عن الديمقراطية والسذاجة, اما في العراق فعبقريته ترى ان يساند الاحتلال بمشاريع الاتصالات .
ثم ينهي الباشا بالجملتين الاثيرتين من صنف" اقتحام حماس حدودنا" ," واستخدام العنف ضد قواتنا المصرية ", "وانتهاك الكرامة والسيادة", وهي الجمل التى نقراء مثلها في صحف الحائط في اي مدرسة ثاوني يراعاها الحزب الوطني وعمق الجمل مثل عمق صحيفة مايو المنسية (صحيفة الحزب الوطني البائدة ) فالجمل ليست تعج بالسطحية بل بالاخطاء , بالذي اقتحم الحدود ليست حماس بل الفلسطنين القاطنين في غزة , واذا افترضنا انهم جميعا من حماس فاولى ان تحكمهم حماس , وهنا يكون قمة الديمقراطية , واذا افترضنا انهم – وهذه هي الحقيقة –فلسطنين مروا جميعا بظروف مميتة بغض النظر عن انتمائهم, فالذي فعلوه هوفعل المضطر المستغيث, الذي يستوجب ان نقف جميعا بجانبهم, وليس ان ندلوا برأينا في استخفاف وسطحية , ان نتبرع لهم وناسندهم وليس يتسفيههم واتهامهم, ومن سفاهة القول ان نطنطن بسياةتنا التي استبيحت, وهذا ما اكد لي شفافية سطحية الباشا وتكراره لمقولات لا يستوعبها, فياباشا ان مصر وسيناء استبيحت سيادتها بعد الاتفاقية المنقوصة وبعد دخول الاسرائليين وحاملي جوازات السفرالاسرائيلية الى اعماقها بدون تصاريح , وبعد ان غلت يد مصر في تنميتها وتعميرها , نجيب بيه ارجوك اذا اردت الدخول في مجال السياسة او تجارة السلاح, فربنا يعينك انما خلى بالك الغلطة بفورة. وبلاش زعامات فاضية وخلى مواقفك واحدة وبلاش تتعلم من راعيتك, ان تكيل بمكيالين.
ان ظهور نجيب في حفل تدشين جمعية مايكل منير, يحتاج الى استوضاح, هل نفهم من ذلك ان الرجل الغامض من ميرندا (اقصد من ميرلاند الولاية الامريكية) يحضر له ان يكون دحلان مصر, وهل سنمر بنفس ظروف فلسطين ولذلك يدعم كل شخص من يواليه, عموما هذه قصة ثانية,(ثنائية ساويرس مايكل) .
كنت اتمنى ان اكتب فيها ولكن اخشى اتهامي بالعنصرية ..

2007-11-10T15:27:00.000-08:00

خلص الكلام ومافيني حكي

2007-11-03T14:11:00.000-07:00

This song from movie ROCKY
Talking about the conflict between nations and civilizations
I Dedicate it to war makers over the worlds.

Two worlds collideRival nations

It’s a primitive clashVenting years of frustrations
Bravely we hopeAgainst all hope

There is so much at stake

Seems our freedom’s upAgainst the ropes
Does the crowd understand?

Is it East versus West?

Or man against man?

Can any nation stand alone?
In the burning Heart Just about to burst

There’s a quest for answers

An unquenchable thirst
In the darkest night

Rising like a spireIn the burning heart

The unmistakable fire

In the burning heart
In the warrior’s code

There’s no surrender

Though his body says stop

His spirit cries – never
Deep in our soulA quiet ember

Know it’s you against you

It’s the paradox

That drives us on

It’s a battle of wills

In the heat of attack

It’s the passion that kills

The victory is yours alone

2007-10-11T14:45:00.000-07:00

عن الكره احدثكم
طبعا ياما سمعنا عن الحب وسنينه...
وياما اتقال عنه وعن قصصه وحكاياته ....
وياما قرينا تعريفات ودراسات مفصلة عنه ...
بس ماحدش اتكلم كتير عن الكره اللي هو عكس الحب او الوجه الاخر من العملة ...
بس كتير بيعتبروا الكره طاقة سلبية والحب طاقة ايجابية , طبعا من وجهة نظر الطرف اللي بيفعل الفعل
يعني انا لما باكون في حاللة حب بيقى عاندي طاقة ايجابية لني ابني مثلا او اعمل حاجات كويسة كتير ,
ولما باكره بيكون عاندي طاقة سلبية للشخص اللي باكره واحب ادمره لو قدرت ...

بس انا عاندي سؤال ...طبعا فيه ناس كتير بتكره هتلر على مستوى افعاله مع اليهود مثلا او على مستوى الحرب العالمية في اوروبا . بس هتلر كان محبوب جدا من الالمان وممكن لو راجعنا ايه اللي كان بيحصل في بلده في وقته حانلاقيه ممكن يكون عانده عذر.
وعبدالناصر برضو يعني بالمقياس كده حنلاقي ان بالورقة والقلم اعتلائه لعرش مصر ووفاته يكون نكون احنا خسرنا سينا كلها ومافيش حياة ديمقراكية والالاف من الناس العادية اللي اختلفوا معاه في الراي وكان في صراع بينه وبينهم دخلهم السجن وهانهم وحاجات تانية
بس الحقيقة ان شعبه كان بيحبوا ,,
رغم ان الالاف اللي اتسجنوا اكيد بيكرهوه....عادي المسالة نسبية مش لازم تتحب من كل الناس ..يبقى موضوع الطاقة السلبية في الكره دي لازم تتدرس تاني ,
يعني مثلا لما تتكره من ناس مش كويسة اكيد حايكون عاندهم طاقة سلبية , بس فيه ناس تتمنى تتكره منهم , وفيه ناس لما تتكره منهم بيكون الموضوع مفيد ليك اكتر , بس انت ممكن تحول الطاقة السلبية اللي عليك لطاقة ايجابية تساعدك في طريقك..انت باديك تكرههم كمان وباديك انك تحول الطاقة الى حاجة احسن ,.
خصوصا ان في طريق الانسان ناس احسن حاجة انه يتكره منهم , وناس تانية يتمنى انوا يتحب منهم بس يبتكره بدون اسباب الا الارواح واتلافها , عموما لايبكي على الحب الا النساء,,,,
بس برضو طاقة الكره لازم تتحول الى طاقة ايجابية اسلم ....

2007-09-20T14:58:00.000-07:00

(دوائر متكاملة واخري متقاطعة (ناصر الدانمركي
في زيارة الدانمرك الاخيرة, وكما كان مرتب, قابلنا احد نواب البرلمان الدانمركي من اصل عربي,
هذا البرلماني المحترم صرح في لقاءنا معه انه ديمقارطي دانمركي مسلم.....رائع..فكرة متحضرة متطورة عن الهوية حيث ان الانسان لم يعد هو الكائن البسيط فردي التكوين احادي الهوية – يا ابيض يا اسود- كلا بل هو انسان مركب بتفصيلات عديدة تزيده قوة وتمييز, هذا اذا استفاد من تعدد مشارب هويته كما كتب الرئيس جمال عبدالناصر في فلسفة الثورة في آخر اجزاءه, ان مصر تقع في ثلاثة دوائر عربية افريقية اسلامية, وعدد كيف سيتفاعل المصريين من وجهة نظره مع تلك الدوائر وتلك المشارب, وكيف سيستفيد بهم دون تقاطع. ثم اضاف المستشار طارق البشري المحترم ابعادا اخرى ودوائر اكثر وتوصيفا اعقد لحياة الفرد والامم, وصرح بوجوب تكامل هذه الدوائر وليس تماسها فقط, وانا اضيف ان الانسان عليه ان يكون خلاق كفاية واكثر ابداعا في تعاملاته واحتوائه لتلك الدوائر لكي يزيد تلك الدوائر استفادة وكمالا وليس تماسا متعارض في الاولويات .
هذه هي دوائرنا نحن فما بال الاستاذ ناصر عضو البرلمان الدانمركي, اضاف الاستاذ ناصر بانه يتميز بكونه ديمقراطي, دانمركي,مسلم, وانه في حالة تقاطع دائرة الديمقراطية مع الدانمركية سيختار الديمقراطية حتما واذا تقاطعت دانمريكيته مع الاسلام سيختار الدانمركية ...الغريب انه لم يخبرنا ماذا لو تقاطع الديمقراطية والاسلام في جبهة واحدة مع الدانمريكة, والحقيقة انه لم يخبرنا كيف يجمع بين الديمقراطية كاداة لادراة البلاد نراها جيمعا في الصالح العام, رغم ان هناك بلاد كثيرة وامم وحضارات نجحت بدون تلك الديمقراطية وانشأو نظاما خاص بهم, كيف جمع الاستاذ البرلماني السياسي المحترف بالديمقراطية وهي الاداة والدانمركية التي هي ثقافة وحضارة وتاريخ و حياة مركبة وهوية حقيقية ...
لن اخوض في دائرة اسلامه فانه حسم ذلك بالقول انه علاقة بين ربه واللانسان, وبتلك الاجابة هو حسم المواضيع, فانه يغفل جهلا او متعدما او عدم اقتناع - هذا شأنه –الجانب التطبيقي والمعاملاتي الذي يمتاز بهم الاسلام, ولكن لم يخبرنا كيف يتحدث عن الهوية الدانمركية كاحد مكوناته واولوياته وهو يدعو الى السماح باعداد كبيرة من البلاد الاخرى – من الصين وشرق اسيا – للسماح بالعمل في الدانمرك في مجالات متميزة وحيوية مثل الهندسة والطب....انا لا اؤمن بان تكون دانمرك للدانمركيين مثل الحزب القائم الان, انا احب ان يكون اكثر ابداع في مسألة حل مشاكل الدانمرك ولا يستسهل ان يأتي باخرين للتغير من ثقافة وهوية البلاد, سألته ولم يجب عن هذه النقطة....ولكن انا نا اريد ان اعرف – عل احد يخبرني - اذا انت اقررت ان دانمركيتك تأتي في المرتبة الثانية, واحسبك كما قلت ترى الاسلام هو علاقة بين العبد وربه بدون تطبيقاته العملية, وتخبرنا بانك ديمقراطي اولا... فهل لو كنت في فنلندا مثلا او كوالامبور بالصدفة بدلا من الدانمرك كانت اكيد هويتك حاتكون يا فنلندي او ماليزي, اذا اين ولاءك لتلك البلاد التي تعيش فيها؟ بل انت احد نواب شعبها وحامل جنسيتها...
استاذ ناصر اعتقد انك لاعب ديمقراطي محترف, ممكن شراءك للعب في اي فريق اقصد دولة بغض النطر عن اسمها, يعني هذا الولاء للديمقراطية يجعلك اعلى من كونك برلماني دانمركي تراعي فقط مصالح الدانمركيين, وتهتم بهم. لذا ارجو من سيادتكم التنازل عن عضويتك بالبرلمان الدانمركي وجنسيتك.. وان تكون رجلا عالميا في مجال الديمقراطية وتترك البرلمان الدانمركي الذي لا يرضي طموحك كديمقراطي, لان كونك في برلمان دولة اظن قتناعهتا ان ممثلين شعبها لا بد ان يكونوا فعلا يسعون قلبا وقالبا لمصلحة تلك الدول00000

2007-09-11T08:52:00.000-07:00

في امر الرسوم
طبعا لما اقول الدانمرك او انا في الدانمرك...الانطباع التي تتركه الكلمة اختلف من بعد ماكانت الزبدة واللبن والخير والجبنة والتجربة الدانمركية والبنات الحلوة, اصبحت تالت اكثر الدول مكروهة من المسلمين والعرب, طبعا بفضل الرسومات الكاريكاتورية المسيئة لسيدنا محمد صلي الله عليه وسلم, يخرب بيوتهم بجد ..ناس باديها تجيب وجع الدماغ والكره ليها.....وبعد سنتين لسه اكيد الموضوع سخن ةمش حايبرد..... بس الموضوع اصبح اكثر فرصة للنقاش الهادئ من ذي قبل, اصبح على جميع المستويات واصبحت التحليلات لاسباب الفعل هي الاقرب الى النقاش من الفعل نفسه, وانا في مصر سمعت عن تفسيرات كثيرة وتبريرات ومناقاشات جدالية اكثر....بس الامر هنا مختلف لان فيه حقائق عن الناس والتعايش فيما بينهم تجعل الموقف اكثر وضوحا, او ترجح اسباب عن اسباب, وتجعل اسباب اكثر تصديقا ,
وانا ياقول اسبا وروايات لان الموضوع فعلا له اكتر من مستوى للحقيقة ...
انا لا ادري هل انا تكلمت من قبل عن هرم مستويات السياسة في امريكا من قبل ولا لاء.....؟
على العموم هنا كمان يوجد هرم لفهم الحياة ماشية ازاي؟ ممكن يكون الهرم هنا اقل تعقيدا ولكن يظل قريب الشبه الى هناك...
المهم انا حابدأ في حكي اقرب الروايات المطروحة للتصديق عل وعسى انقل صورة ممكن تفيد في فهم الناس اللي بره دول عاملين ازاي....المهم يحكي انه عندما حكم الجناح اليمين لفرخة السياسة في الدانمرك....وبامصادفة هو نفس الجناح الذي يحكم امريكا...نفس الصدفة جعلت ان هذا الجناح يحضر عفريت ويخاف منه ....وطبعا اللي يخاف من العفريت يطلعله...وسمى العفريت ده الاسلام ..واصبح فيه حاجة اسمها الاسلاموفوبيا ..و اصبح شكل المحجبات حاجة مستفزة للمجتمع الدانمركي فجاءة,وكل واحد مربي دقنه يبقى ارهابي وخلاهم يحسوا ان الثقافة بتاعتهم وحياتهم كمجتمع فلاحيني مترابط حيتأثر ......وده كمان حيأثر على حرية التعبير هناك, ولاختبار الموضوع ده اقترحت صحيفة محلية صفرا ...ده توصيفهم هم...انها تعمل مسابقة على اكثر الرسوم الكاريكاترية ممكن يخرق سقف التابوهات بدون مايحس بتاثير من التغيير اللي بيحصل في المجتمع من زيادة المهاجرين المختلفي الثقافة وزيادة الدانمركينن اللي بيسلموا في المجتمع الدانمركي المسيحي ...وفعلا اترسمت الرسومات وحصل اللي حصل .....الزيادة انو مش بس كانت رسومات ده كان في مقالات مسيئة كمان.....
دي اكثر قصة مبررة للموضوع مطروحة هنا واكثر قصة هم نفسهم مصدقينها, وفيه كمان قصتين على اليمين واقصاه وواحدة على اليسار هبلة جدا بس اتقالت للهبل.
الاولى محتاجة قدر كبير من التربيط بين الاحداث اكتر , زمعرفة ان الجناح اليميني على مستوى العالم بيدرس ردود الافعال وبيشتغل على الموضوع ده بشكل كبير وتأمري عالي جدا...يعني القصة او الاسباب المسابقة انو بايعاز من الجناح الامريكي المتطرف المعادي للاسلام, بعد ماحس ا وبعد ما حط في دامغه اللاسلام كعدو لاسبابا عديدة ممكن نناقشها بعدين , لما نتكلم عن امريكا والجناح المتطرف هناك .....المهم ان بايعاز منهم علشان يبينوا ان المسلمين اوباش وعدائيين خططوا لعمل كده...وفعلا حصل الي حصل....
والمسلمين ردوا بعتف بطريقة كانت معمول حسابها ومدروسة ...وبالفعل مشية الخطة زي ماهم عايزين ...بس هل رد الفعل كان زي ماهم عايزين ...يعني هل فعلا الناس كرهت الاسلام...والمسلمين زي ماكان كل ده متجهز...؟؟هو ده السؤال المهم....اللي الاجابة بتاعته معروفة من اكتر من 1400 سنة , "ويمكرون ويمكر الله , والله خير الماكرين ...." موتو بغيظكم او انتحروا جماعات جماعات , المسلمين يزداد عددهم ودي الحقيقة في الدانمرك وامريكا....وفي اوروبا كمان....
التفسير الثالث وده كان اكثر التفسيرات طرافة وبساطة ويكفي انه اتقال لاخواننا بتوع 3/1 في البرلمان ....اتقال ليهم ايه بقى ...والله اصل احنا شعب ظريف وبنتريق على كل حاجة وعلى كل حد حتى على نفسنا...وماكنش نقصد نهين حد او نتريق احنا بس كنا بنهزر....طب لما اتريقتوا وضايقتوا ناس ليه ماعتذرتوش ...اصل احنا لو اعتذرنا كنا حنعتذر عن جزء من هويتنا اننا شعب سليط اللسان, وابائنا علمونا كده اننا ننتقد على طول علشان نطلع احسن ما عندنا,....هاهاهاهاهاها....فعلا ؟دانت ناس زي الفل .......محترمين جدا جدا واهو كفاية ان الرسومات خلتنا نناقش بعض ونتكلم مع بعض.....هاهاهااها شفت بقى البرلمان المصري قال ايه.....

2007-09-10T02:57:00.000-07:00

آه يا برلمان اه
بجد آه يا بلد عاللي بيحصلك.............وانا هنا شفت حاجة مصرية واتعاملت معاها, نادر اوي اني اشوفها في مصر .....باتكلم عن اعضاء البرلمان من الحزب الوطني الديموقراطي ....والزيادة كانت كمان اني اشوف نائب من الاخوة المسلمين...مش انا ممكن اقول كده برضو.....؟؟
اللي متابع حيعرف اني قابلتهم في الدانمرك (حيث اقضي اجازتي السنوية بين الطبيعة والخضرة.....الصورة تحت للي مش مصدق........) انا مسمي الكورس اللي باخده اجازة ....المهم ان اتاري في اعضاء من البرلمان المصري 3/1 للوطني ضد الاخوان ...موجودين برضو علشان يقضوا اجازتهم السنوية في كان قريب منننا وعدوا علينا ...علشان يتعرفوا علينا ....
اموت بقى واعرف بجد سفيه مين اللي وافق للناس دي تيجي الدانمرك....لا مش بس الدانمرك سفيه مين اللي اداهم الفيزا اصلان يخرجوا بره مصر.....خلاص عارفين ان مصر بتمر بحالة زي الزفت وظروف صعبة (اكيد بعد مابنينا الهرم وبقينا اسياد العالم قلنا نرتاح شوية ونسيب الناس التانية تاخد دورها في الريادة والسيادة والتاسد وكفاية علينا 5000 سنة, خلونا نعيش في ظروف صعبة شوية علشان نحس بمعانات الناس التانية في العالم (يارب جمال مبارك يكون بيقرا المدونة يمكن يعرف اهمية انو يعيش وسط الناس)
المهم اننا اعترفنا اننا مش متقدمين ولا متحضرين كفاية وبنمر بحالة صعبة ....خلاص نلم نفسنا بقي.......ملهاش لازمة الفضايح تبقى على الملأ كده (مش كفاية فضايحنا دلوقتي بقت بتتصور ووائل بيه بيتكفل بنشرها حوالين العالم , وبياخد جايزة على كده.....) لا كمان نبعت ناسنا الحلوين الممثلين لينا اللي المفروض يتكلموا عننا بره ونفضح نفسنا بنفسنا....0
طب انا متحامل وعدائي ناحية بلدي , طب راي الشباب الدانمركي بارضو متحامل لما يقولوا عن الاعضاء كدابين واغبياء ويخافوا من نظراتهم....طبعا انا ما ماكنتش رقبتي زي السمسمة ولا حاجة ولا قعدت اعيط على سمعة بلدي ولا اجيب مبررات ابدا فعلا بس كل اللي قلتنه ان دي مش غلطة الناس ديه ...دي غلطة النظام اللي اداهم التاشيرة.
مالها سورية ماهي برضوا بتمر بحالة زي الزفت وماحدش بيبعت الناس الاغبياء والكدابين بتوعهم يقعدوا مع الشباب وينشروا الصورة الحلوة بينهم (حد بيفتخر بناس فلاحين – فلاحين يعني عارفين يعني ايه شجر وتفاح عليه .....يعني اكيد مش حاينبهر بمنظره على الشجر, ولا المفروض انو كان يسيب الاجتماع ويرمي شجرة التفاح بعصاية علشان يلم التفاح لما يوقع لا وكمان ينده بصوت عالي جدا على وملاته في المجلش علشان يجوا ياكلوا معاه ويلموا من على الشجرة ..... ).
حد يفتخر ويبعت واحد بره بلدوا يقعد يبصبص للبنات في الاجتماع ....ياناس ارحمونا شوية , مالها سورية بصحيح ماهي لمه نفسها وما بطلععش حد من عاندها....
الحقيقة المنظر كان سئ رغم ان دي الحقيقة في مصر بين حزب وطني همه على غرايزه يودفع مقابل ده كدب ونفاق ومصالح وغباء, وبين اخوان حسيين ان العالم كله ضدهم و وبتأمروا عليهم واكيد على الاسلام لانهم هم الاسلام طبعععععععععععععععا ,
بس انا استفدت وعرفت حاجة مهمة اوي ,,,عرفت ليه الاخوان بيبانوا احسن وبيفوزوا في الانتخابات ...لانهم بيشتغلوا وبيحضرروا ومش رايحين يلموا البرقوق من على الشجر, النائب الاخواني كان محترم وبيتصرف باحترام وقال كلام كويس متوازن وبيتكلم انجليزي, حتى لو في الاخر الافكار اللي جواه عفا عليها الزمن ولا تؤثر في الموقف اللي كان ومجود فيه....
يارب ارحمنا بقى من سنديان الوطني ومطرقة الاخوان اللي خلوا مجلس الشعب منبطح زي كده ..

2007-09-04T14:47:00.000-07:00

هناك وهناك2
فكرين لما كنت بتكلم عن هناك, دلوقت في هناك وهناك2 , بعمل فيه ايه ؟؟؟؟؟؟؟؟؟ زي اللي كنت باعمله في هناك, والحقيقة ان دي حاجة

كويسة اني اشوف هناك2 بعد ماشوف هناك بفترة صغيرة, علشان افهم اكتر عن هناك, ودي حاجة كويسة اني اشوف هناك2 بعد هناك بفترة قصيرة علشان افهم اكتر عن هناك وهناك2 , يييه اتلخبط بين هناك وهناك2 , بصوا انا حاتختار اسماء مكانين او حاجتينن , طبعا مش حايكونوا امريكا والدانمرك علشان ماحدش ياخد باله انا فين, اصل الحكومة اليومين دول مفتحة عنيهاع الاخر مش ع المكشوف.
تفنكروا اسميهم ايه النار والجنة – المصنع والقرية ...انا عايز كلمتين ضد بعض او زي بعض او شبه بعض...ايوة ...انا مش مركز..........يمكن علشان لسه تالت يوم ...بس غلى العموم ثالث يوم في واشنطن اكيد....اوه نسيت سوري....ثالث يوم هناك ...اوه سوري كمان...طب تالت يوم في الحتة الاولى اكيد ماكنتش مبسو ط زي ثالت يوم هنا في الحتة التانية, تخيلوا ان الناس شبه الناس,والاشكال قريبة جدا من بعض,بس فيي الحتة التانية....سوقيه اوي كلمة الحتة دي.......طب انا حاقزكم حاجة ...تخيلوا قاعدين في مكان وكل الشبابيك بتبص علىالمشهدده ....تفتكروا نسمية ايه .....انا عموما مش هاسميه ....حاكم انا فقري وحنية لمصر اوي

اوي .............يجدعان انا كده طب اعمل ايه ...اروح اموت نفسي يعين طب حد يتبرع ويعالجني..............بس المكان حلو

2007-09-03T12:46:00.000-07:00

حــمــــــيــــــمــــيـــــة الـــــســــــــــئ

في فترة من فترات عمري وانا صغير جالي اكتئاب حاد نظرا لنتيجة عدم تكييف غير عادية حصلي لما انتقالنا من الامارات الى مصر, والموضوع رغم انو كان عاجبني(قعادي في مصر) انما عدم التييف خلاني رخو وفي نفس الوقت مقاومتي للمشاكل اضعف, وكانت مدرستي في الوقت ده فترتين مسائي وصباحي, وبالتالي كانت فترة الداراسة فصيرة وكنت باروح البيت في وقت معين اكل ووانام واصحى على المغرب اطلع اشم ريحة السحابة اتخنق اكتئب, وكل يوم من ده وعلى ودنه... واللي يزيد الطين باله اني قبل مايخلص الشتا والسحابة السودا تخلص كنت في شهر يناير بحول للفترة المسائي.... يعني القرف القرف القرف ومشاكل المسائي في مكان شعبي زي الحدايق ماقلكش... يعني بتروح مدرسة عديمة التهوية والاضاءة بتاعتها سشيئة’ و الحرامية اللي وقفلك في الشارع بالمطاوي وياخدوا منك فلوسك او يتخانقوا معاك بدون سبب, وكمان عدم تحصيلك العلم بشكل كويس لان يومك ضايع على فترتين, المهم كل ده وانت لسه راجع من الامارات الامارات يعني الدلع كله آه يا دلع يا دلع , وبعد ماكنت احسن واحد (مش اشطر واحد) وكل سنة ليك موقف المدرسة كلها تحسدك عليه.... ومش المدرسة بس دي المنطقة كلها.
المهم السحابة السودا ارتبطت عاندي بالاكتئاب والسواد القاتم ودخلت المدارس وكل حاجة كانت بتسبب انقلبض نفسي عليا .وكنت باعتبر الايام دي اسوء ايام حياتي قاطبة..
من يومين كده وانا برتب لموضوع سفر الدانمرك (اه انا في الدانمرك) وساعة المغربية كده شميت ايه ؟؟؟؟الساحابو السودا ......تفتكروا زعلت او اكتئبت ابدا........ ابدا ده انا حتى جاتلي حالة من الحميمة الشديدة وقلت بيني وبين نفسي ...فينك يا سحابة و فين ايمك على الاقل الايام دي كانت سحابة ودا بس ...مش مية سودا وزرع اسود وناس سودا, دي حته الشيشة بقت سودا والعيشة بقت سودا في سودا....يعني الحقيقة اني حنيت للسئ لان الاسوء اللي احنا عايشين فيه اصبح لا يحتمل...
الغريب ان صاحبي عدى عليا في نفس اليوم وقالي حاجة غريبة اوي : الباشا صاحبي واحد من الفسدة االمفسدين, وكان فساده بيدور حوالين البنات اللي في الشارع المتعودين دايما......وكنت دايما بادعيله بالهداية,بس الحقيقة باقلوا فترة كده مغير نشاطه لحاجة اسوء منها مافيش ...الباشا ال.....مابقاش يحلالو الكلام الا مع الستات المتزوجات .....وعايز يقنعني انهم اكم منهم في مصر اليويمن دول...الموضوع مااشغلنيش ماهي الميه والجو والاكل كلهم زي ماتفقنا اسود من بعض اشمعنا الناس..... المهم الباشا زي مابقلكم عدى عليا وقالي اسكت مش انا النهاردة شقط واحدة من الشارع ...قلتلوا ايه الحمد لله ربنا تاب عليك.....قالي لادانا نزلتها على طول اصلها كانت وحشة اوي....طب لما انت عارف انها وحشة ايه لزمتوا...قالي ابدا......لا ولا حاجة وحشني الجو الزبالة ده.....قال يعني الواد عايش في المراعي الخضرا.......المهم شرحتلوا قد ايه انا راي اننا بقينا بنحن للسئ لاننا بقينا عايشين في الاسوء...طبعا فتحلي بقه زي الاهبل ...وانا سكت وقلبي رجع انقبض تاني 000000

ياعالم احنا رايحين على فين

2007-09-03T12:41:00.000-07:00

اعتذار واجب

ياااااااه قد ايه بقيت باكره الصيف
كنت وانا في الكلية باحب الصيف لا وكمان كنت باحب الحر, لا وكنت باعتبر ان الحر احد الطقوس تدريب النفس والجسد على الاحتمال زي اليوجا وعوالم بوذا, دلوقت بقيت باكرهه وبقالي سنتين تلاتة مابحبوش يجي و الغريبة ده مش علشان الحر والعرق والضيق في التنفس ابدا, ده بخصوص حاجة تانية خالص انا بقيت احس ان الصيف ماليش سكة فيه ومش بتاعي. بقى للناس التانية الناس الاشباح اللي دايما بتتشاف من ورا زاز, الغريب في الموضوع اني من فترة كنت باعتبر نفسي واحد منهم,لاني كنت ساكن معاهم, وفعلا حاولت كتير ان انسجم معاهم, واعتبرت ان الفترة دي اللي في بداية حياتي كشاب فترة اختبار على ارتياحي حايكون فين. يعني حاكون مع الاشباح اللي فو ق ولا اخليني مع الاشباح اللي تحت, وبين دول ودول انا بقيت, عين في النار والعين التانية ف يانار.. دايما لما باروح هناك (العجمي وشاطئ الفردوس ) كنت بحس اني بعيد عن الناس دول رغم اني عايش بينهم, الناس بتوع البيكيني ومشتقاته من شواطئ خاصة وحفلات بدعاوي وسكر ورقص و....انا مش باكتب هنا علشان انتقدهم انا عايز اعرفكم مين الناس دول اللي انا ماكنتش بانسجم معاهم, وكنت كل صيف بارحوح هناك اخدلي جانب واقعد اقري في اي قصة ولما كنت باقرب من حياتهم كانت بتجيلي حالة اكتئاب كبيرة اوي لاني بحس اني مش من الناس دي,,,
على العموم ارتبط الصيف عاندي بالحالة دي ..بس المشكلة التانية اللي ان واجهتها اني لازم اصيف, لازم اغير, طب حاعمل ايه وانا اللي عارف اهمية التغيير ....وهي دي بقى الدايرة اللي كنت باقع فيها كل مرة, وكل مرة لحد ماكرهت الصيف بالفراغ وفضى الوقت بتاعه, والناس اللي بتاخد اجازة من الاجازة, لاني دايما مش بلاقي حد يقضي معايا اجازة زي مانا عايزها .
كل المقدمة دي علشان اعتذر للي مهتم يقرا مدونتي .......انا فعلا رجعت من امريكا مريت بفترة عدم توازن اظن كتبت عليها وبعدين دخلت في الصيف وبعدين مريت بمحاولة جواز هبلة طحن – واضح ان الواحد كبر- وبعدين ترتيب للبرنامج الصيفي للحزب وبعدين تغير شغلي وبعدين محاولة جواز تانية بس احسن شوية ........وفجاءة ..............................لا شيئ ................سكون تام.
حالة من السكون غير الطبيعية بالمرة ..........
صيف... مع اكتئاب... مع خمول تام..... مع احساس بالفشل فظيع مرعب .......مع شغل سئ روتيني ملئ بالمشاكل الشخصية..............مع مشاكل شخصية في الحزب مع حاجات تانية في اماكن تانية مابحبش اشكي منها.......ادي الامرفي النهاية الى هذا الوضع
زهق من كل شئ وقرف وعدم وجود طاقة لأي حاجة تتعمل وقعدة مستديمة فالبيت وكسل حتى انك تعدي الناحية من النيل. والحاجات المطلوبة منك تعملها وتنام............ ثم تستمر حالة نومك في البيت لساعات طوال...........
بجد حاولت كتير ارجع تاني وكنت حارجع فعلا بعد ماقريت قصة خيري شلبي "نسف الادمغة" بس واضح ان ثقل الصيف على قلبي كان اقوى .....والنهاردة وقبل ما اسافر تاني انتشيت بحاجة غريبة جدا كانت كفيلة قبل كده انها تدخلني في متاهة اكتئاب حاد .وهو ده الموضوع اللي جاي المهم اللي خلاني ارجع اكتب تاني...
شكرا واسف

2007-06-13T10:20:00.000-07:00

طاولة ولا شطرنج

هي الدنيا كده ولا كده طاولة ولا شطرنج
كنت بالعب شطرنج وانا صغير وباعتبره لعبة رائعة, ذكاء وتخطيط واستراتيجيات ولعبة والعباقرة, وكان بالنسبة الي اللعبة المفضلة لو حبيت اشغل وقتي او اتحديت اي حد او اتنططت على اي حد.
والطاولة لعبة سيئة السمعة وبيلعبها العواطلية او الموظفين على القهاوي, وكنت باحب اوي منظر الناس اللي بتلعب شطرنج على القهوة لانها من علامات الذكاء والحنكة والاحترام....,,,,
ومرت الايام وجيت مصر وكبرت وابتديت على استحياء القعاد على القهوة, وبعدين ابتديت اقعد كتير لحد مابتديت اقعد يوميا اكتر من مرة مع شلة او صحبة ولاوقات كتير لوحدي

....,,,.....,,,
وابتديت اتفرج على الناس اللي بتلعب طاولة وانقرض الى حد ما منظر لعيبة الشطرنج وانا نفسي اصبح رتم الشطرنج لا يستهويني واعتبرها لعبة بطيئة ومحتاجة تركيز كبير في موضوع واحد. وانا مابقتش استحمل ده نفسيا على الاقل او من وراء عقدة قديمة ممكن اتكلم عنها بعدين....المهم مرة من المرارير اصدقاء السو....اللي بقعد معاهم على القهوة علموني المشي البطال ولعب الطاولة , وبعدين مرة في مرة استهوتني اللعبة اوي وبقيت العب يوميا المحبوسة اللي عجبتني اكتر من 31 – يمكن اشرح بعدين ايه الفرق بينهم- وبعدين توقفت لسبب ما عن اللعب وعاودة بعدفترة انقطاع ,,,وسافرت وجيت ولعبة تاني طاولة ....وفجأة اذ فجاة جالي خاطر غريب اوي ...
هي الدنيا طاولة ولا شطرنج

الطاولة المعروف عنها انها لعبة حظ صرف وانا فاكر مرة قريت بحث عنها بيقول ان المصريين بيحبوا الطاولة لانهم اتكاليين وان دايما بيرموا كل مصايبهم على الحظ علشان كده بيحبوا الطاولة لان الحظ فيها كبير ....ومش بيحبو الشطرنج لانه تخطيط والمصريين فهلوية مش اذكية ...,ودي وجهة نظر باسمعها كتير اليومين دول وماكنتش باسمعها قبل كده ولا كنا سكعناها قبل كده المهم وان كمان الشطرنج محتاج تخطيط استراتيجي ودي اخر حاجة المصريين بيعرفوا يعملوها...
ياااااااااه انا قارف اللي بيقرا بموضوع سخيف مالوش اي لازمة ليه ....
اللازمة في الموضوع ان انا لما حبيت الطاولة وبقيت العبها كتير اكتشفت ان بغض النظر عن المصريين والفهلوية والذكاء والحظ ,,ان الطولة اقرب للحياة اللي انا مؤمن بيها اكتر من الشطرنج ,,,,,,,,

ليه بقى ..,,,؟؟؟؟ّّّّّّ!!!!
لو جردنا الطاولة من كونها لعبة ووصفناها حنلاقيها لعبة سريعة جدا..لان الدور نفسه سريع والتدخل الخارجي بدون سيطرة طرفي اللعب كبير يعني الزهر وهو التدخل الخارجي عليه عامل كيير اوي ولكن بدون انكار ان المهارة لها دور كبير جدا وده اللي انا اكتشفته بعد سنين لعب الطاورة وبعد تركيز في الطريقة والممارسة والاداء...
وانا راي ان الدنيا كده او احسن اقول انا مؤمن ان الدنيا كده... كل اللي تعمله انك تعمل اللي عليك ( يعني لما يجيلك رمية زهر كويس رتب قواشيطك صح تحسبا الى ان ياتي زهر مش كويس وتلاقي لعب تلعبه بيه....ولو جالك زهر مش كويس على طول تحاول تطلع باقل الخسائر برضو عن طريق ترتيب قواشيط صح وتركيز على الاهم فالمهم ...وممكن في أخر الدور الدنيا تتزبط معاك وتطلع انت الكسبان في دور انت خسارنه من البداية وفي نفس الوقت ممكن يحصلك العكس ..بالزبط زي القدر مع الفارق اكيد ....انا مش بقارن انا بحاول اعمل نموزج او محاكاة للدنيا اللي هي في الاخر كده واللي لعب طاولة يعرف قد ايه اهمية الحظ وقد ايه اهمية القدر في حياته او بمعنى اصح اللي بيلعب طاولة لازم يتعلم قد ايه اهمية التدخل الالهي في الحياة ومايموتش نفسه على حاجة وكل اللي يعمله في دنيته انو يرتب قواشيطه صح ويسيب ربنا يكمله نجاحاته....
اما احباء الشطرنج اللي فاهمين نفسهم ممكن يسيطروا على كل حاجة في الدنيا ويعملوا كل حاجة بذكائهم وعقلهم الراجح وامكانيتهم الرهيبة اللي في الاخر من عطاء الله سبحانه وتعالى ومتخيلين ان الدنيا تتاخد ووتعامل بيها كده
ويموتوا نفسهم علشان حاجة راحة منهم او حد اخد منهم حاجة وانهم يستاهلوا كل حاجة في الدنيا فبقلهم ان الكمبيوتر كسب امهر لاعب في العالم وان الكمبوتر كان اسمه دييب بلو يعني الازرق الغامق من تصنيع اي بي ام يعني المكن هو الاذكي ...طبعا الكلمة تبقى غلط لاننا من الاول معرفين مهارة الشطرنج بالذكاء وده الغلط لان مهارة الشطرنج اسمها الاحتمالات لانك في الاخر بتقيس احتمالات تنقل القطع من هنا لهنا علشان كده ممكن واحد يغلب في الشطرنج على طول .....انما في الطاولة مافيش واحد بيغلب على طول وعادي جدا ان ممكن واحد لسه متعلمها يغلب احسن واحد شايف نفسه كده ...الحقيقة مش وارد انما دي الحقيقة واسمها حظ المبتدئين........
قبل ما حد يروح فكره لبعيد ويفهم اني اتكالي ...لا يا سيدي انما انا بدي كل حاجة حقها لانك لن تخرق الارض ولن تبلغ الجبال طولا والقبور ملئا باناس ظنوا ان الدنيا لن تسي بدزنهم ومهما درست وفكرة باستراتيجيه انما في الاخر ر بنا فوق الكل وهو اللي المدبر الاعلى فعلشان كده اعمل اللي عليك وسيبها على الله ...او اتعلم لعب الطاولة و انت تعرف انا باقول ايه.......,,,,

2007-06-03T15:34:00.000-07:00

دروس جديدة
تنتابني حالة من النعاس الشديدوالتعب منذ عودتي....
يعلوها ضيق مستتر.... اعترف به.....
مع انفلات اعصاب اتحكم به في آخر اللحظات من افراد واشياء عادية ....
اعلم انها مرحلة للتاقلم بين هنا وهناك.....
سعدت بذلك (احتياجي للتأقلم) رغم انها حقيقة غير مقبولة بعد كم اللعنات واالضيق الذي مررت به "هناك" وصرحت به "هنا"....
سعدث بذلك(مرحلة التاقلم) لانها اعطتني قناعة انني لست منافقا متمرسا في النفاق حتى اخفي اعجباي بسهولة العيش وسلاسلة الحياة لهذا الحد ولهذه الدرجة.......
بل اكثر من ذلك فلقد توائمت مع ان "هناك" جميل ونظيف وواسع ورائع.......
وان "هنا" على النقيض...
ثم اسعدني انني بعد كل تلك القناعات اعيش مرحلة تأقلم من جديد والذي اسعدني انه باختياري كاملا...
ورفضي للرجوع كان حاسما وواضحا .....
ان اعيش "هنا" وارفض الرجوع هو قرار..... وعلى باقي الجسد ان يتاقلم معه...
مازال قلبي يعلمني دروسا جديدة ......
ان يختار ويطاع وينجح في فرض اختياره.....مازال القلب يأتي بقرارات صائبة على العقل ولباقي الجسد الاستجابة ....

2007-05-18T09:51:00.000-07:00

الحقيقة 000

مش عارف انا قلت الكلام ده قبل كده ولا...........لأ

بس بجد انا مانبسطتش هناك....0

الدنيا هناك كانت مختلفة عني كتير و انا متعود ان الاماكن هي اللي تعيش فيا

يعني انا مسافر هناك وشايل اللي حواليا جوايا ومعايا 00يعني لما رحت هناك اخدت معايا حبي لهنا اوي ورفضت ان احب عليها او اشوف حد تاني احلى منها

هناك مشكلتي دايما كانت بعد الساعة خمسة او بعد مايخلص البرنامج لان في ا لساعة دي باكون انا وهي وجها لوجه

وفي عقلي وقلبي وحياتي هي بتسالني ها 000حاتعمل ايه .؟

حاتروح معاها فين وحاتشرب ايه وتاكل ايه وتمشي مع مين ؟

وارد مش عارف اكيد مش حاعمل حاجة زيادة عن اللي باعمله معاكي000

بس التانية مش موافقة وخلت حياتي طين

وكنت بين نارين اني اتغيبر او استحمل

وفي الغالب ماكنش عندي اختيار لاني اكتشفت اني ماعرفش اعمل غير اللي كنت باعمله هنا وبنفس الطريقة ....0

خصوصا زي ما استاذناصنع الله ابراهيم (شكرا للاستاذة نوارة على التذكرة والتصحيح)قال

امريكانلي000

2007-05-18T09:42:00.000-07:00

ايه المهم0000؟
المهم انا رجعت بايه ؟وحاعمل ايه؟
لان البني آدم مجرد وجوده مش هو الاساس00
الاساس هو بيعمل ايه بوجوده ده 0000يعني لو بتاكل وتشتغل ومكفي نفسك ومالكش دعوة بجارك ولا بتاذي حد وبتربي العيال اللي عاندك
ده شئ عظيم بس في الاخر وجودك ده وممكن يستغل في امور ممكن ماتعجبكش ومايكنش عاندك الفرصة انك تغير ده.....ده ممكن كمان وجودك على الهامش بالصورة دي ممكن ياثر فيك على المستوى البعيد ويخلي ناس تحد من حريتك وحياتك بالتدريج لحد ماتخسر كل اللي انت كنت بتتنعم فيه........00000
وده حال الامريكان دلوقت
وده اللي بيطالبوا بتغيره...000انهم مايعشوش على الهامش زيالاول ويكونوا اكثر تدخل في سياسة بلادهم , وكمان دي الافة الليالمصريين لازم يتعالجوا منها قبل ماتسيطر على حياتهم وتاذيهم
وهو ده المهم

ودي احد الحاجت اللي اتعلتمتها
وعلشان انا راي ان مهم ان البلوج مايكنش طويل فتباعا كده حاكتب اللي انا شفته هناك واتعلمته في بلوجات قصيرة

2007-05-14T14:23:00.000-07:00

انا رجعت

الحمدلله رجعت

بس مش ده المهم

2007-04-27T22:54:00.000-07:00

السلام علي الجميع

واحشتني مصر دي كلمة قليييييييييييييييلة اوي

واحشتوني كولكوا اللي بيقرا البلوج اوفي مصر فاكرني او حتى ناسيني

واحشني كل شبر وكل نقطة وكل شعاع شمس بيطلع على مصر وحارسها

واحشني النيل بكل اللي بيترمي فيه والله

واحشتني الشوارع حتى لما المطر بيملاها والميه مش يتتصفى زي المدعوقة اللي انا فيها

واحشني وشوش الناس حتى وهي حزيييييييييينة وشايله الهم

على الاقل احسن من الوشوش البلاستيك اللي هنا

وحشنتني القهاوي اوي اوي اوي وواحشني سيد وكمال واحمد ومحمد فرج وواحشتني السهر طبعا انتوا عارفين السهر

واحشتني بكل مافيها حتى بالشيشة اللي يوم في الطالع وعشرة في النازل

على الاقل احسن ماشرب في كل قهوة كوكاكولا....انا اتهريت كوكاكولا ده حتى البيبسي مش موجود

واحشني الدكتور سليم اوي اوي اوي

حتى وهو مشغول عني على الاقل الاخلاص اللي باشوفوا عيونه لما بيبصلي

احسن من الوش السياسي بتاع نهاد

وحشني شغلي وزمايلي وانس وحازم حتى وهو مزعلني قبل ما اجي المعتوقة اللي اسمها امريكا دي

كفاية اني باشتغل مهندس مش في بار وكمان بادرس علاقات دولية

طبعا مش حاجيب سيرة امي وابويا لانهم فوق الوصف كفاية انهم جابوني للدنيا وعملوني كده بكل عبلي

وحشتني هي جدا .........طب والله بافكر فيها كتير ادعولي ربنا يكرمني بيها

واحشني ........................طبعا لو قعدت اكتب ايه اللي واحشني حامطر من عنيا سيول

بقلكم ايه السفرية دي وجعت قلبي

بس الحقيقة رتبت حاجات كتير في عقلي

وانا قلبي اهم

بس علشان خاطركم وخاطر مصر حاكملها

تكملة لموضوع الكتاب دي عنواين جديدة

عن عادل وريد والاسلام في امريكا

مارتن لوثر ضد مالكوم اكس يعني اساليب النضال اللي تنفع

بلا وجع قلب غطيني يا صفية ...هي دي السياسة الامريكية

الالوزة -اللوبي اليهودي

امجاد يا عرب وتجمعكم كلوا خير...او شر

الحياة هي التفاصيل الصغيرة والباقي ماكيت معماري

2007-04-22T06:22:00.000-07:00

انا في امريكا

بل في العاصمة ذاتهاواشنطن دي سي

اللي ماكنش يعرف اني مسافر مايتخدش

لا انوي البقاء كثيرا الحقيقة مش بكيفي اني اقعد ولا لأ

الكلام كتير والرحلة حمالة علشان كده انا ان شاء الله ربنا لو وفقني حاكتب كتاب عن الرحلة كلها
وعلشان الكتاب مايتحرقش انا حاكتب هنا بس بعض العنواين فقط

تباعا

عندما ارتديت رداء كولومبس

الايام صفر من الرحلة

اليوم صفر

اليوم سالب صفر

بعض ارقام من عشرة

موكب سيادة الرئيس

عن الانطباعات الاولى

شاركتني الافطار عصفورة

عن الموزز احدثكم من قلب واشنطن النابض

......

2007-03-11T09:28:00.000-07:00

انا مش معاهم
انا مش معاهم .... جملة في الصميم ....
بس الواحد لازم يعرف هو مع مين ........
ده سؤال مهم ...انا مش معهم ..ولا مع دول ....ولا مع دولهمه .....طب انا مع مين ...
لوالواحد معرفش يرد على السؤال ده حيخلي اي حد ياخدوا معاه وده اللي حصل في فيلم احمد عيد الجديد " انا مش معاهم " اللي محقق مليون جنيه في اول اسبوع ..زاللي معناه ان فيه ناس كتير نفسها تعرف او بتدور على اجابة السؤال ده هي مع مين.......
الغريب ان السؤال ده مامرش عليا وانا صغير , وعدم المرور ده مش باسطني اوي يعني, لان ده حرمني من التعامل والدخول ومعرفة اناس التانية من جوه عمليين ازاي. بس برضه في نفس الوقت تحديد انا مع مين اداني فرصة اني افهم اكتر اللي انا معاهم , المهم ان انا مش معهام الفيلم مش الجملة لمس فيا رغم مكل ده حاجات مهمة اوي واكتشفت حاجة تانية مفيدة ليا وللناس
اول حاجة حسيت بيها قد ايه احنا مقهورين ومغيبين ومذلولين وفعلا مش عايشين الا من رحم ربه, وكمان اكتشفت قد ايه البلد دي تستاهل اكتر واحسن من كده , وكمان رجعني ابكي في الافلام في مشهد البطلة المحجبة وهي بتنضرب وينزع عنها الحجاب وقد ايه القهر والام النفسي حسيت بيه وقد ايه شهامة البطل المصلري الطبيعي العادي في موقف زي ده ..الحقيقة اللي باكني فعل البطل مش قهر البطلة.......
ثم اكتشفت ان التوجه او المعادلة اللي ارتضاها الفيلم في الاخر للبطل هو تقريبا قريب اوي من اللي انا مقتنع بيه ونفسي اوصله , بل ان اعتبرت ان الفيلم اعلان صريح عني وعن التيار الفكري اللي بانتمي اليه وباتعلمك افكاره من خلال الجمعية او من خلال الحزب........وهذا فعلا ما طمنني على نفسي كتير.........
وبنظرة غير متوحدة مع افكاري لقيت الفيلم فعلا مباشر وده يعيب الفن عموما بس كمان حسيت ان الوقت اللي عايشينه ده محتاج كده لان كله بقى على المكشوف ....ورغم ان ده ممكن يضر الفن....بس حسيت الفنان برضوا محتاج يقدم حلول ويعمل حاجة مباشرة يعبر فيها عن نفسه..
الفيلم من وجهة نظر الفن والسينما متامسك وحلو وخفيف وظريف وغير مبتذل , بس اعتقد مجتاج حد اعلم مني في النقد الفني علشان ينقدوا....بس انا حبيت اتكلم عن اللي حسيتوا فيه واللي اكتشفتوا جواه......يمكن الناس لما تروحوا يفكروا يعملوا حاجة...........

2007-03-11T09:27:00.000-07:00

ماروحتش اصلان

بعد مفاوضات وشد وجذب ين السفارة ووزارة الخارجيوة في ثلاث دول ادوني افيزا متاخر
يعني ماروحتش اصلا
اللي عايز يعرف التفاصيل يبعتليانا مازعلتش اوي بس كان نفسي اروح

2007-02-16T20:08:00.000-08:00

انا رايح تركيا

اذ فجاءة حقق الله مرادي بزيارة تركيا

فجاة كده مش فاكر كنت فين ولا باعمل ايه ولا مع مين ولا ازاي؟
جالي تليفون من صديق عزيز عليا كاتب ومتخصص في مركز الاهرام للدراسات

يسالني عن رغبتي في حضور مؤتمر في تركيا ..........
طبعا انا قلت ياريت

المهم بعديها بيوم كنت باعمل انترفيو مع المسؤولة عن اللقاء المهم بعديها بتلات اسابيع كنت هناك
سيبوكوا من المشاكل اللي وجهتني في الفيزا وفي تصريح السفروفكل حاجة
بس فعلا انا حمدت رنا كتير لاني كنت باتمنى اني ازور تركيا ولما ارجع حابقى احكيلكوا واوريكوا الصور

لاني دلوقت مشغول في القراية عن تركيا واللي فيها..........

2007-02-16T19:58:00.000-08:00

صالون الغزالي

الحمدلله والشكر لله
تحقق احد احلامي الخاصة بتخليد ذكري شيخي وشيخ شيوخي واستاذي واستاذ اساتذتي ومفكري الاول و..........
صفات كثيرة مهما اضفتها لن توفي قدر هذا الرجل عندي .......
تحقق الحلم بان يكون هناك صالون شهري للشيخ محمد الغزالي نناقش فيه كتبه وآرائه في مجال الفكر الاسلامي
يتم استضافة الصالون الشهري في ساقية الصاوي - دي لوحدها حدوتة تانية – تمت اولى اللقاءات يوم الخميس الماضي في رحاب كتاب "جددد حياتك " الذي الفه الشيخ محمد الغزالي عن رائعة الكاتب "ديل كارينج" دع القلق وابدا الحياة

كان هيثم جميلا في حديثه باللغة العربية الموزونة المتينة وكان حبه للموسيقى والاغاني جعلانه يغني متحدثا او متحدثا مغنيا ........ولكن الرائع الحقيقة كان احمد الاعور من تحدث عنالكتاب بطريقة تجعل من قراءه حوالي 10 مرات او اكثر مثلي يعيد قراءته بل عليه اي احمد الاعور ان يعيد هو قرآت الكتاب ويكتب حواشيه علىالكتاب .....انا راي اننا نحتاج ذلك جداجدا
الجميل اكثر ان احمد الاعور اكتشف اشياء في تفسيرات الشيخ الغزالي للاحاديث والافكار لم يكتشفها فقهاءمتخصصين

اليوم باجمله كان ملئ بالافكار المتتدفقة التي تحتاج الى مقالات للحديث عما استفدنا في اللقاء
ولكن انا لم يعنيني الا انني والحمدلله تحقق حلمي في اقامت صالون شهري للشيخ محمد الغزالي نتناقش في افكاره وننشرها لاكبر قدر من الناس
فكما قال هيثم في تقديمه ما احوجنا واحوج مصر والعلم الاسلامي والمسلمين لافكار الشيخ محمد الغزالي
رحمه الله

http://culturewheel.com/#

2007-02-16T19:07:00.000-08:00

انحناءة سنبلة

انا من تراب
خذوا حذركم ايها السابلة
خطاكم على جثتي نازلة
وصمتي سخاء
لان التراب صميم البقاءوان الخطى زائلة

ولكن....اذ حبستم بصدري الهواء
سلوا الارض عن مبدأ الزلزة
سلوا عن جنوني ضمير الشتاء
انا الغيمة المثقلة
اذا اجهشت بالبكاء
فان الصواعق في دمعها مرسلة
اجل انني انحني
فاشهدوا ذلتي الباسلة

فلا تنحني الشمس الا لتبلغ قلب السماء
ولا تنحني السنبلة
اذا لم تكن مثقلة
ولكنها ساعة الانحناء
تواري بذور البقاء

فتخفي في رحم الثرى ثورة مقبلة
اجل انني انحني تحت سيف العناء
ولكن صمتي هو الجلجة
وذل انحنائي هو الكبرياء
لاني ابالغ في الانحناءلكي ازرع القنبلة

الى صديقي اللورد احمد الريدي

2007-01-24T23:32:00.000-08:00

استأذن القارئين للمدونة عن اتحدث عن موضوع مختلف عن المود العام

رغم انه اهم اهتمام او نشاط في حياتي انا باعمله

انا هناك مختلف كتير عن اي مكان تاني

.....

حزبي واملي حزب الوسط المسجون خلف قضبان الشرعية

التجربة المؤودة بدون ان تسال باي ذنب وءدوها

....

الى من يريد ان يعرف عن الجانب الافضل والاطهر في حياتي

اليكم صرختي عندما رفضوا الحزب للمرة الثالثة

ليس شعر بل صراخ مدوي

اليكم .....يا من اجلتم سطوعه

لسنا تجار سياسة كي نبدل طرقنا

عندما يزداد قمعنا

لسنا سماسرة كي نساوم على حقوقنا ونقبل تنازلات

هي معركتنا سنخوضها بشرف الى نهايتها

وسنكرر شرفنا مهما كرروا رفضنا

فان من يخوض معاركه الصغيرة بشرف

يفرض شرفه على بناء الوطن

فلسنا ساساة بل بناة

والبناة لا يمنعهم الساسة

فنحن بوجودنا نفضح الساسة

ومصداقيتنا تعري النظام

نحن بقوتنا تحت القمع نقهرهم

فافكارنا تكشف غلعم وحقدهم

فلن نغضب بل سنحزن

فان الثورة تولد من رحم الاحزان

والغضب يفقدنا تحكمنا

ونحن في امس الحاجة الي ايماننا وانفسنا

لن نغضب بل سنحزن

ومن يحزن على امه ووطنه ومكانته وزوجة واب واخ وابن وابنة

اصبح الان يحزن من متعنت قاهر قاس لم يولدمن رحم هذا الوطن

انه حمل سفاح رضينا ان يعيش بيننا

ويقتات من فضلاتتنا المسمومة

ويتضخم اكثر عندام نتطهر اكثر

فيمر عام من بعد عام وسيظل الحزن مالئ القلوب

وسيمر عام من بعد عام ولن يغيرنا شئ

فثبات موقفنا شارة شرفنا

وحزن قلوبنا نقاء بناءنا

شكرا لسماع صرختي

2007-01-17T02:56:00.000-08:00

الانشاء الجديد
انا مش رسام تشكيلي ولا فنان عموما, انما في سياحتي الانترتية لقيت تقريبا مدرسة جديدة عجبتني جدا قلت اشارك فيها المطلعين على المدونة ,

دي مارلين مونرو

ده جيم مورسن وآخرون

لازم تنزل الصور وتشوفها من بعيد هي دي الفكرة

اللي عانده فكرة عن الموضوع ده ياريت يبعتلي عنه

واللي عايز صور تانية من نفس المدرسة يبعتلي فيه عاندي تاني

2007-01-15T01:22:00.000-08:00

تراحيل
تراحيل يا رزق قليل
معلش
تراحيل يا زمن يا بخيل
تراحيل وانا حملي تقيل
مين حايهون الاحمال
تراحيل وندوب اشواق
معلش
تراحيل وانت الترياق
معلش
تراحيل واهي لقي وفراق ولا يوم ارتاحنا بال
تراحيل من الفجر رحلت
تراحيل في المغرب عدت
تراحيل وانت اللي رزقت وانت يارب عالم بالحال
تراحيل ولميتى وحيد
تراحيل وحبيبي بعيد
تراحيل ولكني عنيد و الفرسي حاكون خيال
تراحيل وناكلها بحاف
تراحيل ياشجر صفصاف
تراحيل ولا عدتش اخاف
تراحيل ولا عدشي يقول معلش
ولا عدش يقول معلش

مجدي كامل

2007-01-15T00:49:00.000-08:00

انا من متابعي مجلة سينما جود نيوزالشهرية واحتفظ بكل الاعداد من اول يوم, مش ده المهم اكيد, المهم ان في في شهر اكتوبر تقريبا او شهر سبتمبر كان فيه تحقيق عن فكرة اعادة مشاهدة الافلام وما الافلام التي لا تمل من مشاهدتها ةالافلام التي لاتستطيع مشاهدتها ثانية, الحقيقة انا بعت القايمة اللي تحت دي بس, لسبب ما لا افهمهم (عموما ان امش زعلان منهم نهائيا ) لم تنشر القائمة يمكن ينشروها في وقت تاني , عموما الفكرة علشان عاجبتني قلت اشاركها مع الناس .
جميل ان تحدد افلامك

افلام لا تمل من مشاهدتها
حدوتة مصرية
رغم ما به من غموض يبعد عنه المشاهدين, انما احساسك بالفهم يعطي لك تميز يتكرر من مرة الى اخرى عندما تستوعب ما به من سحر, لدرجة انني احفظ حورات الفيلم كاملة .
ايس كريم في جليم
عن اي شاب لا يجد نفسه, ثم يقاوم احساسه بالفشل, ويخوض تجارب كثيرة الى ان تستمع بمشهد النهاية عندما يحصل على كل ما يتمناه, الجميل ان خيري بشارة اختزل جيل الثمانينيات بكل مآسيه في هذا الفيلم.
المدينة
رائعة يسري نصرالله ونهايته التي تزيدك تمسك بكل الاشياء الجميلة في حياتك حتى لو الاخرون لا يجدونها بهذا الجمال.
العار
"حاضربكوا بالنار انتو الاتنين" وغيرها من الجمل التي تستمع بمشاهدتها تتكرر امامك كل مرة.
ضد الحكومة
الامنية التي يتمناها اي معارض ان يقف مرة واحدة ضد الحكومة, فما بالك بالتكرار
الباشا
الباشا باشا.
الامبراطور
تنويعة على نفس الوتر"انا الامبراطوووووووووووووووووووووووور"
ضحك ولعب وجد وحب
عندما تشاهد جمال مصر الجديدة التي تسكن فيها وتتمناها ان تعود في كل مرة.
عودة الابن الضال
الصراع الذي لا تتمناه, والاغاني والاداء التي لا تمل من تكرارها لتؤدي وتغني معها.
العصفور
عن مصر المنهوبة وبكائية الانكسار, واضح ان الدراما هنا تتحكم كثيرا في مشاهدتي للافلام.

افلام لا تستطيع مشاهدتها مرة اخرى
استاكوزا
عندما يستهبل طاقم فيلم باكلمه, لا تستطيع ان تشاهده, حتى لو رقصت دينا بكل طاقتها.
الجنتل
كرها في مجموعة افلام محمود عبدالعزيز الذي مثلها استنزافا لنجاح الكيت كات.
سارق الفرح
والله مابحبش رضوان الكاشف ولا استطيع مشاهدة مشهدين على بعض.
جحيم تحت الماء
ولو, حتى جمال التصوير تحت الماء ومناظر السمك لا تدعني اتحمل سماجة سمير صبري ولا ثقل ليلي علوي.
عرق البلح
يعني ايه؟
الكافير
لا استطيع مشاهدته مرة اخرى, ولا استطيع مشاهدة اي فيلم لاول مرة لطارق علام.
الامبراطورة
وكل افلام نادية الجندي في هذه الفترة تشاهد مرة واحدة لترى كيف تتحكم البطلة في كل شئ حتى الرصاص, الا وا
وكالة البلح.
اسكندرية نيويرك
عندما يخون يوسف شاهين مشاهدينه الاوفياء لا تستطيع الانخداع مرتين.
امير الظلام
كوكتيل مشاهد مكررة بجودة اقل لا تستطيع بعدها ان تكرر انت فكرة الاعادة.
عوكل
مرة واحدة لكي تعرف الى اين وصل محمد سعد, ثم تحزن عليها. وماذا يعنيك ان تعرف

2007-01-02T12:20:00.000-08:00

خارج الكتابة

رغم اني لا احب الكتب التي تجمع المقالات من اماكن عدة وتصدرها في كتاب..... واعتبرها استثمار لنجاح كاتب....كعرض مسرحية على انها فيلم سينما ....
الا ان ابراهيم داوود في خارج الكتابة بالنسبة لي تحفة عن الحكي والحكائين التي ازعم انها الميزة الاولي لوسط البلد و ناس وسط البلد التي

تحدث عنها ابراهيم في كتابه .
خارج الكتابة اصدار دار ميريت للنشر (دي حدوتة تانية يارب اعرف اكتب عنها في يوم من الايام) .
تحدت ابراهيم بحميمة طاغية عن ناس وسط البلد الذي احبهم ولا اعيش مثلهم ولا استطيع البوح بانهم لم يقبلوني فانا مازلت زائرا لهم لا غير يعتبرونني غريب وكثيرا ما يلقحون عليّ باني اسلامي وانا اتقوقع واصمت واخلد الى الوحدة.... الا اني قرات عن وحدة ناس وسط البلد مختلفة حتى لو كانت بينهم وحدة او تمييز يجمعهم. وهذا احد اسباب جمال الكتاب...ففي مقاله وسط البلد تحدث كثيرا عن حكائيين غرباء ومجهولين لباقي الناس ولم يذكر الحكائيين الكبار الا عبورا كخيري شلبي _ وآه من خيري شلبي – او نجم – بصوا بلاش موضوع نجم ده لاني ماينفعش اتكلم عنه اصلا .......الكتاب مليان رغم قصره وجميل رغم انه تجميع مقالات ...اللي يحب يشتريه يبقى رائع ولو مش عايز يبعتلي نسختي تحت امره ...سلف ها سلف0

2006-12-31T07:19:00.000-08:00

الرهينة ....ساندرا

الحقيقة الفيلم حلو واكتشفت فيه حاجات كويسة

يعني مثلا احمد عز اللي اتاكدت دلوقت ان ساندرا هي اللي دمها خفيف ولطيفة مش كريم عبدالعزيز مثلا لان برضو احمد كان بيأدي نفس الاداء ونفس الافيهات وبيضحك برضو وماكنش تقيل مثلا زي افلام تانية كان تقيل فيها جدا جدا

المهم كريم برضو مش وحش لانه فعلا خفيف وممثل كويس

الفيلم كان فيه شوية اخطاء......عادي افلام كتير فيها اخطاء وبتعدي يعني بلاش مهيصة

بس الفيلم جمالوا انو كان خفيف من غير استخفاف زي محطات تانية ووصل اللي عايزوا ببساطة من غير جعلصة

وحل اشكالية التطرف والتمييز المخالف بسهولة ويسر

فقال واحنا من امتى كنا بنسال مسلم ولا مسيحي

طبعا انا عاندي راي شوية مختلف بس ماشي ممكن اعدي الفكرة دي

الفيلم ممتع

انا متاكد اني اللي حايرجع يقرا رجل المستحيل تاني هايركب من غير مايحس وش نور على سونيا جرهام

دي ملاحظات سريعة لانه مش تقيل اوي يعني

2006-12-26T02:43:00.000-08:00

هذا مقطع من القصة القصيرة آخر الرحلة

كثيرا ما صادفت ناس لا اعرفهم في منزلنا وكانوا كالفرق المختلفة الازياء والنشاطات والشخصيات وقلما تجد شخص يتكرر بينهم او قاسم

مشترك الا ابي الذي تجده يشرب ويلعب قمار مع ناس محترمين ويرتدوا بدل ويكلمهم باحترام , او مع ناس فقراء وواضح الفقر عليهم كالصنايعية يطعاطى معهم الحشيش اذا اراد منهم مصلحة معينة او بينهم شغل ويشرب معهم خمرة رخيصة بيرجعوا بعدها او ينقلوهم الى المستشفى , او ناس بين ذلك وذلك وفيهم فنانين انصاف شهرة ومغنيين واوقات ايضا كتاب مشهورين يظلوا طول الليل يقصو الذكريات والحكاوي .... في كل هذه الاوقات امي دائما تنام مبكرا بعد ان تحكلي لنا من القصص والحكايات التي نحبها قبل ان تخلد للنوم قبلنا ثم نتسلل ونسقط الشخصيات التي حكتها لنا امي على من نشاهدهم مع ابي , فمثلا من يحبه اخي يعطيه اخي شخصية الشاطر حسن وانه اذا كان كذا فسيفعل كذا في الموقف كذا... وعلى النقيض كنت اتخيل دائما من احبهم انهم الشخصيات القوية حتى لو كانت الشريرة في الحكايات مثلا لو كان كذا.. فسيعمل كذا ويسرق كذا ويقتله بكذا وهكذا الى ان ينتهي الحفل ويأتي ابانا ليلعب معنا لفترة لنقص عليه ونتجادل فيما لو فعلا هذا الشخص مثل فلان ام لا ....الغريب ان ابي لم يسالنا عن اي شئ لا في الدراسة او المذاكرة او يفرض علينا قواعد كجميع اصدقائي وجيراننا بل عندما يرانا نذاكر خصوصا انا كان ياتي من خلفي يداعبني ويطلب منى الجلوس معه لان امي لم تكن مشغولة به ...

من يريد القصة كاملة يرسل لي في طلبها

2006-12-24T03:35:00.000-08:00

حد عارف مين صاحب الصورة دي؟
ده عبقري لم يكمل طريقه

صاحب الصورة دي على مدي علمي اسمه اسامة نديم

اخترق الصفوف حول الاستاذ يوسف شاهين عندما كان يبحث عن من يمثل دوره في مرحلة الطفولة وفي نفس الوقت يسقط عليه ضميره ونفسيته وتجاربه في الفيلم العبقري حدوتة مصرية واخبره انه هو الذي سيقوم يتمثيل هذا الدور

الفيلم في حد ذاته احد علامات السينما المصرية وماعتقدش ان حد شاف الفيلم او على الاقل سمع الاغنية ولم يفتن بها, ولكن اسامة
لم اشاهد احد مثل مثلما مثل في سنه, خصوصا ان الفيلم ليس كوميدي او للاطفال, ولكن فيلم نفسي معقد جدا جدا.

من يتذكر عندما صرخ في اخر الفيلم وقال وليه انت اللي تقول

او عندما قال لو سيبتوا حايبقى غول وحش

او لما قال اوعى تسبني تاني

او عندما قلب طبق الكحك معلنا غضبه على اهماله من والدته

من يريد ان يرى تحفة تمثيلية فاليعيد مشاهدة هذا الفيلم

2006-12-24T03:16:00.000-08:00

ساعات اقوم الصبح قلبي حزين

اطل بره الباب ياخدني الحنين

اللي اشتريتوا انباع

واللي لقيتوا ضااااع واللي قابلتوا راح

وفات الانين

وارجع واقول

لسه الطيور بتطير والنحليات بطن والطفل ضحكوا يرن

مع ان

مش كل البشر فرحانيين

حبيبي سكر مر طعم الهوا

فرق مابين قلبين ماعدناش سوا

حرام عليك يا عذاب

نبقى كده اغراب

ده البعد والله جرح من غير دوا

آدي اللي كان

وآدي القدر

وآدي المصر

نودع الماضي وحلموا الكبير

نودع الاحزان

نودع الاحلام

راح اللي راح ماعدش فاضل كتير

ايه العمل في الوقت ده يا صديق

غير اننا عند افتراق الطريق

نبص قدمنا

على شمس احلامنا

نلقاها بتشوق السحاب الغمييق

2006-12-17T07:59:00.000-08:00

باولو.....باولو....باولو

هذا الرجل ساحر لاتيني مختلف

حالم برازيلي متفائل

اسيبكم معاه احسن

ملحوظة : لو بتحب ماركيز ماتكملش 00000

"إن رجلاً لا يبحث إلا عن النور ويتهرب من مسؤولياته لا يحظى بالإشراق أبدًا. ورجل يدع عينيه مسمَّرتين في الشمس يصبح لا محالة أعمى"

"قال كبيرهم : من المستحيل, كذلك, ان تمنع نفسك من التفكير في ما يغضب الله ... لكنك اذا عرفت كيف تقول لا للاغراء والغواية.. فلن يمسك الضر.... وهكذا فان الرغبات السلبية لا تؤذيك اذا انت لم تسمح لها بإغوائك "

"قال الناسك: هذا صحيح يا مولاي. ولكنني املك موسيقى الاكوان والجبال والانهار في العالم كله...والشمس والقمر.. لان الله في قلبي ...بينما انت سيادة الرئيس يملك هذه البلد فقط."

"نعم الله لا يمكن توفيرها........ لكل يوم معجزته.... تقبل نعمة الله .....انجز عملك الفني اليوم ....غذا يهبك الله نعمة اخرى ...."

"نحن لا ندرك ان عملا شجاعا بسيطا هو كل المطلوب لكي نحقق حريتنا ......"

"لعلك اخطأتني سيدي فانا لم افعل في حياتي ما يستحق اهتمام الملاك......."

"لا تدع عادة تتحكم في سلوكك"

"يستطيعون فقط لانك ساعدتهم على ذلك"
"ابرع مبارز هو ذلك الذي يشبه الصخرة . دون ان يجرد سيفا من غمده الا انه يثبت ان لا احد يمكن ان يقهره."

2006-12-17T06:10:00.000-08:00

نهار.. حزين ..عادي ... بكسل الاستيقاظ والمشاعر المملة المحايدة
سيئ ان تكون مختلف في هذا العالم0000000
سيئ ان تتوقع الاجمل كل يوم ولا تصادف الا الاسوء00000

سيئ ان تسعى للتغير كل يوم ولا تجد الا الانحدارسيئة هي العادات والامال والطموحات00000
من صغري وانا احلم بشئ واحد والان لا احب ان اكونه0000

علينا ان نتعامل بكل دكتاتورية مع احلامنا فنوجهها لكي لا تتعدى قدراتنا0000
السيئ يأتي ثانية000

من العذاب في الارض ان تكون نصف موهوب

.......ومن اشد العذاب ان بعتبرك الاخرون مختلف ومتميز

.......الا ايها الكائن المتخفي بين جنباتي يوسوس لي باني اسطورة الابدية
.......الا تتكرني
هل انت عذابي0000

اتعذبني بخطاياك0000

......اعلم ان لولاك ماكان عذابي

فقسمك الخالد مازال يؤرقني000

مازلت احاول الا يغشاني00000

.......مازلت احاول احاول احاول احاول

2006-12-11T02:23:00.000-08:00

بيتزا صيامي

هذا جزء من قصة كتبتها من يريد باقي القصة يبعتلي على التعليق

- شبرا
هكذا صاح على صبي القهوة الذي اعتاد ان يجلس عليها عندما يتلمس السكينة بالقرب من المشهد الحسيني رغم ان هذه المرة لا يبحث عن السكينة قدر مايبحث عن الهدوء لكي يستوعب اليومين الفائتين وما مر به من أحداث وموافق هزته .
- اهلان يا فنان هكذا رد عليه شبرا
- فنان ايه اللي انت معلق عليها دي.
شيشة للفنان والشاي الكشري السكر العالي
قالها وهو يذوب بين مرتادي قهوة ولي النعم بدون ان يجيبه
كانت عادته عندما يمل من جلسته وحيدا في المقطم ان يقود سيارته عبر طريق صلاح سالم الى المقابر بمحاذاة سور القاهرة القديم حتي بوابة الفنتوح ويمر بسيارته عبرها في نصف دقيقة ولكن يشعر بعدها بالفخر لان عمره زاد تسعمائة سنة فوق عمره يمر بعدها عبر سوق اللمون الى ان يصل الى منتصف شارع المعز لدين الله فتكون تلبتسه تماما روح قاطني هذا الشارع فيصف سيارته جانب الرصيف قبل ميدان المشهد الحسيني ويرتجل الى أن يصل الى ساحة المشهد فينعطف شمالا محاذي فندق الحسين والدهان القديم وباقي المقاهي التي تطل على المشهد ولا يحب الجلوس عليها لأحساسه انها مقاهي للسياحة فيتجه يسارا حتى يجد مقهاه المفضل ولي النعم .
باستطاعته ان يختصر كل هذا الطريق مرتجلا ويدخل بين الازقة ولكنه دائما مايفضل هذا الطريق لاحساسه ان كل خطوة تزيده قربا والتصاقا بروح المكان خصوصا ان اعتياده هذه الساعة المتاخرة قبيل الفجر في قدومه تجعل تلبس الارواح امرا سهلا.
اعتاد شبرا ان يراه ويرحب به دائما بكلمة فنان وعندما يراجعه كان يؤكد له دائما بلهجته العامية" وعهد الله انت فنان يابيه حتى لو ماكنتوش بترسم او بتكتب شعر او قصة زي عمنا نجيب محفوظ بس فنان ...روحك روح فنان بقعدتك وكلامك وتشيشك ونظرتك وسرحانك ..."
هذه الجمل المكتملة في ذهنه الان سمعها من شبرا على مدار ساعتين لطريقة شبرا الفريدة في التعامل مع اصدقائه من مرتادي المقهى باجابة اسألته له عندما يمر عليه وهو في طريقه لتعوصيل طلبا ما بالقرب منه وليس بإجابته وهو واقفا أو عندما يسأله السؤال مباشرة فشبرا ليس عنده رفاهية الوقت للتواصل مع اصدقائه , فلذلك أخترع هذه الطريقة وكثيرا ماتعجب هو من حضور ذهن شبرا في الردود حتى اذا تحدث مع اكثر من صديق له فدائما عندما يمر عليه يلقي له بسؤال او اجابة لسؤاله وهكذا الا ان يطلب شيئا لشرابه او تغيير حجر لشيشته .
هذه الطريق المرهقة له كانت تمنحه الفرصة لكي يذوب في افكاره مرة بعد مرة.
بجلسته على الرصيف المقابل للمحل الاساسي للقهوة وليس داخل القهوة او الرصيف المكل الذي يقططعونه من الشارع يكون كالمراقب والمتفرج و ليس المشارك في عالم ولي النعم كأمثاله من الكثيرين الذين بفضلون المشاهده على المشاركة والذين تعرف عليهم من مدوامة الجلوس بهذه الطريقة.
لمح شبرا مارا فقال له" الشاي يا شبرا ".
- وعاندك تاني كشري سكر عالي للفنان.
- وأعقبها بندائه المعتاد "أيوه ركن العائلات في ولي النعم " وهي الصيحة المشهور به ولا مانع أيضا من ان يغمز لفتاة مصرية مرت به من جيران القهوة ليتودد لها .
يفعل ذلك بكل زهو وابتسامة مرحة لا تفارقه
لمحه مرة اخرى فقال له " ايه شاي كشري دي يا شبرا"
- يابيه ده اللي انا اتعلمته من معلمي واللي انا حاعلمه للي بعدي . قالها وانطلق
وفي المرور الاخر قال له " أيه يعني اللي أنت اتعلمته وبتعلمه انت حاتشتغلني دول شوية ميه على شاي ناشف "
ضحك له شبرا اكثر وقال " يا بيه اللي اتعلمته مش شوية ميه على شاي اللي اتعملته......." . وسكت عندما لمحه ينظر باتجاه فتاة من البائعات المتجولات في ازقة وشوارع الحسين .
من اول نظرة لتلك الفتاة لمح الحسنة المطبوعة على خدها الأيمن في نفس موضع فتاته وأندهش كيف تملك هذه الفتاة العزة واليقين والنفس الهادئة الواضحة في نظرات عينيها ولا تملك فتاته نفس تلك النظرة بل تفيض بدلا منها نظرة عدم أمان وكبر وتشتت .
تذكر سوء تصرفه مع شبرا عندما مر مرة اخرى مناديا "ايوه ركن لعائلات "
فسأله بود واضح
- ها ماقلتش بأه ايه الل انت اتعلمته" .
فرد بثبات
- اتعملت أمتى اسكت وأمتى أكمل كلامي
- شبرا انت زعلت
رد ضاحكا
- انا ازعل منك .. يا بيه انت فنان و انا اتعملت كمان أزاي اكلم دماغ كل واحد .

نفث اخر نفس من شيشته ثم ذهب الى عم سمير ليطلب الحساب
- خليها علينا المرة دي يافنان
- انت كمان يا عم سمير
- والله خليها علينا.
فاتى شبرا مسترسلا " وضيف تمن الدرس الخصوصي يا عم سمير"
لم يتوقع او ينتظر ان يتعلم شئ جديد يعد رحلةالاسكندرية ولكن شبرا أ ضاف اليه تتمت دروسه فاحس بتعب نفسي عقلي شديدين واحس ايضا باحتياجه لعزلته في المقطم ولكن ما ان وطأت قدماه ساحة المشه دفي طريق العودة حتى أتاه صوت المؤذن لصلاة الفجر وكأنه يناديه هو مفردا الى الصلاة.

2006-11-30T03:42:00.000-08:00

لما فتحوا السهر تاني
رجعوا التلامزة للجد تاني
مش عارف ليه افتكرت كلمة

عمنا الكبير احمد فؤاد نجم دي لما افتكرت اعادة فتح السهر
يااااااااااااااااااااااااااااه من بعد رمضان لحد اول امس كانت السهر مقفولة
انا قلتلكوا المرة اللي فاتت انا ساكن فين وبين ايه..وبعيد عن ايه بقد ايه....تخيلوا لو كل يوم في مكان شكل...ولما تيجي تروح تاخد طريق واحد يوصلك لمكان واحد تقعد فيه وتكرر نفس اللي فيه بنفس الحب ...

بعد سبع سنين من اول يوم اكيد اللي حايربطك بالمكان ده حاجة تانية غير انو بيقدم شيشة كويسة او وحشة او القهوجي بيعاملك وحش او بقلة ادب او ان صاحب المكان راجل بيحبك رغم انه شرير اوي او ان شريكه في المحل صاحبك رغم انك ساعات بتزعل منه وعليه اكتر او شلتك المختلفة عنك تماما واللي دايما بيعارضوك علشان انت فرد من المعارضة واللي سابوا السهر بعد ماقل مستوى الخدمة فيها واتعاملوا وحش واللي ساعتها عرفت انت ليه معارض وهم ليه بيضايقوا ....لان ببساطة هم ماعندهومش ده ...انك تكون في المكان بس علشان هو المكان مش علشان بيديك قد ايه.... وبعدين نبقى كلنا نختلف نعمل ايه في المكان ده ولا مانعملش ايه علشان يكون احسن ........
....يااااااااااهه رجعوا التلامزة للجد تاني
السهر دي مش مجرد مكان وطريق متعود انك تروحلوا وفيه حميمية العشرة........... السهر دي شافت احسن ايامي .واتعسهم ..........شافتني لما رجعت من اول مرة خطوبة وانا مبسوط بيها اوي وشافتني لما خلعت الدبلة وانا برضو مبسوط اوي .....وشافتني في المرة التانية لما كنت مضايق وانا بخطب ومبسوط وانا بقلع.......وشافتني وانا في التالتة لما كنت طاير مع نسايم الهوا لما مجرد شفتها ولما اتعجنت مع روح الدنيا الجميلة لما خطيبتها وكل يوم قد ايه كنت بتغير وانا معاها وباكون اكتر ...واكتر ...واكتر ...واكتر ..مش مهم اكتر ايه؟ المهم دايما كنت احسن ......وشافتني يوم مانكسر جوايا شي.......على راي علي الحجار..........
اصل السهر شافتني وانا اشيك واحد وشافتني وانا بلبس لبس الجيش و هربان ليوم ولا يومين ..علشان بس انزل اشيش وارجع تاني.........
اقولكوا ايه ولا ايه عن عمر الراوي والشيرنك في نفس الوقت وحالتي بقت ازاي من غيره...وعن قناة الافلام الللي مش بلاقي اي مجهود لما اشوف اي لقطة فيها اني اعرف الفيلم.... وقد ايه ده بيعقد شلة القهوة اللي اصغر واحد فيها عاندوا 44 سنة ........

لما فتحوا السهر تاني .....هم قفلوها ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟

فاكرين لما قلتلكوا انا ساكن فين
انا قريب من بيتي في المساكن السعودية اللي كان فيها 60 قهوة مع بعض.....تخيلوا كده 60 قهوة او كافي شوب او ريستورانت او ....اي اسم المهم مكان بيتقدم فيه شيشة وخلاص .....يبقوا موجودين مع بعض في مساحة واحدة تحت عمارات........... حايكون الوضع عامل ازاي ........ساعة الذروة اللي هي بتكون الساعة 10 مساء حتلاقي اكتر من 200 عربية واقفين ...لان لو حسبنا القهاوي انو فيها عشرة على الاقل ......عشر زباين طيب عشرة في 60 يبقى المجموع 600 زبون واغلبهم طبعا من خارج المنطقة او جايين مع اصحابهم وبالمجاز كده حتلاقي ان فيه على الاقل 250 عربية ده بالميت كده وتخيل 600 بني ادم شباب في عز المراهقة والشباب مخلطين بنات على ولاد يبقى الموضوع ضخم جدا ............. الناس بقى اللي ساكنين في العمرات دي كفروا يا عيني لانهم اغلبهم ناس مهمة واصحاب القهاوي برضو ناس مهمة اوي اوي ....فمحدش قادر على حد .......الى ان تفتق ذهن الليي ساكنين على ايه؟؟؟؟؟؟؟؟؟
جمعت الستات بعضها واخدوا ولادهم معاهم وراحو على قصر العروبة في تظاهرة سلمية جدا وطلبوا انهم يقابلوا مين ؟؟؟؟؟؟؟طبعا الست سوزان ربنا يكرمها ......تفتكروا اي اللي حصل ...طبعا كلككم عارفين تم دغدغة القهاوي دي بالبلدوزرات والعمال اللي كانوا اكتر من الف عامل بقوا فين في الشارع.......
طبعا ده نموذج للحياة في مصر ..........ابوا الناس الغلابة وابوا اي ناس تانية لو الموضوع قدر يوصل للست سوزان هانم......الحقيقة انا راي فيها ايجابي لانها ست محترمة .....بس بالفطرة طبعا جت على الناس الغلابة ضد الناس اللي مش غلابة خالص..
اقلكوا حاجة ماتيجوا نعمل مظاهرة قدام قصر العروبة نقولها تقف معانا في موضوع االتوديد والتوريث ده يمكن قلبها يرق لينا.......................

2006-11-30T03:13:00.000-08:00

ساكن في مكان واماكن تانية ساكنة في

تحبوا تسمعو الحكاية
لازم تسمعوا الحكاية من الاول
قدري الجميل الرئع – انا باحب اقول الكلمة دي (رائع) – وبحب كمان الحتة اللي ساكن فيها لانها بين كل حاجة
مش في وسط كل حاجة ...
يعني انا مش عايش للاسف في وسط البلد.......... انا عايش في ارض الجولف
يعني لا مصر الجديدة ولا مدينة نصر
يعني 5 دقايق من المقطم اوسع مشهد للقاهرة اللي مسميها مصر من فوق....... وبعدين خدوا مني الاسم لما عملوا مدينة جديدة......يعني الكورنيش بتاعو وايمن ومهندس حسام..... وطولوا وعرضوا والكلام اللي بيحصل فيه... وايام الشقاوة ربنا مايعدها والطلوع والنزول .....يعني احسن حاجة فحياتي كانت ممكن تحصل فيه بس ربنا يجازي اللي كان السبب.............

ودقيقتيني من الكربة اروع حتة في مصر واكتر حتة باحب اتمشي فيها بدون سبب وباحس ان شوارعها بتقولي كلام وبتديني كلام كتير .......وباحس دايما ان كل يوم فيها مغامرة جديدة... واللي فيها قهوة اسوان وعمارات مصر من مية سنة وبتاع الجرايد اللي دايما يصبح عليك بالفرنساوي رغم اننا 2 صباحا .........

وربع ساعة من وسط البلد بكل مافيها من عبل وعسل وشهد ودموع ........وسط البلد يعني الشرقاوي والبورصة والمظاهرات وقهوة عم ابو احمد اللي بيتر مسميها التكعيبة والتاون هاوس وطلعت حرب ومدبولي وفندق التوليب وافتر ايت واليوناني ومحمد هاشم وكتب ميريت اللي عاملة زي وسط البلد صغيرة وغريبة وحلوة .....الحقيقة بعدد مرات نزولي لوسط البلد كنت دايما حريص ان ادوق من كل مكان قطمة00000

وعشر دقايق من الحسين يعني زيزو النتن وتخريمة سوق اللمون وشارع المعز لحد الركنة والتمشية لحد ولي النعم وشيشة شبرا وتهريج عم شحتة.. تخيلوا مدرس تاريخ بقه وكيل مدرسة دلوقت باسم الله ماشاء الله.. وبعدين بيشتغل في قهوة... بس ايه والله راجل ميه ميه... ولا لما يهرجوا التهريج التقيل بتاع الحركات اللي موش تمام مع بعض .....الحسين يعني لما يناديك من جواك وتلبي.....يعني القرف بتاع العرب وحركاتهم الوس.. يعني ايه ولا ايه ولا ايه...

يعني نص ساعة من الزمالك .......ياااااااااع على الزمالك اللي ماكنتش حاعتبها الا علشان منظر النيل والساقية........يعني الحبيبة الالفرنكةوالعومات واول سيلانترواوالناس اللي بتحب الزمالك وانا لأ000000

وساعة من الهرم لو في الزحمة او تلت ساعة لو رجعت في معادي واحدة ونص الصبح ........بقلك الهرم يعني فيصل والزحمة يعني الهرم وبناته اللي لامؤاخذة مشيين مشي بطال وفكل كباريه قاعدين ومش ساكنين فيه............. يعني ماتروحش الا لما تعوز حاجة او توصل حد – انا يقى كان في حد مهم اوي بوصله وبعدين في حد تاني اقل اهمية وبعيدن بقى فيه حد تالت لحد ماحلفت انا مش عايز اروح هناك تاني بس تقول ايه ضعيف ....

وعشرين دقيقة من عاند الاوتستراد وتيقى فين ؟؟؟؟؟؟؟ في المعادي يعني ناس خاصة كده لازم تروحلهم و انت متشيك وحاطط كلونيا علشان هناك وائل ومراته واحمد وشركات البترول والفلل والعربيات الفشيخة و بس هي كده لا تحبها ولا ماتحبهاش مش بتاعتنا اصلان........... عرفتوا انا ساكن فين ....
دي بداية الحكاية .......المرة اللي جاية في النهاية
لما فتحوا السهر

2006-11-29T23:27:00.000-08:00

بين......وأن

بين ان تحقق ذاتك
وان تعيش على هواك مهما اوصلك
وبين ان تحقق قيمتك في هذا المجتمع
وان تعطي لهم كلهم ماكانوا يرغبون فيه
بين ان تهيم عشقا للاشياء التي تحبها
وبين ان تصنع لهم الاشياء التي يحبونها
بين ان تتوغل بين الدروب والازقة بحثا عن جديد يضيف لك او قديم احببته
وبين ان تضبط ساعتك عليهم وعلى مواعيدهم
بين ان تتركهم وتعيش بين خلجاتك
وبين لسع سياطتهم اذا خرقت منهجهم
بين ان تكون انت وتعيش لك انت
وبين ان تتعلم ان تكون لهم وبهم
ان تبني داخلك بدون حدود وبدون قيود
وان تراعي وان توائم وان تنهارامام نقدهم مهما كنت عصيا
بين النجاح في داخلك وخارجك
يدور الموضوع جله
بين
" ان تغدوا خماصا وتعود بطانا

2006-11-28T02:05:00.000-08:00

فين حق المجتمع
فين حق المجتمع وفين حق الاغلبية وفين الاحترام لحريات الناس التانية........ انا قاعد في مكتبي........ وباشتغل, قدامي مكتب مديري..................... السكرتيرة دخلت لابسة ميني جيب و بلوزة مجسمة وفاتحه اول زورارين............. عادي....... قدر من الحرية الشخصية نستحمله كلنا في اطار الحرية المكفولة للجميع ................ عادي تاني يوم جت الشركة لابسة بلوزة اخف شوية مايكروجيب وكلون ............عادي الناس عليها ان تستحمل........... دخلت عند المدير واتاخرت ..عادي........ المدير عانده شغل كتير.......السؤال هنا خرجت قالعة الكولون وفردة من صدرها بره البرا وهي مش واخدة بالها وقال ايه لما البنات قالولها كده قالتلهم دي حرية شخصية اني اقلع الكولون .....................................................انا باتلكم بجد حتى لو هي لابسة كده على طول تفتكروا الى اي مدي البنات يلبسن ولا يعتبر الموضوع انو تعدي على حريتي انا؟؟؟؟؟؟؟؟؟

2006-11-27T23:44:00.000-08:00

لكل منا عالم خاص به فقط
وبقدر سيطرته على هذا العالم بقدر صحته النفسية والعقلية والاجتماعية
اكثر من في هذه البلد محروم من هذا العالم الخاص
من الاكيد ان الاحتياج لخصوصية هذا العالم اقل قيمة من الاحتياج للماكل وللمشرب
واالي محروم منه اغلب المصريين
بس مين قال ان الخصوصية في مكان مستقل اسمه غرفة الانسان الشخصية مش احتياج مهم
الانسان مش ماكل او ملبس فقط
الانسان مش عيشة والسلام
الاحتياج للاشياء المعنوية الفارق بين انسانية الانسان وتشيئه
نحن لسنا سيارات سنعيش ونمشي طول مابناخد البنزين والصيانة الدورية
غرفة الانسان الشخصية هي عالمه الخاص
فاللي عانده اؤدة لوحده
مايحرمش نفسه منها
واللي ماعندوش يحاول واللي عانده اولويات تانية اكتر من غرفة خاصة
فيسعى انه
يحسن من اولوياته علشان الغرفة الخاصة
ويخلي الغرفة الخاصة
امل يتحقق حتى لو كانت متر في متر
انا عارف اني مستفز بالموضوع ده بس انا حبيت انقل اهمية الغرفة الخاصة

2006-11-16T05:39:00.000-08:00

إن لم احبك أنا

إن لم احبك أنا أنا لا أكون إنسان

عشقك قيود الهوا وغرامك السجان

يا ضحكتي وبلواي اتسللي جواي

شقي عروقي ادخلي ولا تسأليني ازاي

أنا صمتي ماهوش خوف أنا صدري كالبركان

وان كان هواكي خطيئة ومحبتك عصيان

حاصرخ لاخر المدى واعلنها ليكي ألان

إن لم احبك أنا أنا لا أكون إنسان

2006-11-16T04:59:00.000-08:00

الحياة على الحافة
ان تقوم صباحا في موعدك, وتؤدي عملك الروتيني القليل المخاطرالذي يؤمن لك المستوى المناسب من المعيشة انت وعائلتك الصغيرة0
ان تستيقظ وبجوارك زوجتك التي تناسبك ومتماثلة معك في الامال والتطلعات والتوافق الجنسي0
ان تستيقظ وتذهب الى مدرسة اولادك لتدفع لهم القسط الثاني لمصاريف مدارسهم بعد ان تكون قبضته من المسؤول عن الجمعية في عملك الحكومي الممتاز ضمنيا كمساعد مدير عام في شركة خدمات بترولية0
ان تستيقظ على رنين هاتفك فتجد والدتك تشتكي من اختك وزوجها اللذان يهملانها وتتطلب منك ان تاخذها الى منزلك, فتتحجج بضيق المنزل بالمقارنة بمنزل اختك0
ان تستيقظ وتفتح الباب للخروج فتجد البواب يقوم بغسيل سلالم العمارة في المرة التي يقوم بها كل شهر ويتشاغل عنك بالتاكيد على اجادة الغسيل امام بابك ليذكرك انه لم يقبض شهريته0
ان تستيقظ على اغنية "راح اللي راح" لماجدة الرومي فتتذكر كم كانت الحياة اجمل عندما كنت بعيدا عن منطقة الوسط0
ان تستتيقظ عصرا على تيترات المسلسل الاجتماعي للقناة الاولى فتكتشف انها الحلقة المعادة من مسلسل العام الماضي مع اختلاف الممثلين
ان تستيقظ او لا تستيقظ فانك في كل الحالات مللت منطقة الوسط ...........
فان الحياة هي الحياة على الحافة والباقى انتظار................ .

2006-11-09T01:09:00.000-08:00

مات لحد دلوقت 60 واحد وواحدة وطفل من فلسطين
في اخر يومين
عادي كان بيحصل كتير ولا حد بيفكر يعمل حاجة
ونفس الندب والشجب ونفس الكلام اللي بتقال
بس المرة دي ا

لامر مختلف بالنسبة للناس

والجماهير

علشان تعرفوا اننا كان مضحوك عليينا كلنا

القويميين مشغوليين بلبنان والمكاسب من كفاية وازاي نخلص على جمال قبل مايخلص علينا بعد اللي علمناه مع ابوه

واليسار مشغول برضو بلبنان .......وبالعمال قال ايه عايزين يعيدوا المد الشيوعي تاني والياسر المصري بيجهز علشان يجهز حشوده للمعركة اللي جاية ثواني معركة ايه وتجهيز ايه

الناس دي لسه مافقتش

المهم طب والاخوان ماهي دي المكشلة اللي انا جاي اتكلم فيها الاخوان المسلمين اسم الله عليهم لم يرمو حجر على الصهاينة وتركوا حماس تشيل الحمل لوحدها ماشي عادي يعني قال مش قادرين يعدوا الحدود

طب وماذا عن الدعم والمظارهات

اصل الباشوات مشغولين بالانتخابات الله يلعن ابو الانتخابات اللي تحولت الى مشغلة وسببوة حلوة للجميع وبعدين فيه انتخابات طلبة وعمال

قبل كده قبل تغير الاستراتيجيات للاخوان كانوا بيطلعةا عننيني على فلسطين وقال احنا كنا فاكرينهم بجد ناس مضايقين وكنا نطلع مظاهرات علشان خاطر اللي بيموتوا

"وهاللله هالللله

شدي حيلك يا راما الله

والمد اليسار اللي حايمتد من الوراق الى كل بقعة في فلسسطين من النهر الى البحر

والهتافات اللي تدوب الحجر وغطيني يا بهية وكلوا يهيص كلوا يهتف

وده ليه علشان نعمل مظاهرة زي الاخوان

اهو الاخوان نفسهم لا عملوا ولا هببو اخلاص بلاش احنا

طب لو الاخوان كان ليهم غرض انهم بس يشغلوا امواج الاخوان بقضية زي فلسطين طب الناس اللي فاهمة حاتعمل ايه

حاتقف مشغولة باي حاجة طبعا

طب مظاهرة واحدة توحد ربنا الناس بتموت

بالعشرات كل يوم

انا عايز افهم حاجة ليه مانبتديش نعمل مظاهرة محددة في الاسبوع او الشهر في مكان محدد كل يوم ساعة محددة نهتف فيها وبعدين كل واحد يروح بيته بعد مانكون وزعنا منشورات وادينا للناس ورق يروحوا بيه ومرة في مرة حتى لو العدد قليل انما على الاقل الناس لو اترمى عليها ورق حاتاخدوا وتروح وتعرف ان لسه الناس بتموت في كل حتى ومرة مرة الدنيا يمكن تتغير

ربنا يهدي

2006-11-09T00:41:00.000-08:00

السلام علي الجميع

عودة بعد غيبة للمدونة الحقيقة كان المفروض اني استمر بس المشكلة كانت في الوقت

بس ان شاء الله حاتستمر

المهم الي رجعني بقوة الاحداث بتاعة الفترة اللي فاتت المسماة احداث العيد

بعد الضباب منقشع والدنيا بانت احسن

عايزين نتكلم شوية عن حرية التعبير مثلا

لان ده من اهم المواضيع الي ممكن نطلع بيهامن الحادثة

اولا فين حريتي انني لا اثار وباقول لا اثار مش اني اعمل حاجة ولا لأ

اكيد انا لو شفت واحدة لبسها مش مزبوط ساثار والمفروض اني ساعتها اودي وشي الناحية التانية

طبعا ده في الاسلام

الغريب ان ده في الاسلام بس لان لو ده في اي ايدلوجية تانية والبنت اللي لابلسة لبس ملفت (ملفت يعني خارج عن الحدود)ماحدض التفت ليها فمش تلبسه تاني لانه لم يؤدي الغرض

في فرق بين اني البس لبس كويس ومريح وعملي وشاكله جميل وانا مقتنع بيه واني البس لبس زيادة علشان امشي الناس تبس عليا طب لو المجتمع اتعلم مايبصش حاعمل ايه

حاكتأب ويبقى البس مالبسش مش فارقة وبعدين حالبس اي حاجة او انزل الشارع مش لابسة حاجة خالص

يعني قمة الحرية هل في اننا نبقى زي الحيوانات

انا مش باشتم انا باتكلم بجد مش حانوصل الى نهاية الموضوع اننا مانلبسش لان الللبس مش فارق خالص

خلاص خلينا حيوانات .........

نقول المجتمع يفرض حدوده يقولوا لا المجتمع لا يفرض شئ

انا لو لقيت بنت ماشية عريان بلاش بنت لو ولد بيتكلم بصوت عالي شوية وبيحكي عن اي حاجة وقاعد يشتم في المسيح انا موقفي حايكون ايه مش حاضايق

انا مش حاعمل حاجة انا بس حاضايق حتى لو مشيت او سديت وداني طيب مش ده اثر على حريتي

الاحترام مش تقليل من الحرية الاحترام ده معيار للتقدم الحضاري

يعني مراعاة المجتمع من احد علامات الحضارة يعني ماترميش ورق على الارض ولا توسخ الحيطان زيها بالزبط زي ماتتكلمش كلام بذئ وتقولي اصل دي حرية ولا تلبس لبس ملفت ايا كان مكان لبسه وتقولي حرية

لبس ملفت ممكن البكيني مايكونش ملفت لو في الفردوس وفي نفس الوقت ممكن التوبلس يكون ملفت في الفردوس انما في شرم الشيخ لا

هو ده قاصدي عن الملفت يعني زيادة عن حدود المكان اللي متواجد فيه الفرد

اتمنى لو حد حايرد انو يرد كده مايقعدش ينظرلي

2006-07-27T02:19:00.000-07:00

يوم مشهود آخر مطاهرة التحرير 26\7
من اسبوع كنت في اللجنة الداعية لمظاهرة يوم الاربعاء لدعم المقاومة في لبنان وفلسطين .
وكان ...
يوم الثلاثاء اخدت اجازة من الشغل يومي الاربعاء والخميس علشان ماحدش يحس اني في الشغل رايح المظاهرة , رغم اني قايل لكل الناس في كل مكان اني بروح مظاهرات وليا في السياسة . وكنت فاكر في الاول دي حاجة كويسة والناس حاتتقبل الموضوع وكأني واحد كويس او على الاقل شاغل نفسه بحجات كويسة انا عموما ماكنش هممني الموضوع ده اوي لان حبها فعلا اللي مش عارف ايه سببه هو اللي بيحركني بس على الاقل مامكنتش اتوقع ان خطوبتين افسخهم علشان اهل الوانم مش عايزين يجوزوا بنتهم لواحد مجنون ومشغول قال ايه بمصر . اتار في ناس كتير بيقلدوا سيادة المرشد العام للاخوان ان طز في مصر الحقيقة انهم كانوا بيقولوا اكتر من طز في مصر .
بعد ماعرفت اللي فيها وان الناس حاتتقبل كلامي اني واحد اهبل او مجنون بقيت اقول للناس كده واحرص اني اكون الاول وشاطر في كل شئ ومعاملتي للناس تكون مختلفة وكلها اخلاقيات كويسة ونبيلة يمكن تتغير نظرتهم في اللي بيشتغلوا سياسة بس طبعا لا حياة لمن تنادي.
يوم الاربعاء الصح كنت سعيد وحاسس انو يوم جميل جديد. كلمني واحد صاحبي علىالصبح واتفقنا اننا نتقابل بعيد عن المظاهرة وندخل مع بعض .وفعلا اتفقت مع اكتر من واحد على كده خلال اليوم. فتحت الجرايد الصبح لقيت تصريح من جمال مبارك بيقول انو مع المظاهرات السليمة ففهمت اللي فيها
جمال حايطلع بمظاهرة وخفت ليطلع معانا النهاردة بس على الاقل فهمت ان الدنيا حاتكون حلوة واخواتنا الحلوين حايكونوا كويسين . وبعدين فكرت في اخواتنا التنيين المسلمين – يعني احنا الكفرة طبعا- وبرضضو اتمنيت من ربنا اني ماشفشي وشهم النهاردة لعدة اسباب اولهم مابحبش اطلع مظاهرة مع شوية فراخ بيقعدوا في الجوامع لعمل مكلمات علشان كل واحد يطلعلوا كلمتين, وكمان علشان كنت عايز اعرف احنا عددنا حايكون كام بالزبط من غير الحشد المزيف بتاع الطاعة والايجاب . كنت عايز اعرف احنا كلنا كحركات سياسية حايقدروا يعملوا ايه. ونجمع كام ؟
المهم على العصر عرفت من شوية تليفونات ان الموضوع حايكون عددا كويس وقلت ربنا يسهل.
وانا بلبس هدومي بعد الدش التمام . جيت البس لباس – كلوت يعني – قلت بلاش البسه ملون او رمادي علشان لو حصل فيا زي محمد الشرقاوي صحبي وحبيبي ميقعدوش يتريقوا حبقى مبضون اوي لما يسيبوا كل العنف والمهانة دي ويعلقوا على اللباس ولاد الهبلة فلبستوا ابيض وبعدين قلت خلي الهدوم كلها بيضاء علشان من اول يوم احسس المساجين اني سجين سياسي علشان ماحدش يقل عقله منهم .
لبست ونزلت وانا في الطريق فكرت هي حاتكون فين وهل حانمشي ولا لأ وايه الهدف منها بالزبط ودي كلها افكار كلها كانت في دماي ومعرفتش اناقشها في الاجتماعات التحضيرية اللي كلها مزايدات ومناقشات بيزنطية , وبعدين جاتلي فكرة حلوة اوي ليه بقى مانعملش المظاهرات بتاعتنا بعد كده ويكون فيها مغني او فرق للغني والاناشيد . حانكون فكرة حلوة , وانا بافكر فيها افتكرت محمد نوح وهو بيغني مدد مدد شدي حيلك يا بلد واغاني الشيخ امام وقد ايه الاغاني دي بتعمل جو كويس في تحميس الشباب والناس وازي ممكن اعداد من الناس تيجي علينا لما تلاقي الموضوع اكثر انسانية.
وصلت الى مكان انتظار الاصدقاء ....مش حاطول جم وتوجهنا الى الميدان... الحركة الي حد كبير عادية, وبعدين ظهر المتظاهرين... ماشي العدد كويس بالنسبة للساعة 6 يعني بداية المظاهرة ......
نتوقف هنا ولنا تكملة عن الملاحظات داخل المظاهرة.

2006-07-02T13:15:00.000-07:00

قال مظاهرة في الازهر قال....
رحت يوم الجمعة اللي فاتت اصلي في الازهر واحضر مظاهرة التضامن مع فلسطين واللي بيحصل فيها .
وياريتني ماروحت ولا وقفت في الحر ولا دفعت الخمسة جنيه علشان الركنة وخلتني في بيتنا ولبست البواب بتاعنا لبس الامن المركزي وماخلتيش حد يعدي من قدام البيت برضو وقعدت قدام ابويا يقول كلمتين عن فلسطين واننا حانعمل ونسوي وخليت امي تهتف كلمتين اي حاجة وانا قعدت اهتف والم جيراني في اودت الجلوس بتاعتنا والبوابين يقفوا حواليها واهتف اللي في نفسي على الاقل في التكيف ولا المصاريف دي.والنتيجة برضو حاتكون واحدة واطلع نفس الشحنة اللي عاندي من التعاطف مع الفلسطينين في غزة .
مش هما عملوا كده يومها اول مالشيخ خلص الخطبة قاعدوا يهتفوا ويقول كلمتين حلوين وبعدين خرجوا في سلام آمنين قال ايه عملوا مؤتمر.
اللي انا كنت متوقعوا وفاهموا ان الناس اللي راحت بغض النظر انهم قطيع الاخوان المسليمن (فينك يا استاذ خسن تلم ناسك اللي فرطوا من بعدك ) انهي يمعلموا مظاهرة حاشدة مع البقية من الناس اللي عايزة وحسه بالمصيبة ويطلعوا بره ويمشوا امام كل الناس ليعلنوا اي انبطاح وصلنا في مساندة اهم قضية عايشين فيها وبيها . ولا انهم يتلموا في صحن الجامع علشان يطلعوا الشحنات الزيادة .انا كدهكنت افتخر واقول انا انضربت و طلع ميتيني علشان حاجة تستاهل .على العموم لسه بدري اوي يا ناس قدمها كتير لحد ماتكون من دم ولحم.

2006-07-02T13:09:00.000-07:00

الغسيل اللي لاموأخذة وسخ

فجأة كدة طلع علينا قسيس جديداسمه مكسيموس احنا كمسلمين مانسمعش عنه حاجة. القسيس الجديد ده ابتدى ينشر غسيل الكنيسة الارثوذوسكية في مصر. الحقيقة انو نشر الغسيل الللي لاموؤخذة وسخ للبابا. بصوا انا ماعرفش ايه قدسية البابا خصوصا اننا كمسلمين ماعندناش حد مقدس ومرفوع عنه الخطأ او النقد الا الرسول فانا ماعرفش ايه الموضوع ده. بس المهم الراجل ابتدى يقول كلام عن البابا كان معروف مسبقا عند المسؤلين في الدولة وعند ناس تانية عالمة ببواطن الامور. الكلام بقى اللي قالوا ان البابا كان حريص انو يزود الفتنة الطائفية في مصر وده معروف من السبعينات بس انو يتقال علني (في المصري اليوم بتاريخ 2\7\2006 ) هو ده من الهدوم اللي وسخة وحانبتدي نسمع عنها تباعا وان البابا كان بيعمل ويسوي للمعارضين بتوعه واللي بيخالفه في الراي برضو كان حاجة معروفة بس برضو انها تطلع من واحد كان لفترة صغيرة جوه الكنيسة فهي دي المشكلة.
حتة لو الراجل الجديد ده كان عاندو مشاكل او عايز ينشق (فكرني بشلة الوسط اللي قال ايه انشقت عن الاخوان ) حاكم الانشقاقات في مصر بقت حوسة.بس اللي قالو كلام يوجع المحايد االي ماسمعش عن الماضيع دي قبل كده.
المهم كمان ان الرجل الجديد ده مش اوي يعني وبيقول كلام غريب عن الشعب القبطي في مصر فكرني كده وكانه عايز يعمل جمهورية زفت او زفتى مش عارف, وان لا امل في الاصلاح – مش عارف هو بيتكلم عن الاصلاح في مصر ولا في الكنيسة ولا الشعب القبطي – الا من الخارج والادهى ان بيعترف ان اللي عايز يعمله ده مدعوم من امريكا. لامؤخذة ده كلام..... ده حتى البابا كان بيعمل من غير مايقول طب تخيلوا ده بيقول يبقى عمل ايه . البلاد دي فعلا مابقاش فيها كبيرولا حد يفهم الناس ايه الغلط وايه الصح ومين ده علشان يقول الكلام ده..... .
ربنا يهدي الكل ويحاولوا يقروا دافنشي كود او يتفرجو عليها يمكن ينشغلوا باللي اتقال اكتر من نشر الغسيل كده على الملأ .

2006-06-30T13:58:00.000-07:00

بطحة البابا شنودة والقساوسة في العالم
ايه اللي يخلي البابا شنودة والقساوسة فب العالم يمنعوا فيلم دافنشي كود ....
انا راي ان الموضوع فيه بطحة فوق دماغهم عن الديانة المسيحية التي يدعون لها .وتقريبا ده اللي اتقال في القصة نفسها على ان القساوسة والباباوات الكبار للديانة المسيحية في العالم حريصين على كتمان اسرار المسيحية عن اهل الديانة نفسها لغرض ما لا يعلمه الا اللي بيقرا ويدور فانا مثلا قريت كتاب ومازال عندي لقس انجليزي وبيشتغل دكتور في الجامعة عن الانحرافات اللي عملها قدامي المسيحين في بداية انتشار المسيحية في العالم وتاريخاها.
المهم ان الموضوع نفسه مطروح يعني اكيد ان من الغباء ان البابا نفسه يطالب بمنع الفيلم علشان مايبينش الباطحة اللي فوق راسه.
الحقيقة ان المسيحين نفسهم مالهمش اي ذنب خصوصا انهم بيعملوا اللي بيطلب منهم وبيقتنعوا بيه لوجه الله خصوصا ان كبارهم مفهمنم ان هو ده الله واو ابنه .
الناس بتقول طب مالمسلمين بيعملوا كده . ممكن ماتكلمش في الموضوع ده المرة دي بس على الاقل في القصة او الفيلم ماشتمش المسيح ولا اتريقوا عليه .
طبعا الباطحة هي بشرية المسيح عليه السلام وانه لا هو الله ولا نص ولا ابن الله ورسول قد خلت من قبله وبعده الرسل. وهي دي اكبر بطجة في التاريخ الميلادي كله .